ನವದೆಹಲಿ: ಕೇಂದ್ರೀಯ ಪ್ರೌಢ ಶಿಕ್ಷಣ ಮಂಡಳಿ (CBSE) 2027ನೇ ಸಾಲಿನ 10 ಮತ್ತು 12ನೇ ತರಗತಿಯ ಬೋರ್ಡ್ ಪರೀಕ್ಷೆಗಳ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಎರಡೂ ತರಗತಿಗಳ ಪರೀಕ್ಷೆಗಳು 2027ರ ಫೆಬ್ರವರಿ 16ರಿಂದ ಆರಂಭವಾಗಲಿದ್ದು, ಪರೀಕ್ಷೆಗಳು ಬೆಳಗ್ಗೆ 10:30ಕ್ಕೆ ಪ್ರಾರಂಭವಾಗಲಿವೆ.
ನವೆಂಬರ್ 6ರಂದು CBSE ಪರೀಕ್ಷಾ ವೇಳಾಪಟ್ಟಿಯನ್ನು ಪ್ರಕಟಿಸಿದ್ದು, ವಿದ್ಯಾರ್ಥಿಗಳಿಗೆ ಪರೀಕ್ಷಾ ಸಿದ್ಧತೆಗಾಗಿ ಒಟ್ಟು 101 ದಿನಗಳ ಕಾಲಾವಕಾಶ ಸಿಕ್ಕಿದೆ. ಈ ಬಾರಿ 10ನೇ ತರಗತಿಯ ಬೋರ್ಡ್ ಪರೀಕ್ಷೆಗೆ 26.5 ಲಕ್ಷಕ್ಕೂ ಅಧಿಕ ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿದ್ದರೆ, 12ನೇ ತರಗತಿಯ ಪರೀಕ್ಷೆಗೆ 19.8 ಲಕ್ಷಕ್ಕೂ ಅಧಿಕ ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿದ್ದಾರೆ.
10ನೇ ತರಗತಿಯ ವಿದ್ಯಾರ್ಥಿಗಳು ಒಟ್ಟು 83 ವಿಷಯಗಳಲ್ಲಿ ಪರೀಕ್ಷೆ ಬರೆಯಲಿದ್ದರೆ, 12ನೇ ತರಗತಿಯ ವಿದ್ಯಾರ್ಥಿಗಳಿಗೆ 121 ವಿಷಯಗಳಲ್ಲಿ ಪರೀಕ್ಷೆ ನಡೆಯಲಿದೆ.
CBSE 10ನೇ ತರಗತಿ ಪರೀಕ್ಷೆ 2027: ವಿಷಯವಾರು ವೇಳಾಪಟ್ಟಿ
2027ರ ಫೆಬ್ರವರಿ 16ರಂದು ಪೇಂಟಿಂಗ್ (Painting) ವಿಷಯದ ಪರೀಕ್ಷೆಯೊಂದಿಗೆ 10ನೇ ತರಗತಿಯ ಬೋರ್ಡ್ ಪರೀಕ್ಷೆಗಳು ಆರಂಭವಾಗಲಿವೆ. ಫೆಬ್ರವರಿ 17ರಂದು ಗಣಿತ (Mathematics) ಪರೀಕ್ಷೆ ನಡೆಯಲಿದೆ.
ಇನ್ನು ವಿಜ್ಞಾನ (Science), ಇಂಗ್ಲಿಷ್ (English) ಮತ್ತು ಸಮಾಜ ವಿಜ್ಞಾನ (Social Science) ಸೇರಿದಂತೆ ಪ್ರಮುಖ ಶೈಕ್ಷಣಿಕ ವಿಷಯಗಳ ಪರೀಕ್ಷೆಗಳನ್ನು ಫೆಬ್ರವರಿ ಮತ್ತು ಮಾರ್ಚ್ ತಿಂಗಳಲ್ಲಿ ನಿಗದಿಪಡಿಸಲಾಗಿದೆ.
