ಯೋಗದಿಂದ ನಿಜಕ್ಕೂ ಬೆಲ್ಲಿ ಫ್ಯಾಟ್ ಕರಗುತ್ತಾ? ಕ್ಯಾಲೋರಿ ಬರ್ನ್‌ನಿಂದ ತೂಕ ಇಳಿಕೆಗೆ ಯೋಗದ ಅದ್ಭುತ ಆರೋಗ್ಯ ಲಾಭಗಳೇನು?

ಯೋಗ ಎಂದರೆ ಅದರಲ್ಲಿ ಜಿಮ್‌ನಂತೆ ಭಾರಿ ವೇಗದ ಕಾರ್ಡಿಯೋ ವರ್ಕೌಟ್‌ಗಳು ಅಥವಾ ತೂಕ ಎತ್ತುವ ಕಠಿಣ ಕಸರತ್ತುಗಳು ಇರುವುದಿಲ್ಲ. ಆದರೂ, ತೂಕ ಇಳಿಸಲು ಮತ್ತು ದೇಹವನ್ನು ಫಿಟ್ ಆಗಿಡಲು ಯೋಗವು ಅತ್ಯಂತ ನೈಸರ್ಗಿಕ, ಸಮಗ್ರ ಹಾಗೂ ದೀರ್ಘಕಾಲ ಬಾಳಿಕೆ ಬರುವ ಅತ್ಯುತ್ತಮ ಮಾರ್ಗವಾಗಿದೆ ಎಂದು ಆರೋಗ್ಯ ತಜ್ಞರು ಬಲವಾಗಿ ಪ್ರತಿಪಾದಿಸುತ್ತಾರೆ.

ಯೋಗದಿಂದ ತೂಕ ಇಳಿಸಲು ಸಾಧ್ಯವೇ?

ಪುಣೆಯ ಜುಪಿಟರ್ ಆಸ್ಪತ್ರೆಯ ಪ್ರಸೂತಿ ಮತ್ತು ಸ್ತ್ರೀರೋಗ ತಜ್ಞರಾದ ಡಾ. ಸಬ್ರಿನಾ ಬೋಕಿಲ್ ಅವರ ಪ್ರಕಾರ, ಖಂಡಿತವಾಗಿಯೂ ಹೌದು, ಯೋಗವು ತೂಕ ಇಳಿಸಲು ಸಹಾಯ ಮಾಡುತ್ತದೆ. ಆದರೆ, ಬಹಳಷ್ಟು ಜನರು ನಿರೀಕ್ಷಿಸುವ ಕ್ರಾಶ್ ಡಯಟ್‌ಗಳ ಶೈಲಿಯಲ್ಲಿ ಇದು ಕೆಲಸ ಮಾಡಲ್ಲ. ಸಾಂಪ್ರದಾಯಿಕ ಯೋಗವು ಹೈ-ಇಂಟೆನ್ಸಿಟಿ ವರ್ಕೌಟ್‌ಗಳಷ್ಟು ವೇಗವಾಗಿ ಕ್ಯಾಲೊರಿಗಳನ್ನು ಬರ್ನ್ ಮಾಡದಿದ್ದರೂ, ದೇಹದ ಚಯಾಪಚಯ ಕ್ರಿಯೆಯನ್ನು (Metabolism) ಸುಧಾರಿಸುವುದು, ದೈಹಿಕ ವ್ಯಾಯಾಮ, ಮಾನಸಿಕ ಒತ್ತಡವನ್ನು ಕಡಿಮೆ ಮಾಡುವುದು ಮತ್ತು ಆರೋಗ್ಯಕರ ಜೀವನಶೈಲಿಯನ್ನು ರೂಢಿಸಿಕೊಳ್ಳುವ ಮೂಲಕ ತೂಕವನ್ನು ಪಕ್ಕಾ ಮ್ಯಾನೇಜ್ ಮಾಡುತ್ತದೆ.

