ಸ್ನೇಹಿತ/ಸ್ನೇಹಿತೆ ಪ್ರತಿಯೊಬ್ಬರ ಜೀವನದಲ್ಲಿ ಬರುವಂತಹ ಪ್ರಮುಖ ಪಾತ್ರ. ಮನುಷ್ಯರಿಗೆ ಮಾತ್ರ ಸ್ನೇಹದ ಬೆಲೆ ಗೊತ್ತಿರುತ್ತೆ ಅಂತ ಅಂದ್ಕೊಳ್ಳೊ ಹಾಗಿಲ್ಲ. ಯಾಕೆಂದ್ರೆ ಮಾತೇ ಬರದ ಮೂಕ ಜೀವಿಗಳಾದ ಪ್ರಾಣಿಗಳಿಗೂ ಸ್ನೇಹದ ಭಾಷೆ ಗೊತ್ತಿರುತ್ತೆ. ಅದಕ್ಕೆ ಸಾಕ್ಷಿಯಾಗಿದೆ ಈ ವಿಡಿಯೊ.
ಇಲ್ಲಿ ನಾಯಿಗಳೆರಡು ಕೋತಿ ಮರಿಯೊಂದಿಗೆ ನಡೆದುಕೊಳ್ತಿರೊ ರೀತಿ ಹೇಗಿದೆ ನೋಡಿದ್ರಾ..! ಅಚ್ಚರಿ ಆಗ್ಬಹುದು ಈ ಕೋತಿ ಮರಿಯೊಂದನ್ನ ಬೆನ್ನಮೇಲೆ ಕುರಿಸಿಕೊಂಡು ಈ ಎರಡು ನಾಯಿಗಳು ಆಟ ಆಡ್ತಿವೆ. ಒಂದು ನಾಯಿ ಈ ಕೋತಿಮರಿಯನ್ನ ಹೊತ್ಕೊಂಡು ಬಂದು, ಇನ್ನೊಂದು ನಾಯಿಯ ಬೆನ್ನ ಮೇಲೆ ಏರಿ ಕುಳಿತುಕೊಳ್ಳುವುದಕ್ಕೆ ಸಹಾಯ ಮಾಡುತ್ತೆ. ಅದು ಕೂಡ ಬೆನ್ನಮೇಲೆ ಏರಿಸಿಕೊಂಡು ಆ ನಂತರ ನಿಧಾನಕ್ಕೆ ಕೆಳಗೆ ಇಳಿಸುತ್ತದೆ. ಇದೇ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಬೀದಿನಾಯಿ ಹಾಗೂ ಕೋತಿ ಮರಿಯ ಈ ಗೆಳೆತನ ನೋಡಿ ನೆಟ್ಟಿಗರು ಫುಲ್‌ ಫಿದಾ ಆಗ್ಹೋಗಿದ್ದಾರೆ.
ವಿದಿತ್ ಶರ್ಮಾ ಅನ್ನುವವರು ತಮ್ಮ ಟ್ಟಿಟ್ಟರ್ ಅಕೌಂಟ್‌ನಲ್ಲಿ ಈ ವಿಡಿಯೋವನ್ನ ಪೋಸ್ಟ್ ಮಾಡಿದ್ದಾರೆ. 21 ಸೆಕೆಂಡ್‌ನ ಈ ವಿಡಿಯೋ ನೋಡಿದವರೆಲ್ಲ ಬೆರಗಾಗಿದ್ದಾರೆ ಹಾಗೂ ಪ್ರಾಣಿಗಳ ನಡುವೆ ಇರುವ ಅನ್ಯೋನ್ಯತೆ ಮನುಷ್ಯರಿಗಿಲ್ಲ. ಇವುಗಳ ಬಾಂಧವ್ಯ ನೋಡಿ ಮನುಷ್ಯರು ಕಲಿಯಬೇಕಾಗಿರುವುದು ತುಂಬಾ ಇದೆ ಎಂದು ತುಂಬಾ ಜನರು ಕಾಮೆಂಟ್ ಮಾಡಿದ್ದಾರೆ.
Unlikely friendships make our hearts smile! Meet the adorable monkey who's found his place among two stray dog pals during our feeding drive. Always riding high on friendship, this trio proves that bonds know no boundaries. 🐾❤️ #UnlikelyFriends #AnimalFriendship… pic.twitter.com/VnLdV5d7Mp
— Vidit Sharma 🇮🇳 (@TheViditsharma) August 7, 2023
