ನಮ್ಮ ಬದುಕಿನಲ್ಲಿ ಹಣದ ಅವಶ್ಯಕತೆ ಯಾವಾಗ ಬರುತ್ತೆ ಅಂತ ಹೇಳೋಕೆ ಆಗಲ್ಲ. ಮಕ್ಕಳ ಸ್ಕೂಲ್ ಫೀಸ್ ಇರಲಿ ಅಥವಾ ಯಾವುದೋ ತುರ್ತು ಆಸ್ಪತ್ರೆ ಖರ್ಚಿರಲಿ, ಅಂತಹ ಸಮಯದಲ್ಲಿ ನಮ್ಮ ಕೈ ಹಿಡಿಯೋದು ಕಪಾಟಿನಲ್ಲಿರೋ ಚಿನ್ನ. ಇದನ್ನು ಕ್ರೈಸಿಸ್ ಸೇವಿಯರ್ (Crisis Savior) ಅಂತಾನೇ ಕರೆಯಬಹುದು.ನಿಮ್ಮ ಕಷ್ಟಕಾಲದ ಮಿತ್ರನಂತಿರುವ ಬಂಗಾರವು ಹಣಕಾಸಿನ ಭದ್ರತೆಯನ್ನು ಒದಗಿಸುತ್ತದೆ. ಬ್ಯಾಂಕ್‌ಗಳಲ್ಲಿ ಚಿನ್ನದ ಸಾಲ (Gold Loan) ಪಡೆಯುವುದು ಹೇಗೆ ಮತ್ತು ಅದರ ಲೆಕ್ಕಾಚಾರ ಹೇಗಿರುತ್ತದೆ ಎಂಬುದನ್ನು ಗಮನಿಸಿ. ಆದರೆ, ನಮ್ಮ ಹತ್ತಿರ ಇರೋ 10 ಗ್ರಾಂ ಚಿನ್ನಕ್ಕೆ ಬ್ಯಾಂಕ್‌ನವರು ಎಷ್ಟು ಸಾಲ ಕೊಡ್ತಾರೆ? ಈ ಲೆಕ್ಕಾಚಾರ ನಿಮಗೊತ್ತಾ? ತಿಳಿಯಲು ಈ ವರದಿ ಓದಿ.
ಏನಿದು 75% ರೂಲ್? (LTV Ratio)
ಚಿನ್ನ ಅಂದ ತಕ್ಷಣ ಅದರ ಪೂರ್ತಿ ಮೌಲ್ಯದ ಹಣ ನಮ್ಮ ಕೈಗೆ ಸಿಗಲ್ಲ. ಇಲ್ಲಿ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಒಂದು ನಿಯಮ ಮಾಡಿದೆ. ಅದನ್ನೇ LTV (Loan to Value) ಅನುಪಾತ ಅಂತಾರೆ. ಇದರ ಪ್ರಕಾರ, ಇಂದಿನ ಮಾರುಕಟ್ಟೆ ದರದಲ್ಲಿ ಗರಿಷ್ಠ ಶೇಕಡಾ 75 ರಷ್ಟು ಮೊತ್ತವನ್ನು ಮಾತ್ರ ಬ್ಯಾಂಕ್ ಸಾಲವಾಗಿ ನೀಡುತ್ತದೆ. ಅಂದರೆ, ನಿಮ್ಮ ಚಿನ್ನಕ್ಕೆ 1 ಲಕ್ಷ ಬೆಲೆ ಇದ್ದರೆ, ನಿಮ್ಮ ಕೈ ಸೇರೋದು 75 ಸಾವಿರ ಮಾತ್ರ.
ಉದಾಹರಣೆಗೆ: ನಿಮ್ಮ ಬಳಿ ಇರುವ 10 ಗ್ರಾಂ (1 ತೊಲ) 22 ಕ್ಯಾರೆಟ್ ಚಿನ್ನದ ಮೌಲ್ಯ ₹1.40 ಲಕ್ಷವಾಗಿದ್ದರೆ, ಬ್ಯಾಂಕ್ ನಿಯಮದಂತೆ ನಿಮಗೆ ಸುಮಾರು ₹1.19 ಲಕ್ಷ ಸಾಲವಾಗಿ ಸಿಗಬಹುದು.
ಬಡ್ಡಿ ದರ ಮತ್ತು ಇಎಂಐ (Interest & EMI)
ವೈಯಕ್ತಿಕ ಸಾಲಗಳಿಗೆ (Personal Loan) ಹೋಲಿಸಿದರೆ ಚಿನ್ನದ ಸಾಲದ ಬಡ್ಡಿ ದರ ಕಡಿಮೆ ಇರುತ್ತದೆ.
ಪ್ರಮುಖ ಬ್ಯಾಂಕ್‌ಗಳು: SBI, HDFC ಮತ್ತು ICICI ಬ್ಯಾಂಕ್‌ಗಳಲ್ಲಿ ಬಡ್ಡಿ ದರವು 8.5% ರಿಂದ 12% ರಷ್ಟಿರುತ್ತದೆ. (SBI ನಲ್ಲಿ ಆರಂಭಿಕ ದರ 8.70%).
NBFC ಸಂಸ್ಥೆಗಳು: ಕೆಲವು ಹಣಕಾಸು ಸಂಸ್ಥೆಗಳು 9.5% ರಿಂದ 18% ವರೆಗೆ ಬಡ್ಡಿ ವಿಧಿಸುತ್ತವೆ.
