ಈ ಕಾರಣಕ್ಕೆ ಮನೆಯಲ್ಲಿ ಶನಿದೇವನ ಸ್ಥಾಪನೆ ಮಾಡಬಾರದು

ಹಿಂದೂ ಧರ್ಮದಲ್ಲಿ ದೇವರ ಪೂಜೆಗೆ ವಿಶೇಷ ಪ್ರಾಮುಖ್ಯತೆ ನೀಡಲಾಗಿದೆ. ನಿಯಮಿತ ಪೂಜೆಗೆ ವಿಶೇಷ ಮಹತ್ವವಿದೆ. ದೇವರನ್ನು ಆರಾಧಿಸುವ ಮೂಲಕ ಮನಸ್ಸಿನಲ್ಲಿ ಸಕಾರಾತ್ಮಕ ಭಾವನೆಗಳು ಉದ್ಭವಿಸುತ್ತವೆ. ಹಾಗಾಗಿ ಜನರು ಬೆಳಿಗ್ಗೆ ಮತ್ತು ಸಂಜೆ ದೇವರ ಪೂಜೆ, ಮಂತ್ರ ಪಠಣ ಮಾಡುತ್ತಾರೆ.

ಪ್ರತಿಯೊಬ್ಬರ ದೇವರ ಮನೆಯಲ್ಲೂ ಅನೇಕ ದೇವರುಗಳ ಫೋಟೋಗಳನ್ನು ಇಡಲಾಗುತ್ತದೆ. ಆದ್ರೆ ಕೆಲ ದೇವರ ಫೋಟೋಗಳನ್ನು ಮನೆಯಲ್ಲಿ ಇಡುವಂತಿಲ್ಲ. ಶನಿ ದೇವರ ಫೋಟೋವನ್ನು ಕೂಡ ಮನೆಗೆ ತರಬಾರದು.

ಹಿಂದೂ ಧರ್ಮದ ಪ್ರಕಾರ ಶನಿದೇವರ ಫೋಟೋ, ವಿಗ್ರಹವನ್ನು ಮನೆಯಲ್ಲಿ ಇಡಬಾರದು. ಮನೆಯಿಂದ ಹೊರಗೆ ದೇವಸ್ಥಾನದಲ್ಲಿ ಮಾತ್ರ ಶನಿದೇವನ ಮೂರ್ತಿ ಇರಬೇಕು. ಶನಿ ದೇವನಿಗೆ ಶಾಪವಿದೆ ಎನ್ನಲಾಗುತ್ತದೆ. ಶನಿದೇವನ ದೃಷ್ಟಿಗೆ ಯಾರು ಬೀಳ್ತಾನೋ ಅವರು ನಾಶವಾಗ್ತಾರೆ ಎಂಬ ನಂಬಿಕೆಯಿದೆ.

ಶನಿ ದೇವನ ದೃಷ್ಟಿಯಿಂದ ತಪ್ಪಿಸಿಕೊಳ್ಳಲು ಜನರು ಮನೆಯಲ್ಲಿ ಶನಿ ದೇವನ ಆರಾಧನೆ ಮಾಡುವುದಿಲ್ಲ. ಶನಿದೇವಸ್ಥಾನಕ್ಕೆ ಹೋದಲ್ಲಿ ಶನಿ ದೇವರ ಪಾದ ನೋಡಿ. ಎಂದೂ ಅವನ ಕಣ್ಣಲ್ಲಿ ಕಣ್ಣಿಟ್ಟು ನೋಡಬೇಡಿ. ಮನೆಯಲ್ಲಿ ಶನಿದೇವನ ಆರಾಧನೆ ಮಾಡಬಯಸುವವರು ಮನಸ್ಸಿನಲ್ಲಿಯೇ ಶನಿದೇವರನ್ನು ಪ್ರಾರ್ಥಿಸಿ.