ಮಹೇಂದ್ರ ಸಿಂಗ್ ಧೋನಿ ನಾಯಕತ್ವದಲ್ಲಿ ಟೀಂ ಇಂಡಿಯಾ ಮಾಡಿದ ಸಾಧನೆಗಳನ್ನು ವಿಶೇಷವಾಗಿ ಹೇಳಬೇಕಿಲ್ಲ. ಟೀಂ ಇಂಡಿಯಾ ನಾಯಕನಿಂದ ಹಿಡಿದು ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಮುಂದಾಳತ್ವದವರೆಗೂ ಧೋನಿ ಕ್ರಿಕೆಟ್ ದುನಿಯಾದಲ್ಲಿ ಹಲವಾರು ದಾಖಲೆಗಳನ್ನು ಮುರಿದಿದ್ದಾರೆ.
ಓರ್ವ ಕ್ರಿಕೆಟಿಗ ಮಾಡಿದ ದಾಖಲೆಯನ್ನು ಮತ್ತೊಬ್ಬ ಕ್ರಿಕೆಟಿಗ ಮುರಿಯೋದು ಸರ್ವೇ ಸಾಮಾನ್ಯ. ಆದರೆ ಧೋನಿಯ ಕೆಲವೊಂದು ದಾಖಲೆಗಳನ್ನು ಮುರಿಯಲು ಸಾಧ್ಯವೇ ಇಲ್ಲ.
ಎಂಎಸ್ ಧೋನಿ ಹೆಸರಲ್ಲಿ ಕ್ರಿಕೆಟ್ ಜಗತ್ತಿನಲ್ಲಿ ಅನೇಕ ದಾಖಲೆಗಳಿವೆ. ಕೆಲವೊಂದು ದಾಖಲೆಗಳನ್ನಂತೂ ಮುರಿಯೋದು ಕಬ್ಬಿಣದ ಕಡಲೆ ಎಂದು ಹೇಳಿದ್ರೂ ತಪ್ಪಾಗೋದಿಲ್ಲ. ಹಾಗಾದ್ರೆ ಎಂಎಸ್ ಧೋನಿ ಆ ಐದು ವಿಶೇಷ ದಾಖಲೆಗಳು ಯಾವುದು ಅಂತಾ ನೋಡೋಣ ಬನ್ನಿ.
ಎಲ್ಲಾ ಮೂರು ಐಸಿಸಿ ಟ್ರೋಫಿಗಳನ್ನು ಗೆದ್ದಿದ್ದು :
ಇಲ್ಲಿಯವರೆಗೆ ಟೀಂ ಇಂಡಿಯಾ ಇತಿಹಾಸದಲ್ಲಿ ಯಾವ ನಾಯಕನೂ ಸಹ ತಂಡಕ್ಕೆ ಎಲ್ಲಾ ಮೂರು ಐಸಿಸಿ ಟ್ರೋಫಿಗಳನ್ನು ಗೆದ್ದುಕೊಟ್ಟಿಲ್ಲ. ಆದರೆ ಧೋನಿ 2007ರಲ್ಲಿ ಟಿ 20 ವರ್ಲ್ಡ್ ಕಪ್, 2011ರಲ್ಲಿ ಏಕದಿನ ವಿಶ್ವಕಪ್ ಹಾಗೂ 2013ರಲ್ಲಿ ಚಾಂಪಿಯನ್ಸ್ ಟ್ರೋಫಿ ಟೀಂ ಇಂಡಿಯಾದ ಮುಡಿಗೇರುವಂತೆ ಮಾಡಿದ್ದಾರೆ.
