ಭಾರತದ ಈ ಆಟಗಾರನನ್ನು ಕೊಹ್ಲಿಗೆ ಹೋಲಿಸಿದ ಕ್ರಿಕೆಟರ್

ಚೆನ್ನೈ ಸೂಪರ್​ ಕಿಂಗ್ಸ್ ತಂಡದ ಆಟಗಾರ ಫಾಪ್​ ಡು ಪ್ಲೆಸಿಸ್,​​ ಭಾರತೀಯ ಯುವ ಆಟಗಾರ ಋತುರಾಜ್​ ಗಾಯಕ್​ವಾಡರನ್ನ ‘ಯುವ ವಿರಾಟ್​ ಕೊಹ್ಲಿ’ ಅಂತಾ ಕರೆದಿದ್ದಾರೆ. ಕಿಂಗ್ಸ್ ಇಲೆವನ್​ ಪಂಜಾಬ್​ ಹಾಗೂ ಸಿಎಸ್​ಕೆ ವಿರುದ್ಧದ ಪಂದ್ಯದಲ್ಲಿ 62 ರನ್​ ಬಾರಿಸುವ ಮೂಲಕ ಋತುರಾಜ್​ ಗೆಲುವನ್ನ ತಂದುಕೊಟ್ಟರು .

ಪಂಜಾಬ್​ ವಿರುದ್ಧ 62 ರನ್​ ಸಿಡಿಸಿದ ಗಾಯಕ್​ವಾಡ್​ 6 ಬೌಂಡರಿ ಹಾಗೂ ಒಂದು ಸಿಕ್ಸ್ ಬಾರಿಸಿದ್ರು. 23 ವರ್ಷದ ಮಹಾರಾಷ್ಟ್ರ ಆಟಗಾರನ ಈ ಬ್ಯಾಟಿಂಗ್​ ಶೈಲಿ ನೋಡಿದ ಡು ಪ್ಲೆಸಿಸ್​ ಈತ ಯುವ ವಿರಾಟ್​ ಕೊಹ್ಲಿ ಅಲ್ವಾ ಅಂತಾ ಹೇಳಿದ್ದಾರೆ.

ಗಾಯಕ್ವಾಡ್​ ತಮ್ಮ ಐಪಿಎಲ್​ ಆವೃತ್ತಿಯಲ್ಲಿ ಉತ್ತಮ ಆರಂಭವನ್ನೇನೂ ಪಡೆದುಕೊಂಡಿಲ್ಲ. ಮೊದಲ ಮೂರು ಇನ್ನಿಂಗ್ಸ್​​ಗಳಲ್ಲಿ ಗಾಯಕ್ವಾಡ್​​ ಎರಡಲ್ಲಿ ಸೊನ್ನೆಗೆ ಔಟ್​ ಆದರೆ ಒಂದು ಮ್ಯಾಚ್​ನಲ್ಲಿ 5 ರನ್​ ಸೇರಿಸಲಷ್ಟೇ ಯಶಸ್ವಿಯಾಗಿದ್ರು. ಆದರೆ ಯಾವಾಗ ಚೆನ್ನೈ ತಂಡ ಗಾಯಕ್ವಾಡಗೆ ಓಪನರ್​ ಆಗಿ ಅವಕಾಶ ನೀಡಿತೋ ಅಂದಿನಿಂದ ಈ ಬಲಗೈ ಆಟಗಾರ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಕಳೆದ ಮೂರು ಮ್ಯಾಚ್​ಗಳಲ್ಲೂ ಉತ್ತಮ ಪ್ರದರ್ಶನ ತೋರಿರುವ ಯುವ ಆಟಗಾರ ಹ್ಯಾಟ್ರಿಕ್​ ಅರ್ಧ ಶತಕ ಬಾರಿಸಿದ್ದಾರೆ.