ಯಾವುದೇ ಅಡ್ಡಪರಿಣಾಮ ಬೀರದ ಯೋಗವು, ನಿಮ್ಮ ದೈಹಿಕ ಮತ್ತು ಮಾನಸಿಕ ಆರೋಗ್ಯವನ್ನು ಹಂತ ಹಂತವಾಗಿ ಸುಧಾರಿಸುತ್ತದೆ. ಇದು ದೇಹದ ಬಗ್ಗೆ ಜಾಗೃತಿ ಮೂಡಿಸಿ, ದೀರ್ಘಾವಧಿಯ ತೂಕ ನಿರ್ವಹಣೆಗೆ ಸಹಾಯ ಮಾಡುವ ಸುಸ್ಥಿರ ಅಭ್ಯಾಸಗಳನ್ನು ನಮ್ಮದಾಗಿಸಿಕೊಳ್ಳಲು ಪ್ರೇರೇಪಿಸುತ್ತದೆ.

https://www.instagram.com/reel/DU8KY2hDRP-/?utm_source=ig_web_copy_link&igsh=NTc4MTIwNjQ2YQ==

ವೇಗವಾಗಿ ಕ್ಯಾಲೊರಿ ಬರ್ನ್ ಮಾಡುವ ಯೋಗ ಪ್ರಕಾರಗಳು:

ಎಲ್ಲ ಯೋಗ ಪ್ರಕಾರಗಳೂ ಒಂದೇ ತರ ಇರುವುದಿಲ್ಲ ಕೆಲವು ಯೋಗ ಶೈಲಿಗಳು ಹೆಚ್ಚು ಕ್ರಿಯಾತ್ಮಕವಾಗಿದ್ದು, ದೈಹಿಕ ಶ್ರಮವನ್ನು ಬೇಡುತ್ತವೆ. ಇವು ಕ್ಯಾಲೊರಿಗಳನ್ನು ಕರಗಿಸುವುದರ ಜೊತೆಗೆ ದೇಹದ ಶಕ್ತಿ ಮತ್ತು ಸ್ಟ್ಯಾಮಿನಾವನ್ನು ಹೆಚ್ಚಿಸುತ್ತವೆ.

ವಿನ್ಯಾಸ ಯೋಗ (Vinyasa Yoga), ಪವರ್ ಯೋಗ (Power Yoga) ಮತ್ತು ಅಷ್ಟಾಂಗ ಯೋಗ (Ashtanga Yoga): ಇವು ಇಡೀ ಕ್ಲಾಸ್‌ನ ಉದ್ದಕ್ಕೂ ನಿರಂತರ ದೈಹಿಕ ಚಲನೆಯನ್ನು ಒಳಗೊಂಡಿರುತ್ತವೆ. ಇವು ನಿಮ್ಮ ಹೃದಯ ಬಡಿತವನ್ನು ಹೆಚ್ಚಿಸಿ, ಕ್ಯಾಲೊರಿಗಳನ್ನು ಬರ್ನ್ ಮಾಡಲು ಮತ್ತು ಮಾಂಸಖಂಡಗಳನ್ನು ಟೋನ್ ಮಾಡಲು ಭಾರಿ ಸಹಾಯ ಮಾಡುತ್ತವೆ.

ನಿಯಮಿತ ಯೋಗಾಭ್ಯಾಸದಿಂದ ದೇಹದ ನಮ್ಯತೆ (Flexibility), ಸಾಮರ್ಥ್ಯ ಮತ್ತು ಸಹಿಷ್ಣುತೆ ಹೆಚ್ಚುತ್ತದೆ. ಇದು ದಿನವಿಡೀ ನಿಮ್ಮನ್ನು ದೈಹಿಕವಾಗಿ ಆಕ್ಟಿವ್ ಆಗಿ ಇಡಲು ಸಹಾಯ ಮಾಡುತ್ತದೆ.

https://www.instagram.com/reel/DWlsJbWkS7s/?utm_source=ig_web_copy_link&igsh=NTc4MTIwNjQ2YQ==

ಒತ್ತಡ ಮುಕ್ತಿ ಮತ್ತು ಹೊಟ್ಟೆಯ ಕೊಬ್ಬಿನ ಕನೆಕ್ಷನ್

ತೂಕ ಇಳಿಸುವ ಹಾದಿಯಲ್ಲಿ ಯೋಗದ ಅತಿ ದೊಡ್ಡ ಪ್ಲಸ್ ಪಾಯಿಂಟ್ ಅಂದರೆ ಅದು ಮಾನಸಿಕ ಒತ್ತಡವನ್ನು ನಿಯಂತ್ರಿಸುವುದು ಇಂದಿನ ದಿನಗಳಲ್ಲಿ ಮಾನಸಿಕ ಒತ್ತಡದಿಂದ ಅತಿಯಾಗಿ ತಿನ್ನುವುದು (Emotional Eating), ಜಂಕ್ ಫುಡ್ ಕ್ರೇವಿಂಗ್ಸ್ ಮತ್ತು ಹಾರ್ಮೋನ್ ಇಂಬ್ಯಾಲೆನ್ಸ್‌ನಿಂದಾಗಿ ಜಿಮ್ ಮಾಡಿದ್ರೂ ತೂಕ ಇಳಿಯಲ್ಲ.

