ಪುಟ್ಟ ಬಾಲಕಿಯ ಪ್ರೋತ್ಸಾಹಕ್ಕೆ ಯುವರಾಜ್‌ ಸಿಂಗ್‌ ಫಿದಾ

ರೋಡ್​ ಸೇಫ್ಟಿ ವರ್ಲ್ಡ್​ ಸೀರೀಸ್​ನ ಫೈನಲ್​ ಮ್ಯಾಚ್​​ನಲ್ಲಿ ಇಂಡಿಯಾ ಲೆಜೆಂಡ್ಸ್​​ ಶ್ರೀಲಂಕಾ ಲೆಜೆಂಡ್ಸ್​ನ್ನು ಮಣಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಫೈನಲ್​ ಹಣಾಹಣಿಯಲ್ಲಿ ಯುಸೂಫ್​ ಪಠಾಣ್​ ಹಾಗೂ ಯುವರಾಜ್​ ಸಿಂಗ್​​ ಅದ್ಭುತ ಪ್ರದರ್ಶನ ನೀಡಿದ್ರು.

ಇದೇ ಪಂದ್ಯದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗ್ತಿದೆ. ಯುವರಾಜ್​ ಸಿಂಗ್​​ರ ಬ್ಯಾಟಿಂಗ್​ ಪ್ರದರ್ಶನವನ್ನ ನೋಡುತ್ತಿದ್ದ ಪುಟ್ಟ ಬಾಲಕಿ ಸ್ಟೇಡಿಯಂನಲ್ಲಿ ಯುವಿ ಯುವಿ ಎಂದು ಹೇಳಿ ಸಂಭ್ರಮಿಸಿದ್ದಾಳೆ. ಈ ವಿಡಿಯೋ ಎಷ್ಟರ ಮಟ್ಟಿಗೆ ವೈರಲ್​ ಆಗಿದೆ ಅಂದರೆ ಸ್ವತಃ ಯುವರಾಜ್​ ಸಿಂಗ್​ ಈ ಬಾಲಕಿಯ ಫ್ಯಾನ್​ ಆಗಿದ್ದಾರೆ.

ಈ ವಿಡಿಯೋವನ್ನ ಟ್ವಿಟರ್​ನಲ್ಲಿ ಶೇರ್​ ಮಾಡಿರುವ ಯುವರಾಜ್​ ಸಿಂಗ್​​ ಅಂದಹಾಗೆ ಈ ಮುದ್ದಾದ ಮಗು ಯಾರು..? ಮಗಳೇ ಸುರಕ್ಷಿತವಾಗಿರು ಹಾಗೂ ಎಲ್ಲಾ ಸಮಯದಲ್ಲೂ ಫೇಸ್​ ಮಾಸ್ಕ್​ ಧರಿಸು ಎಂದು ಶೀರ್ಷಿಕೆ ನೀಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸಿದೆ.