ಬೆಂಗಳೂರು: ನಟ ಯಶ್ ಅಭಿನಯದ ಬಹುನಿರೀಕ್ಷಿತ ‘ಟಾಕ್ಸಿಕ್’ ಸಿನಿಮಾದ ವಿಭಿನ್ನ ಪ್ರಯತ್ನಕ್ಕೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ನಟ ಕಿಚ್ಚ ಸುದೀಪ್ ಹಂಚಿಕೊಂಡಿರುವ ಅಭಿಪ್ರಾಯವೊಂದು ಗಮನ ಸೆಳೆದಿದೆ.
“ಯಶ್ ಅವರು ತಮ್ಮ ಹಿಂದಿನ ಕಮರ್ಷಿಯಲ್ ಬ್ಲಾಕ್ಬಸ್ಟರ್ ಚಿತ್ರದ ಮತ್ತೊಂದು ಸಾಮಾನ್ಯ, ನಿರೀಕ್ಷಿತ ಹಾಗೂ ಫಾರ್ಮುಲಾ ಮಾದರಿಯ ಮುಂದುವರಿದ ಭಾಗವನ್ನು ಮಾಡುವ ಬದಲು, ವಿಭಿನ್ನವಾದ ಮತ್ತು ಹೊಸ ಪ್ರಯತ್ನಕ್ಕೆ ಕೈ ಹಾಕಿದ್ದಾರೆ” ಎಂದು ನಟ ಕಿಚ್ಚ ಸುದೀಪ್ ಮೆಚ್ಚುಗೆ ವ್ಯಕ್ತಪಡಿಸಲಾಗಿದೆ.
ಇಂತಹ ವಿಭಿನ್ನ ಪ್ರಯತ್ನವನ್ನು ಮಾಡಲು ಹೊಸ ರೀತಿಯ ಮನಸ್ಥಿತಿ, ದೃಢ ನಂಬಿಕೆ ಹಾಗೂ ಎಲ್ಲಕ್ಕಿಂತ ಮುಖ್ಯವಾಗಿ ಧೈರ್ಯ ಬೇಕಾಗುತ್ತದೆ . ‘ಟಾಕ್ಸಿಕ್’ ಒಂದು ವಿಭಿನ್ನ ಹಾಗೂ ಶ್ಲಾಘನೀಯ ಪ್ರಯತ್ನ ಎಂದು ಬಣ್ಣಿಸಲಾಗಿದ್ದು, ಸಿನಿಮಾದ ಹಲವು ಭಾಗಗಳು ನಿಜಕ್ಕೂ ಕುತೂಹಲ ಮೂಡಿಸುತ್ತವೆ. ಅವುಗಳ ಬಗ್ಗೆ ಚರ್ಚೆ, ವಾದ-ವಿವಾದ ಹಾಗೂ ಕಲಿಕೆಗೆ ಸಾಕಷ್ಟು ಅವಕಾಶವಿದೆ . ಸಾಂಪ್ರದಾಯಿಕ ಸಿನಿಮಾ ಮಾದರಿಯಿಂದ ಹೊರಬಂದು ಹೊಸದನ್ನು ಪ್ರಯೋಗಿಸಲು ಧೈರ್ಯ ತೋರಿದ ಯಶ್ ಅವರಿಗೆ ಅಭಿನಂದನೆ ಸಲ್ಲಿಸಲಾಗಿದ್ದು, “ನನ್ನ ಸ್ನೇಹಿತ, ನಿಮಗೆ ಹಾರ್ದಿಕ ಶುಭಾಶಯಗಳು” ಎಂದು ನಟ ಕಿಚ್ಚ ಸುದೀಪ್ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ಕಿಚ್ಚ ಸುದೀಪ್ ಟ್ವೀಟ್
ಇದನ್ನು ಹೇಳಬೇಕೆನಿಸಿತು,
