alex Certify
ಕನ್ನಡ ದುನಿಯಾ       Mobile App
       

Kannada Duniya

ಆತ್ಮಹತ್ಯೆ ಪ್ರಕರಣಗಳ ಕುರಿತು ಬಹಿರಂಗವಾಗಿದೆ ಭಾರತೀಯರನ್ನು ಬೆಚ್ಚಿ ಬೀಳಿಸುವ ಸತ್ಯ

ಜಗತ್ತಿನಲ್ಲಿ ಆತ್ಮಹತ್ಯೆ ಮಾಡಿಕೊಳ್ಳುವ 10 ಮಹಿಳೆಯರಲ್ಲಿ ನಾಲ್ವರು ಭಾರತೀಯರಾಗಿರುತ್ತಾರೆ ಎಂಬ ಆತಂಕಕಾರಿ ಅಂಶ ಬಯಲಾಗಿದೆ. ಅಲ್ಲದೇ ಇವರಲ್ಲಿ ಬಹುತೇಕರು 40 ವರ್ಷಕ್ಕಿಂತ ಕಡಿಮೆಯವರು ಎಂದು ಹೇಳಲಾಗಿದೆ. ವಿಶ್ವ ಆತ್ಮಹತ್ಯೆ ತಡೆ ದಿನ(ಸೆ. 10)ಆಚರಣೆಯ ಬೆನ್ನಿಗೆ ಇಂಥದ್ದೊಂದು ಕಳವಳಕಾರಿ ಅಂಶವೊಂದು ಬಹಿರಂಗಗೊಂಡಿದೆ.

ಜೆಂಡರ್ ಡಿಫರೆನ್ಷಿಯಲ್ಸ್ ಆಂಡ್ ಸ್ಟೇಟ್ ವೇರಿಯೇಷನ್ಸ್ ಇನ್ ಸುಸೈಡ್ ಡೆತ್ಸ್ ಇನ್ ಇಂಡಿಯಾ: ದ ಗ್ಲೋಬಲ್ ಬರ್ಡನ್ ಆಫ್ ಡಿಸೀಸ್ ಸ್ಟಡಿ 1990-2016 ಎಂಬ ಶೀರ್ಷಿಕೆಯಲ್ಲಿ ದ ಲ್ಯಾನ್ಸೆಟ್ ಪಬ್ಲಿಕ್ ಹೆಲ್ತ್ ನಲ್ಲಿ ಬುಧವಾರ ಪ್ರಕಟವಾದ ವರದಿ ಈ ವಿಷಯದ ಮೇಲೆ ಬೆಳಕು ಚೆಲ್ಲಿದೆ.

ಈ ವರದಿ ಪ್ರಕಾರ 2016ರಲ್ಲಿ ಭಾರತ ಜಗತ್ತಿನ ಶೇ. 17.8 (130 ಕೋಟಿ) ಜನಸಂಖ್ಯೆ ಹೊಂದಿದ್ದು, ಜಗತ್ತಿನಲ್ಲಿ ಸಂಭವಿಸುತ್ತಿರುವ ಮಹಿಳೆಯರ ಆತ್ಮಹತ್ಯೆಯಲ್ಲಿ ಶೇ. 36.6 ಪಾಲು ಭಾರತದ್ದಿದೆ. ಅಂದರೆ ವಿಶ್ವಾದ್ಯಂತ ಅತ್ಮಹತ್ಯೆ ಮಾಡಿಕೊಂಡಿರುವ 2,57,624 ಮಹಿಳೆಯರ ಪೈಕಿ 94,380 ಮಂದಿ ಭಾರತೀಯರು.

ವಿಶೇಷ ಎಂದರೆ 1990ರಲ್ಲಿ ಭಾರತದ ಜನಸಂಖ್ಯೆ ಜಗತ್ತಿನ ಜನಸಂಖ್ಯೆಯ ಶೇ. 16.4 ಹಾಗೂ ಮಹಿಳೆಯರ ಆತ್ಮಹತ್ಯೆ ಪ್ರಮಾಣ ಶೇ. 25.3 ರಷ್ಟಿತ್ತು ಎಂದು ವರದಿ ಉಲ್ಲೇಖಿಸಿದೆ. ಮಾತ್ರವಲ್ಲ ಜಗತ್ತಿಗೆ ಹೋಲಿಸಿದರೆ ಭಾರತದಲ್ಲಿನ ಮಹಿಳೆಯರ ಆತ್ಮಹತ್ಯೆ ಪ್ರಮಾಣ 1990ರಲ್ಲಿ ಶೇ.25.3ರಷ್ಟಿದ್ದಿದ್ದು 2016ರಲ್ಲಿ ಶೇ.36.6 ಏರಿದೆ ಎಂಬ ಎಚ್ಚರಿಕೆಯನ್ನೂ ಈ ವರದಿ ನೀಡಿದೆ.

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...