ಬೆಂಗಳೂರು: ರಾಜ್ಯ ಸರ್ಕಾರವು 2026ನೇ ಸಾಲಿನ ಮಹಾವೀರ ಜಯಂತಿ ಸಾರ್ವಜನಿಕ ರಜೆಯ ದಿನಾಂಕದಲ್ಲಿ ಮಹತ್ವದ ಬದಲಾವಣೆ ಮಾಡಿದೆ. ಈ ಮೊದಲು ಮಾರ್ಚ್ 31ರ ಮಂಗಳವಾರ ರಜೆ ಎಂದು ಘೋಷಿಸಲಾಗಿತ್ತು, ಆದರೆ ಈಗ ಅದನ್ನು ಒಂದು ದಿನ ಮುಂಚಿತವಾಗಿ ಅಂದರೆ ಮಾರ್ಚ್ 30ರ ಸೋಮವಾರಕ್ಕೆ ವರ್ಗಾಯಿಸಿ ಅಧಿಕೃತ ಆದೇಶ ಹೊರಡಿಸಲಾಗಿದೆ.
ಹೌದು. ರಾಜ್ಯ ಸರ್ಕಾರದಿಂದ ‘ಮಹಾವೀರ ಜಯಂತಿ’ ರಜೆ ದಿನಾಂಕ ಬದಲಾವಣೆ ; ಮಾ.30ಕ್ಕೆ ರಜೆ ಘೋಷಣೆಜೈನ ಸಮುದಾಯದ ಮುಖಂಡರ ಮನವಿ ಹಾಗೂ ಧಾರ್ಮಿಕ ಪಂಚಾಂಗದ ಲೆಕ್ಕಾಚಾರದಂತೆ ಮಾರ್ಚ್ 30ರಂದೇ ಜಯಂತಿ ಆಚರಿಸುವುದು ಸೂಕ್ತ ಎಂಬ ಕಾರಣಕ್ಕೆ ಸರ್ಕಾರ ಈ ನಿರ್ಧಾರ ತೆಗೆದುಕೊಂಡಿದೆ. ಇದರಿಂದಾಗಿ ಸರ್ಕಾರಿ ನೌಕರರಿಗೆ ಹಾಗೂ ಶಾಲಾ ವಿದ್ಯಾರ್ಥಿಗಳಿಗೆ ಶನಿವಾರ (ನಾಲ್ಕನೇ ಶನಿವಾರ), ಭಾನುವಾರ ಹಾಗೂ ಸೋಮವಾರ ಸೇರಿ ಸತತ ಮೂರು ದಿನಗಳ ಲಾಂಗ್ ವೀಕೆಂಡ್ ಸಿಗಲಿದೆ. ಮಾರ್ಚ್ 31ರಂದು ಎಂದಿನಂತೆ ಕಚೇರಿ ಹಾಗೂ ಶಾಲಾ-ಕಾಲೇಜುಗಳು ಕಾರ್ಯನಿರ್ವಹಿಸಲಿವೆ ಎಂದು ಸರ್ಕಾರದ ಅಧೀನ ಕಾರ್ಯದರ್ಶಿಗಳು ತಮ್ಮ ಆದೇಶದಲ್ಲಿ ತಿಳಿಸಿದ್ದಾರೆ.
ಈ ಹಿಂದೆ 2026ನೇ ಸಾಲಿನ ಸಾರ್ವಜನಿಕ ರಜೆಗಳ ಪಟ್ಟಿಯಲ್ಲಿ ಮಾರ್ಚ್ 31, 2026 (ಮಂಗಳವಾರ) ರಂದು ಘೋಷಿಸಲಾಗಿದ್ದ ಮಹಾವೀರ ಜಯಂತಿ ಸಾರ್ವಜನಿಕ ರಜೆಯನ್ನು ಈಗ ಬದಲಾಯಿಸಲಾಗಿದೆ. ಪರಿಷ್ಕೃತ ಆದೇಶದಂತೆ, ಈ ರಜೆಯನ್ನು ಮಾರ್ಚ್ 30, 2026 (ಸೋಮವಾರ) ರಂದು ನೀಡಲು ಸರ್ಕಾರ ನಿರ್ಧರಿಸಿದೆ.
ಪ್ರಮುಖ ವಿವರಗಳು:
- ಹಳೆಯ ರಜೆ ದಿನಾಂಕ: 31.03.2026 (ಮಂಗಳವಾರ)
- ಹೊಸ (ಪರಿಷ್ಕೃತ) ರಜೆ ದಿನಾಂಕ: 30.03.2026 (ಸೋಮವಾರ)
- ಕಾರಣ: ಜೈನ ಸಮುದಾಯದ ಕೋರಿಕೆ ಹಾಗೂ ಧಾರ್ಮಿಕ ಪದ್ಧತಿಯಂತೆ ಸೂರ್ಯೋದಯ ಕಾಲದ ತಿಥಿಯನ್ನು ಆಧರಿಸಿ ಈ ಬದಲಾವಣೆ ಮಾಡಲಾಗಿದೆ.
- ವ್ಯಾಪ್ತಿ: ಈ ರಜೆಯು ರಾಜ್ಯ ಸರ್ಕಾರದ ಎಲ್ಲಾ ಕಚೇರಿಗಳು, ಶಾಲಾ-ಕಾಲೇಜುಗಳು ಹಾಗೂ ಸಾರ್ವಜನಿಕ ವಲಯದ ಸಂಸ್ಥೆಗಳಿಗೆ ಅನ್ವಯವಾಗುತ್ತದೆ. ಅಲ್ಲದೆ, ಇದು ‘ನೆಗೋಷಿಯಬಲ್ ಇನ್ಸ್ಟ್ರುಮೆಂಟ್ ಆಕ್ಟ್’ ಅಡಿಯೂ ಘೋಷಿತವಾಗಿರುವುದರಿಂದ ಬ್ಯಾಂಕುಗಳಿಗೂ ಅನ್ವಯವಾಗಲಿದೆ.