@TheNameIsYash — ನಿಮ್ಮ ಹಿಂದಿನ ಕಮರ್ಷಿಯಲ್ ಬ್ಲಾಕ್ಬಸ್ಟರ್ ಚಿತ್ರದ ಮತ್ತೊಂದು ಸಾಮಾನ್ಯ, ನಿರೀಕ್ಷಿತ, ಫಾರ್ಮುಲಾ ರೀತಿಯ ಮುಂದುವರಿದ ಭಾಗವನ್ನು ಮಾಡುವಂತಹ ಊಹಿಸಬಹುದಾದ ದಾರಿಯನ್ನು ಆಯ್ಕೆ ಮಾಡಿಕೊಳ್ಳದೆ, ನಿಜಕ್ಕೂ ವಿಭಿನ್ನವಾದ, ಹೊಸ ಪ್ರಯತ್ನವನ್ನು ಮಾಡಿದ್ದೀರಿ.ಇಂತಹದ್ದನ್ನು ಪ್ರಯತ್ನಿಸಲು ವಿಭಿನ್ನವಾದ ಮನಸ್ಥಿತಿ, ದೃಢ ನಂಬಿಕೆ ಮತ್ತು ಎಲ್ಲಕ್ಕಿಂತ ಮುಖ್ಯವಾಗಿ, ಧೈರ್ಯ ಬೇಕಾಗುತ್ತದೆ.#Toxic ಒಂದು ವಿಭಿನ್ನ ಹಾಗೂ ಶ್ಲಾಘನೀಯ ಪ್ರಯತ್ನ. ಇದರಲ್ಲಿ ನಿಜಕ್ಕೂ ಕುತೂಹಲ ಮೂಡಿಸುವ ಹಲವು ಭಾಗಗಳಿವೆ. ಅವುಗಳ ಬಗ್ಗೆ ಉತ್ತಮ ಚರ್ಚೆ, ವಾದ-ವಿವಾದ ಹಾಗೂ ಕಲಿಕೆಗೆ ಸಾಕಷ್ಟು ಅವಕಾಶವಿದೆ.ಪ್ರಚಲಿತ ಸಂಪ್ರದಾಯದ ದಾರಿಯಿಂದ ಹೊರಬಂದು, ವಿಭಿನ್ನವಾಗಿ ಪ್ರಯೋಗ ಮಾಡಲು ಧೈರ್ಯ ತೋರಿದ್ದಕ್ಕಾಗಿ ಅಭಿನಂದನೆಗಳು. ನನ್ನ ಸ್ನೇಹಿತ, ನಿಮಗೆ ಹಾರ್ದಿಕ ಶುಭಾಶಯಗಳು.
ನಟ ಉಪೇಂದ್ರ ಕೂಡ ಮೆಚ್ಚುಗೆ
ನಟ ಯಶ್ ಅಭಿನಯದ ಬಹುನಿರೀಕ್ಷಿತ ‘ಟಾಕ್ಸಿಕ್’ ಸಿನಿಮಾದ ವಿಭಿನ್ನ ಪ್ರಯತ್ನಕ್ಕೆ ನಟ ಉಪೇಂದ್ರ ಕೂಡ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಸಾಂಪ್ರದಾಯಿಕ ಹಾಗೂ ಫಾರ್ಮುಲಾ ಮಾದರಿಯ ಸಿನಿಮಾಗಳ ಹಾದಿ ತುಳಿಯದೆ, ಹೊಸ ರೀತಿಯ ಪ್ರಯೋಗಕ್ಕೆ ಮುಂದಾಗಿರುವ ಯಶ್ ಅವರ ಧೈರ್ಯವನ್ನು ಉಪೇಂದ್ರ ಶ್ಲಾಘಿಸಿದ್ದಾರೆ.
TOXIC ಒಂದು ಕಾಲ್ಪನಿಕ ಕಥೆ… ಆದರೆ ದೊಡ್ಡವರಿಗಾಗಿ ?? Toxic ಸಿನಿಮಾ ನೋಡಿದೆ. ವಾವ್! ಎಂತಹ ಸಿನಿಮಾ! ಒಂದು ಹೊಸ ಲೋಕ… ಒಂದು ಸಂಪೂರ್ಣ ಹೊಸಅನುಭವ! ಪ್ರತಿಯೊಬ್ಬ ಕಲಾವಿದ ಮತ್ತು ತಂತ್ರಜ್ಞರ ಶ್ರಮ, ಶ್ರದ್ಧೆ ಹಾಗೂ ಕಲೆಯ ಮೇಲಿನ ಪ್ರೀತಿ ನಿಜಕ್ಕೂ ಅಭಿನಂದನೀಯ! ಯಶ್ ಮತ್ತು ಇಡೀ ತಂಡಕ್ಕೆ ಹ್ಯಾಟ್ಸ್ ಆಫ್! ಎಂದು ನಟ ಉಪೇಂದ್ರ ಶ್ಲಾಘಿಸಿದ್ದಾರೆ.