ಅತೀ ವೇಗದ ಸ್ಟಂಪಿಂಗ್ :
ಧೋನಿ ಟೀಂ ಇಂಡಿಯಾದ ನಾಯಕನ ಜೊತೆಯಲ್ಲಿ ವಿಕೆಟ್ ಕೀಪರ್ ಕೂಡ ಹೌದು ಅನ್ನೋದು ಎಲ್ರಿಗೂ ತಿಳಿದಿರೋ ವಿಚಾರ. ಧೋನಿ ಕೇವಲ 0.08 ಸೆಕೆಂಡುಗಳಲ್ಲಿ ವೆಸ್ಟ್ ಇಂಡೀಸ್ ತಂಡದ ಬ್ಯಾಟ್ಸ್ಮನ್ ಕೀಮೋ ಪೌಲ್ ವಿಕೆಟ್ ಉರುಳಿಸೋ ಮೂಲಕ 2018ರಲ್ಲಿ 0.09 ಸೆಕೆಂಡುಗಳಲ್ಲಿ ಮಾಡಿದ್ದ ತಮ್ಮದೇ ದಾಖಲೆಯನ್ನು ಸರಿಗಟ್ಟಿದ್ದಾರೆ.
ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತೀ ಹೆಚ್ಚು ಸ್ಟಂಪಿಂಗ್ :
ಧೋನಿ ಆಡಿರುವ 538 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಇವರು 195 ಸ್ಟಂಪಿಂಗ್ಗಳನ್ನ ಮಾಡಿದ್ದಾರೆ. ಐಪಿಎಲ್ನಲ್ಲಿಯೂ ಅತೀ ಹೆಚ್ಚು ಸ್ಟಂಪಿಂಗ್ ಮಾಡಿದ ಆಟಗಾರ ಕೂಡ ಧೋನಿಯೇ.
ಬೇರೆ ಬೇರೆ ಬ್ಯಾಟಿಂಗ್ ಆರ್ಡರ್ನಲ್ಲಿ ಬಂದು ಅತೀ ಹೆಚ್ಚು ಅರ್ಧಶತಕ ಗಳಿಸಿದ ಖ್ಯಾತಿ :
ಐದು ಬೇರೆ ಬ್ಯಾಟಿಂಗ್ ಆರ್ಡರ್ನಲ್ಲಿ ಬಂದಿದ್ದರೂ ಸಹ ಅತೀ ಹೆಚ್ಚು ಅರ್ಧಶತಕ ಗಳಿಸಿದ ಏಕೈಕ ಆಟಗಾರ ಧೋನಿ. ಧೋನಿ 3,4,5,6 ಹಾಗೂ 7ನೇ ಆರ್ಡರ್ನಲ್ಲಿ ಬಂದು ಅರ್ಧಶತಕ ಗಳಿಸಿದ್ದಾರೆ.
ICC ODI ಬ್ಯಾಟ್ಸ್ಮನ್ಗಳಲ್ಲಿ ವೇಗವಾಗಿ ನಂಬರ್ 1 ಸ್ಥಾನಕ್ಕೆ ಏರಿದ ಕೀರ್ತಿ:
ಎಂಎಸ್ ಧೋನಿ ಕೇವಲ 42 ಇನ್ನಿಂಗ್ಸ್ ಪೂರೈಸುವಷ್ಟರಲ್ಲಿಯೇ ಐಸಿಸಿ ಏಕದಿನ ಶ್ರೇಯಾಂಕದಲ್ಲಿ ಅಗ್ರಸ್ಥಾನಕ್ಕೆ ಏರಿದ್ದಾರೆ.
ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ರ ದಾಖಲೆಯನ್ನು ಮುರಿದು ಅತೀ ವೇಗವಾಗಿ ಈ ಮೈಲಿಗಲ್ಲನ್ನು ತಲುಪಿದ ನಾಯಕ ಎನಿಸಿ
MS ಧೋನಿ 42 ಇನ್ನಿಂಗ್ಸ್ಗಳ ನಂತರ ಐಸಿಸಿ ಪುರುಷರ ODI ಶ್ರೇಯಾಂಕದಲ್ಲಿ ಅಗ್ರ ಸ್ಥಾನಕ್ಕೆ ಏರಿದ್ದಾರೆ. ಅವರು ಆಸ್ಟ್ರೇಲಿಯದ ನಾಯಕ ರಿಕಿ ಪಾಂಟಿಂಗ್ರನ್ನು ಹಿಂದಿಕ್ಕಿ ಅತಿ ವೇಗವಾಗಿ ಮೈಲಿಗಲ್ಲನ್ನು ತಲುಪಿದ ಕ್ರಿಕೆಟಿಗ ಎನಿಸಿದ್ದಾರೆ.