ಲೆಕ್ಕಾಚಾರ: ನೀವು ₹1 ಲಕ್ಷ ಸಾಲವನ್ನು 8.7% ಬಡ್ಡಿಗೆ 12 ತಿಂಗಳ ಅವಧಿಗೆ ಪಡೆದರೆ:
ನಿಮ್ಮ ತಿಂಗಳ EMI ಸುಮಾರು ₹7,000 ಇರುತ್ತದೆ.
ಕೇವಲ ಬಡ್ಡಿ ಮಾತ್ರ ಪಾವತಿಸುವುದಾದರೆ ತಿಂಗಳಿಗೆ ಸುಮಾರು ₹850 ಆಗುತ್ತದೆ.
ಒಡವೆ ಅಡವಿಡುವಾಗ ನೆನಪಿರಬೇಕಾದ ಮುಖ್ಯ ಅಂಶವೆಂದರೆ, ನಿಮ್ಮ ಸರ ಅಥವಾ ಓಲೆಯಲ್ಲಿರೋ ಹರಳು, ಮಣಿ ಅಥವಾ ಕಲ್ಲುಗಳನ್ನು ಬ್ಯಾಂಕ್ ತೂಕಕ್ಕೆ ಪರಿಗಣಿಸಲ್ಲ. ಅಪ್ಪಟ ಚಿನ್ನದ ತೂಕ ಎಷ್ಟಿದೆಯೋ ಅಷ್ಟಕ್ಕೆ ಮಾತ್ರ ಸಾಲ ಸಿಗುತ್ತದೆ. ಅಷ್ಟೇ ಅಲ್ಲ, ನೀವು ಒಡವೆ ಮಾಡಿಸುವಾಗ ಕೊಟ್ಟ ‘ಮೇಕಿಂಗ್ ಚಾರ್ಜ್’ ಅಥವಾ GST ಹಣವನ್ನು ಬ್ಯಾಂಕ್ ಲೆಕ್ಕಕ್ಕೆ ತಗೊಳ್ಳಲ್ಲ.
ಬಡ್ಡಿ ಮತ್ತು ಸೌಲಭ್ಯಗಳು:
ಬಡ್ಡಿ ದರ: ಸರ್ಕಾರಿ ಬ್ಯಾಂಕ್‌ಗಳಲ್ಲಿ ಸಾಮಾನ್ಯವಾಗಿ 8% ರಿಂದ 12% ವರೆಗೆ ಇರುತ್ತದೆ. ಖಾಸಗಿ ಕಂಪನಿಗಳಲ್ಲಿ ಇದು ಸ್ವಲ್ಪ ಜಾಸ್ತಿ ಇರಬಹುದು.
ಸಿಬಿಲ್ ಸ್ಕೋರ್ ಬೇಕಿಲ್ಲ: ಪರ್ಸನಲ್ ಲೋನ್ ತರಹ ಇದಕ್ಕೆ ದೊಡ್ಡ ಪೇಪರ್ ವರ್ಕ್ ಅಥವಾ ಸಿಬಿಲ್ ಸ್ಕೋರ್ ಅವಶ್ಯಕತೆ ಇರಲ್ಲ. ಕೇವಲ ಐಡಿ ಪ್ರೂಫ್ ಮತ್ತು ಚಿನ್ನ ಇದ್ದರೆ ಸಾಕು.
ಪ್ರೊಸೆಸಿಂಗ್ ಫೀಸ್: ಸಾಲ ಪಡೆಯುವಾಗ 0.5% ರಿಂದ 1% ವರೆಗೆ ಪ್ರೊಸೆಸಿಂಗ್ ಶುಲ್ಕ ಕಟ್ ಆಗಬಹುದು.
ಪ್ರಮುಖ ಅಂಶಗಳು
ಶುದ್ಧತೆ ಪರೀಕ್ಷೆ: ಬ್ಯಾಂಕ್ ನಿಮ್ಮ ಆಭರಣದ ತೂಕ ಮತ್ತು ಶುದ್ಧತೆಯನ್ನು (Purity) ಮೊದಲು ಪರೀಕ್ಷಿಸುತ್ತದೆ. ಆಭರಣದಲ್ಲಿರುವ ಕಲ್ಲುಗಳು, ಮಣಿಗಳು ಅಥವಾ ಇತರ ಲೋಹಗಳ ತೂಕವನ್ನು ಒಟ್ಟು ತೂಕದಿಂದ ಕಳೆಯಲಾಗುತ್ತದೆ.
ಪ್ರೊಸೆಸಿಂಗ್ ಫೀ: ಸಾಲ ಪಡೆಯುವಾಗ ಬ್ಯಾಂಕ್ ಅಲ್ಪ ಪ್ರಮಾಣದ ಪ್ರೊಸೆಸಿಂಗ್ ಶುಲ್ಕವನ್ನು ವಿಧಿಸುತ್ತದೆ.
ಹರಾಜು ಪ್ರಕ್ರಿಯೆ: ಒಂದು ವೇಳೆ ನೀವು ನಿಗದಿತ ಸಮಯಕ್ಕೆ ಸಾಲ ಮರುಪಾವತಿ ಮಾಡದಿದ್ದರೆ, ಬ್ಯಾಂಕ್‌ಗೆ ನಿಮ್ಮ ಚಿನ್ನವನ್ನು ಹರಾಜು ಹಾಕುವ ಹಕ್ಕಿರುತ್ತದೆ