“ಮಾನಸಿಕ ಒತ್ತಡವನ್ನು ಕಡಿಮೆ ಮಾಡುವ ಯೋಗದ ಗುಣವೇ ತೂಕ ಇಳಿಕೆಗೆ ಸಿಗುವ ಬಿಗ್ ಬೆನಿಫಿಟ್ ಎನ್ನುತ್ತಾರೆ ಡಾ. ಸಬ್ರಿನಾ. ನಿರಂತರ ಒತ್ತಡದಿಂದಾಗಿ ನಮ್ಮ ದೇಹದಲ್ಲಿ ಕಾರ್ಟಿಸೋಲ್ ಎಂಬ ಹಾರ್ಮೋನ್ ಬಿಡುಗಡೆಯಾಗುತ್ತದೆ. ಈ ಹಾರ್ಮೋನ್ ಹೆಚ್ಚಾದರೆ ದೇಹದಲ್ಲಿ, ವಿಶೇಷವಾಗಿ ಹೊಟ್ಟೆಯ ಭಾಗದಲ್ಲಿ ಕೊಬ್ಬು (Belly Fat) ಶೇಖರಣೆಯಾಗಲು ಶುರುವಾಗುತ್ತದೆ. ಯೋಗದಲ್ಲಿರುವ ಪ್ರಾಣಾಯಾಮ, ಮೈಂಡ್‌ಫುಲ್‌ನೆಸ್ ಧ್ಯಾನ ಮತ್ತು ರಿಲ್ಯಾಕ್ಸೇಷನ್ ತಂತ್ರಗಳು ಒತ್ತಡದ ಮಟ್ಟವನ್ನು ಇಳಿಸುತ್ತವೆ. ಇದರಿಂದ ಅನಗತ್ಯವಾಗಿ ಫುಡ್ ತಿನ್ನುವ ಕ್ರೇವಿಂಗ್ಸ್ ತಂತಾನೇ ಕಂಟ್ರೋಲ್ ಆಗುತ್ತದೆ.

ಸಮತೋಲಿತ ಜೀವನಶೈಲಿಯೇ ಯಶಸ್ಸಿನ ಸೂತ್ರ

ಯೋಗವು ಹತ್ತಾರು ಪ್ರಯೋಜನಗಳನ್ನು ನೀಡಿದರೂ, ಇದನ್ನು ಕೇವಲ ತೂಕ ಇಳಿಸುವ ಶಾರ್ಟ್‌ಕಟ್ ಅಥವಾ ಕ್ವಿಕ್ ಫಿಕ್ಸ್ ಪರಿಹಾರವಾಗಿ ನೋಡಬಾರದು ಎಂದು ತಜ್ಞರು ಎಚ್ಚರಿಸುತ್ತಾರೆ. ಯೋಗವು ನಮ್ಮ ದೇಹದ ಮೇಲಿನ ಪ್ರೀತಿ ಮತ್ತು ಅರಿವನ್ನು ಹೆಚ್ಚಿಸುತ್ತದೆ. ಇದರಿಂದ ನಾವು ಜಂಕ್ ಫುಡ್ ಬಿಟ್ಟು ಆರೋಗ್ಯಕರ ಆಹಾರವನ್ನು ಪ್ರಜ್ಞಾಪೂರ್ವಕವಾಗಿ ಆಯ್ಕೆ ಮಾಡಿಕೊಳ್ಳಲು ಸಾಧ್ಯವಾಗುತ್ತದೆ. ಕೇವಲ ಯೋಗ ಮಾತ್ರ ತೂಕ ಇಳಿಸಲ್ಲ , ಅದರ ಜೊತೆಗೆ ಉತ್ತಮ ಪೌಷ್ಟಿಕ ಆಹಾರ ಮತ್ತು ಸರಿಯಾದ ದೈಹಿಕ ಶ್ರಮ ಸೇರಿದಾಗ ಮಾತ್ರ ತೂಕ ಇಳಿಕೆ ಶಾಶ್ವತವಾಗಿರುತ್ತದೆ