ವಿದ್ಯಾರ್ಥಿಗಳಿಗೆ ಪರೀಕ್ಷಾ ಸಿದ್ಧತೆಗೆ 101 ದಿನಗಳ ಕಾಲಾವಕಾಶ
CBSE ವೇಳಾಪಟ್ಟಿ ಪ್ರಕಟವಾಗಿರುವ ಹಿನ್ನೆಲೆಯಲ್ಲಿ ವಿದ್ಯಾರ್ಥಿಗಳು ತಮ್ಮ ಪರೀಕ್ಷಾ ಸಿದ್ಧತೆಯನ್ನು ಮತ್ತಷ್ಟು ಚುರುಕುಗೊಳಿಸಬೇಕಿದೆ. ವಿಷಯವಾರು ಅಧ್ಯಯನ ಯೋಜನೆ ರೂಪಿಸಿಕೊಂಡು, ಹಿಂದಿನ ವರ್ಷಗಳ ಪ್ರಶ್ನೆಪತ್ರಿಕೆಗಳನ್ನು ಅಭ್ಯಾಸ ಮಾಡುವ ಮೂಲಕ ಪರೀಕ್ಷೆಗೆ ಸಿದ್ಧರಾಗಬಹುದು.
CBSE 10ನೇ ತರಗತಿ ಪರೀಕ್ಷೆ 2027: ವಿಷಯವಾರು ವೇಳಾಪಟ್ಟಿ
1. ಗಣಿತ (ಬೇಸಿಕ್ ಮತ್ತು ಸ್ಟ್ಯಾಂಡರ್ಡ್): ಫೆಬ್ರವರಿ 17, 2027 (ಬುಧವಾರ).
2. ವಿಜ್ಞಾನ: ಫೆಬ್ರವರಿ 22, 2027 (ಸೋಮವಾರ).
3. ಇಂಗ್ಲಿಷ್ (ಕಮ್ಯುನಿಕೇಟಿವ್ ಮತ್ತು ಲ್ಯಾಂಗ್ವೇಜ್ ಆ್ಯಂಡ್ ಲಿಟರೇಚರ್): ಫೆಬ್ರವರಿ 27, 2027 (ಶನಿವಾರ).
4. ಹಿಂದಿ ಕೋರ್ಸ್ ಎ ಮತ್ತು ಬಿ: ಮಾರ್ಚ್ 2, 2027 (ಮಂಗಳವಾರ).
5. ಪಂಜಾಬಿ, ಬಂಗಾಳಿ, ತಮಿಳು, ಮರಾಠಿ, ಗುಜರಾತಿ, ಉರ್ದು ಕೋರ್ಸ್ ಎ, ಮಣಿಪುರಿ ಮತ್ತು ತೆಲುಗು: ಮಾರ್ಚ್ 3, 2027 (ಬುಧವಾರ).
6. ಮಲಯಾಳಂ, ಒಡಿಯಾ, ಅಸ್ಸಾಮಿ, ಕನ್ನಡ, ಸಿಂಧಿ, ನೇಪಾಳಿ ; ಫೆಬ್ರವರಿ 27, 2027 (ಶನಿವಾರ).
7. ಸಂಸ್ಕೃತ, ಅರೇಬಿಕ್, ಗುರುಂಗ್, ತಮಾಂಗ್ ಮತ್ತು ಶೆರ್ಪಾ: ಮಾರ್ಚ್ 1, 2027 (ಸೋಮವಾರ).
8. ತೆಲುಗು, ರಷ್ಯನ್, ಪರ್ಷಿಯನ್, ಮತ್ತು ಇತರೆ ಭಾಷಾ ವಿಷಯಗಳು: ಮಾರ್ಚ್ 4, 2027 (ಗುರುವಾರ).
9. ಫ್ರೆಂಚ್: ಮಾರ್ಚ್ 6, 2027 (ಶನಿವಾರ).
10. ಸಮಾಜ ವಿಜ್ಞಾನ: ಮಾರ್ಚ್ 8, 2027 (ಸೋಮವಾರ).
ಪರೀಕ್ಷೆಯ ಸಮಯ: ಎಲ್ಲಾ ಪರೀಕ್ಷೆಗಳು ಬೆಳಗ್ಗೆ 10:30ರಿಂದ ಆರಂಭವಾಗಲಿವೆ.
