ಬ್ರೆಜಿಲ್ನಲ್ಲಿ ಬೈಕ್ ರೇಸರ್ ಒಬ್ಬ ಗುರಿ ಮುಟ್ಟುವ ಮೊದಲೇ ಗೆಲುವನ್ನ ಸಂಭ್ರಮಿಸೋಕೆ ಹೋಗಿ ಮೊದಲ ಸ್ಥಾನವನ್ನ ಕಳೆದುಕೊಂಡು ಮುಖಭಂಗಕ್ಕೀಡಾಗಿದ್ದಾನೆ. ಆಂಡ್ರೆ ವೆರಿಸ್ಸಿಮೊ ಎಂಬಾತ ಗುರಿ ತಲುಪಲು ಇನ್ನೇನು ಕೆಲವೇ ಮೀಟರ್ ದೂರ ಇದೆ ಅನ್ನೋವಾಗ ತಾನೇ ಮಾಡಿದ ಎಡವಟ್ಟಿನಿಂದಾಗಿ ವಿಜೇತ ಎಂಬ ಪಟ್ಟವನ್ನ ಇನ್ನೊಬ್ಬರಿಗೆ ಬಿಟ್ಟುಕೊಟ್ಟಿದ್ದಾನೆ.
ಬ್ರೆಜಿಲ್ನ ಗೊಯಾನಾ ಎಂಬಲ್ಲಿ ನಡೆದ ಅಂತಾರಾಷ್ಟ್ರೀಯ ಬೈಕ್ ರೇಸ್ನಲ್ಲಿ ಆಂಡ್ರೆ ಭಾಗಿಯಾಗಿದ್ದರು. ಇನ್ನುಳಿದ ಸ್ಪರ್ಧಿಗಳಿಗಿಂತ ಸಾಕಷ್ಟು ಮುನ್ನಡೆಯನ್ನ ಕಾಯ್ದುಕೊಳ್ಳುವಲ್ಲಿ ಆಂಡ್ರೆ ಯಶಸ್ವಿ ಕೂಡ ಆಗಿದ್ದರು. ಇನ್ನೇನು ಆಂಡ್ರೆ ವಿನ್ನರ್ ಆಗ್ತಾರೆ ಅಂತಾನೇ ಎಲ್ಲರೂ ಭಾವಿಸಿದ್ದರು.
ಆಂಡ್ರೆ ಕೂಡ ಗೆಲುವಿನ ದಡವನ್ನ ಸೇರುವ ಕೆಲವೇ ಸೆಕೆಂಡ್ಗಳ ಮುಂಚೆ ಬೈಕ್ ಮೇಲೆ ನಿಂತು ಸಂಭ್ರಮಿಸೋಕೆ ಹೋಗಿದ್ದಾರೆ. ಆದರೆ ಅವರ ಈ ತಪ್ಪಿನಿಂದಾಗಿ ಅವರ ಹಿಂದಿದ್ದ ಇಬ್ಬರು ರೇಸರ್ಗಳು ಆಂಡ್ರೆ ಹಿಂದಿಕ್ಕಿ ಮೊದಲ ಎರಡು ಸ್ಥಾನಗಳನ್ನ ಬಾಚಿಕೊಂಡ್ರು. ವಿನ್ನರ್ ಆಗಬೇಕಿದ್ದ ಆಂಡ್ರೆ ಮೂರನೇ ಸ್ಥಾನಕ್ಕೆ ತೃಪ್ತಿ ಪಡುವಂತಾಯ್ತು.
ಇನ್ನು ಈ ವಿಚಾರವಾಗಿ ಮಾತನಾಡಿದ ಆಂಡ್ರೆ ನಾನು ಹಿಂದೆ ಇಬ್ಬರನ್ನ ನೋಡುತ್ತಿದ್ದಂತೆಯೇ ಬೈಕ್ನ ಎಕ್ಸಲೇಟರ್ನ್ನು ಹೆಚ್ಚಿಸಿದೆ. ಆದರೆ ನನ್ನ ಬೈಕ್ ಮೂರನೇ ಗಿಯರ್ನಲ್ಲಿದ್ದ ಕಾರಣ ಬೈಕ್ ತುಂಬಾ ಸ್ಲೋ ಆಗಿ ಚಲಿಸಿತು. ಹೀಗಾಗಿ ಇಬ್ಬರು ನನ್ನನ್ನ ಹಿಂದಿಕ್ಕಿದ್ದರು ಎಂದು ಹೇಳಿದ್ದಾರೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
https://www.instagram.com/tv/CJInSoYjrNp/?utm_source=ig_web_copy_link
Loading ...