alex Certify
ಕನ್ನಡ ದುನಿಯಾ       Mobile App
       

Kannada Duniya

ಅಲ್ಪ ಸಮಯದಲ್ಲೇ ಮುರಿದು ಬಿದ್ದ ಬಾಲಿವುಡ್ ಮದುವೆಗಳು….

ಮದುವೆ ಅನ್ನೋದು ಸ್ವರ್ಗದಲ್ಲಿ ನಿಶ್ಚಯವಾಗಿರುತ್ತೆ ಅನ್ನೋ ಮಾತಿದೆ. ಆದ್ರೆ ಎಲ್ಲಾ ಮದುವೆಗಳೂ ಸ್ವರ್ಗಸದೃಶವಾಗಿರೋದಿಲ್ಲ. ಅತ್ಯಲ್ಪ ಸಮಯದಲ್ಲೇ ಮದುವೆ ಮುರಿದು ಬಿದ್ದಿರೋ ಎಷ್ಟೋ ಉದಾಹರಣೆಗಳಿವೆ. ಸೆಲೆಬ್ರಿಟಿಗಳಲ್ಲಂತೂ ಇದು ಸರ್ವೇ ಸಾಮಾನ್ಯ.

ರೇಖಾ : ನಟಿ ರೇಖಾಗೆ ಈಗ 63 ವರ್ಷ. ಚೆನ್ನೈನಲ್ಲಿ ಹುಟ್ಟಿ ಮುಂಬೈಗೆ ಬಂದು ಚಿತ್ರರಂಗದಲ್ಲಿ ನೆಲೆಯೂರಿದ ಖ್ಯಾತ ಅಭಿನೇತ್ರಿ ಈಕೆ. ಉದ್ಯಮಿ ಮುಕೇಶ್ ಅಗರ್ವಾಲ್ ರನ್ನು ರೇಖಾ ಮದುವೆಯಾಗಿದ್ದರು. ಆದ್ರೆ ಇವರ ದಾಂಪತ್ಯ ಕೇವಲ ಒಂದು ವರ್ಷಕ್ಕೇ ಅಂತ್ಯವಾಗಿತ್ತು.

ದಿವ್ಯಾ ಭಾರತಿ : ಬಾಲಿವುಡ್ ನ ಸಹಜ ಸುಂದರಿಯರಲ್ಲೊಬ್ಬಳಾಗಿದ್ದ ದಿವ್ಯಾ ಭಾರತಿ ಶಾಜಿದ್ ನಾಡಿಯಾವಾಲಾರನ್ನು ವರಿಸಿದ್ದರು. ಆದ್ರೆ ಕೇವಲ 11 ತಿಂಗಳುಗಳಲ್ಲೇ ಇವರ ದಾಂಪತ್ಯ ಮುರಿದು ಬಿದ್ದಿತ್ತು.

ಮನೀಶಾ ಕೊಯಿರಾಲ : ನೇಪಾಳದ ಚೆಲುವೆ ಮನೀಶಾ ಕೊಯಿರಾಲ, ಸಾಮ್ರಾಟ್ ದಹಾಲ್ ಜೊತೆ ಸಪ್ತಪದಿ ತುಳಿದಿದ್ದರು. ಆದ್ರೆ 2 ವರ್ಷ ಕಳೆಯುವಷ್ಟರಲ್ಲಿ ದಂಪತಿ ದೂರವಾಗಿದ್ದರು.

ಕರಣ್ ಸಿಂಗ್ ಗ್ರೋವರ್ : ನಟ ಕರಣ್ ಸಿಂಗ್ ಗ್ರೋವರ್ ಒಂದಲ್ಲ, ಎರಡಲ್ಲ ಮೂರು ಮದುವೆ ಮಾಡಿಕೊಂಡಿದ್ದಾರೆ. ಮೊದಲು ಕರಣ್, ಶ್ರದ್ಧಾ ನಿಗಮ್ ರನ್ನು ಮದುವೆಯಾಗಿದ್ದರು. ಆದ್ರೆ ಇವರ ದಾಂಪತ್ಯ 10 ತಿಂಗಳುಗಳಲ್ಲೇ ಅಂತ್ಯವಾಗಿತ್ತು.

ಪುಲ್ಕಿತ್ ಸಾಮ್ರಾಟ್ : ಇವರದ್ದು ಪ್ರೇಮ ವಿವಾಹ. ಪುಲ್ಕಿತ್ ಸಾಮ್ರಾಟ್ ಹಾಗೂ ಶ್ವೇತಾ ರೋಹಿರಾ ಪರಸ್ಪರ ಮೆಚ್ಚಿ ಮದುವೆಯಾಗಿದ್ರೂ, 12 ತಿಂಗಳುಗಳಲ್ಲೇ ದೂರವಾಗಿದ್ದಾರೆ.

ಮಲ್ಲಿಕಾ ಶೆರಾವತ್ : ಐಟಂ ಗರ್ಲ್ ಮಲ್ಲಿಕಾಗೆ ಮದುವೆ ಆಗಿದೆ ಅನ್ನೋದೇ ಎಷ್ಟೋ ಜನರಿಗೆ ತಿಳಿದಿಲ್ಲ. ಮಲ್ಲಿಕಾ, ಕರಣ್ ಸಿಂಗ್ ಗಿಲ್ ಜೊತೆಗೆ ಹಸೆಮಣೆ ಏರಿದ್ದರು. ಇವರ ದಾಂಪತ್ಯ ಕೂಡ ವರ್ಷ ಕಳೆಯುವಷ್ಟರಲ್ಲಿ ಅಂತ್ಯವಾಗಿತ್ತು.

ರಾಹುಲ್ ಮಹಾಜನ್ : ರಿಯಾಲಿಟಿ ಶೋ ಮೂಲಕ ಹೆಸರು ಮಾಡಿದ್ದ ರಾಹುಲ್ ಮಹಾಜನ್ ಕೂಡ ಸಾಲು ಸಾಲು ಮದುವೆಯಾಗಿದ್ದಾರೆ. ರಾಹುಲ್ ಮೊದಲು ಶ್ವೇತಾ ಸಿಂಗ್ ರನ್ನು ಮದುವೆಯಾಗಿದ್ದರು. ಆದ್ರೆ 15 ತಿಂಗಳುಗಳಲ್ಲೇ ರಾಹುಲ್ ಮತ್ತು ಶ್ವೇತಾ ದೂರವಾಗಿದ್ದರು.

ಕಿಶೋರ್ ಕುಮಾರ್ : ಗಾಯಕ ಕಿಶೋರ್ ಕುಮಾರ್ ಹಾಗೂ ಯೋಗಿತಾ ಬಾಲಿ ಅವರ ಮದುವೆ ಕೂಡ ಅತ್ಯಲ್ಪ ಕಾಲದಲ್ಲೇ ಅಂತ್ಯವಾಗಿತ್ತು. ಮದುವೆಯಾಗಿ ಎರಡು ವರ್ಷಗಳಲ್ಲೇ ಇವರ ದಾಂಪತ್ಯ ಮುರಿದು ಬಿದ್ದಿತ್ತು.

 

Subscribe Newsletter

Get latest updates on your inbox...

Opinion Poll

  • ರಿಯಲ್ ಸ್ಟಾರ್ ಉಪೇಂದ್ರರ ಕರ್ನಾಟಕ ಪ್ರಜ್ಞಾವಂತ ಜನತಾ ಪಾರ್ಟಿಗೆ ಜನ ಬೆಂಬಲ ಸಿಗಲಿದೆಯೇ..?

    View Results

    Loading ... Loading ...