ಅಜೇಯ ಬಾಕ್ಸರ್ ಮೂಸಾ ಅಸ್ಕನ್ ಯಮಕ್ ಅವರು ಬಾಕ್ಸಿಂಗ್ ರಿಂಗ್ ಮಧ್ಯದಲ್ಲಿ ಕುಸಿದು ಸಾವನ್ನಪ್ಪಿದ್ದಾರೆ. ಭಾನುವಾರ ಮ್ಯೂನಿಚ್‌ನಲ್ಲಿ ನಡೆದ ಹೋರಾಟದ ವೇಳೆ ಅಜೇಯ ಬಾಕ್ಸರ್ ಮೂಸಾ ಅಸ್ಕಾನ್ ಯಮಕ್ ಅವರು ರಿಂಗ್ ಮಧ್ಯದಲ್ಲಿ ಕುಸಿದು ಸಾವನ್ನಪ್ಪಿದರು.
ಅವರು ಉಗಾಂಡಾದ ಅನುಭವಿ ಹಮ್ಜಾ ವಂಡೆರಾ ವಿರುದ್ಧದ ಹೋರಾಟದ ಮಧ್ಯದಲ್ಲಿದ್ದಾಗ ಅವರು ಮೂರನೇ ಸುತ್ತಿನ ಆರಂಭದಲ್ಲಿ ಕುಸಿದು ಬಿದ್ದಿದ್ದಾರೆ. 38 ವರ್ಷ ವಯಸ್ಸಿನ ಮೂಸಾ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ ಎಂದು ಟರ್ಕಿಯ ಅಧಿಕಾರಿ ಹಸನ್ ತುರಾನ್ ಅವರು ಟ್ವಿಟರ್‌ನಲ್ಲಿ ಈ ಘಟನೆಯನ್ನು ಪೋಸ್ಟ್ ಮಾಡಿದ್ದಾರೆ.
ಯುರೋಪಿಯನ್ ಮತ್ತು ಏಷ್ಯನ್ ಚಾಂಪಿಯನ್ ಶಿಪ್‌ ಗಳನ್ನು ಗೆದ್ದ ಅಲುಕ್ರಾದ ಬಾಕ್ಸರ್ ಮೂಸಾ ಅಸ್ಕಾನ್ ಯಮಕ್ ಅವರನ್ನು ಚಿಕ್ಕವಯಸ್ಸಿನಲ್ಲೇ ಕಳೆದುಕೊಂಡಿದ್ದೇವೆ ಎಂದು ಟ್ವೀಟ್ ಮಾಡಿದ್ದಾರೆ.
ಘಟನೆಯ ವಿಡಿಯೋದಲ್ಲಿ ಎರಡನೇ ಸುತ್ತಿನಲ್ಲಿ ದೊಡ್ಡ ಹೊಡೆತದಿಂದ ಮೂಸಾ ತಲ್ಲಣಗೊಂಡಿದ್ದು, ಸುತ್ತಿನ ಕೊನೆಯಲ್ಲಿ ಅವರು ತಮ್ಮ ಸ್ಟೂಲ್ ಮೇಲೆ ಕುಳಿತುಕೊಳ್ಳಲು ಸಾಧ್ಯವಾಗಿದೆ. ಒಂದು ನಿಮಿಷದ ನಂತರ ಹೊರನಡೆಯುತ್ತಿದ್ದಂತೆ ಕುಸಿದುಬಿದ್ದರು. ನಂತರ ಅವರನ್ನು ಸ್ಥಳೀಯ ಆಸ್ಪತ್ರೆಗೆ ಸಾಗಿಸಲಾಯಿತು, ಆದರೆ ಆಸ್ಪತ್ರೆಗೆ ಬರುವಷ್ಟರಲ್ಲಿ ಹೃದಯಾಘಾತದಿಂದ ಅವರು ಸಾವನ್ನಪ್ಪಿದ್ದಾರೆ ಎಂದು ಘೋಷಿಸಲಾಯಿತು.
ಜರ್ಮನಿ ಮೂಲದ ಯಮಕ್ ಅವರು ಅಜೇಯ 8-0 ದಾಖಲೆಯನ್ನು ಹೊಂದಿದ್ದರು, ಅವರ ಎಲ್ಲಾ ಗೆಲುವುಗಳು ನಾಕೌಟ್ ಮೂಲಕ ಬಂದವು. ಅವರು 2017 ರಲ್ಲಿ ವೃತ್ತಿಪರರಾದರು, ಆದರೆ ಕಳೆದ ವರ್ಷ WBFed ಅಂತರಾಷ್ಟ್ರೀಯ ಪ್ರಶಸ್ತಿಯನ್ನು ಗೆದ್ದು ಅಲೆ ಸೃಷ್ಠಿಸಿದ್ದರು.
Loading ...