CBSE 12ನೇ ತರಗತಿ ಪರೀಕ್ಷೆ 2027: ವಿಷಯವಾರು ವೇಳಾಪಟ್ಟಿ
1. ಭೌತಶಾಸ್ತ್ರ (Physics): ಫೆಬ್ರವರಿ 16, 2027 (ಮಂಗಳವಾರ).
2. ಅಕೌಂಟೆನ್ಸಿ (Accountancy): ಫೆಬ್ರವರಿ 23, 2027 (ಮಂಗಳವಾರ).
3. ಭೂಗೋಳಶಾಸ್ತ್ರ (Geography): ಫೆಬ್ರವರಿ 25, 2027 (ಗುರುವಾರ).
4. ರಸಾಯನಶಾಸ್ತ್ರ (Chemistry): ಫೆಬ್ರವರಿ 27, 2027 (ಶನಿವಾರ).
5. ಮನೋವಿಜ್ಞಾನ (Psychology): ಮಾರ್ಚ್ 2, 2027 (ಮಂಗಳವಾರ).
6. ಪಂಜಾಬಿ, ಬಂಗಾಳಿ, ತಮಿಳು, ತೆಲುಗು, ಮರಾಠಿ, ಗುಜರಾತಿ, ಮಲಯಾಳಂ, ಒಡಿಯಾ, ಅಸ್ಸಾಮಿ, ಕನ್ನಡ ಮತ್ತು ಇತರೆ ಪ್ರಾದೇಶಿಕ ಭಾಷೆಗಳು: ಮಾರ್ಚ್ 3, 2027 (ಬುಧವಾರ).
7. ಇಂಗ್ಲಿಷ್ ಕೋರ್ ಮತ್ತು ಎಲೆಕ್ಟಿವ್: ಮಾರ್ಚ್ 5, 2027 (ಶುಕ್ರವಾರ).
8. ಗಣಿತ ಮತ್ತು ಅಪ್ಲೈಡ್ ಮ್ಯಾಥಮೆಟಿಕ್ಸ್: ಮಾರ್ಚ್ 9, 2027 (ಮಂಗಳವಾರ).
9. ಹಿಂದಿ ಕೋರ್ ಮತ್ತು ಎಲೆಕ್ಟಿವ್: ಮಾರ್ಚ್ 13, 2027 (ಶನಿವಾರ).
10. ಅರ್ಥಶಾಸ್ತ್ರ (Economics): ಮಾರ್ಚ್ 16, 2027 (ಮಂಗಳವಾರ).
11. ರಾಜ್ಯಶಾಸ್ತ್ರ (Political Science): ಮಾರ್ಚ್ 19, 2027 (ಶುಕ್ರವಾರ).
12. ಜೀವಶಾಸ್ತ್ರ (Biology): ಮಾರ್ಚ್ 25, 2027 (ಗುರುವಾರ).
13. ಇತಿಹಾಸ (History): ಮಾರ್ಚ್ 27, 2027 (ಶನಿವಾರ).
14. ಸಮಾಜಶಾಸ್ತ್ರ (Sociology): ಮಾರ್ಚ್ 30, 2027 (ಮಂಗಳವಾರ).
15. ಕಂಪ್ಯೂಟರ್ ಸೈನ್ಸ್, ಇನ್ಫರ್ಮ್ಯಾಟಿಕ್ಸ್ ಪ್ರಾಕ್ಟೀಸಸ್ ಮತ್ತು ಮಾಹಿತಿ ತಂತ್ರಜ್ಞಾನ: ಮಾರ್ಚ್ 31, 2027 (ಬುಧವಾರ).
16. ವ್ಯವಹಾರ ಅಧ್ಯಯನ ಮತ್ತು ವ್ಯವಹಾರ ಆಡಳಿತ: ಏಪ್ರಿಲ್ 1, 2027 (ಗುರುವಾರ).
ಗಮನಿಸಿ: ವಿದ್ಯಾರ್ಥಿಗಳು ತಮ್ಮ ವಿಷಯದ ನಿಖರ ಕೋಡ್ ಮತ್ತು ಪರೀಕ್ಷಾ ದಿನಾಂಕವನ್ನು CBSE ಅಧಿಕೃತ ವೇಳಾಪಟ್ಟಿಯಲ್ಲಿ ಪರಿಶೀಲಿಸಿಕೊಳ್ಳಬೇಕು.
