ಅಭಿಮಾನಿಯ ಪ್ರೀತಿ ಕಂಡು ಧೋನಿ ಭಾವುಕ…!

ಕೆಲದಿನಗಳ ಹಿಂದಷ್ಟೇ ತಮಿಳುನಾಡಿನ ಗೋಪಿಕೃಷ್ಣನ್​ ಎಂಬವರು ತಮ್ಮ ಮನೆಗೆ ಚೆನ್ನೈ ಸೂಪರ್​ ಕಿಂಗ್ಸ್ ತಂಡದ ಸಂಕೇತವಾದ ಹಳದಿ ಬಣ್ಣ ಹಾಗೂ ಮನೆಯ ತುಂಬೆಲ್ಲ ಧೋನಿಯ ಚಿತ್ರ ಬಿಡಿಸುವ ಮೂಲಕ ಸುದ್ದಿಯಾಗಿದ್ರು. ಅಭಿಮಾನಿಯ ಈ ಪ್ರೀತಿಗೆ ಸ್ವತಃ ಎಂ.ಎಸ್. ಧೋನಿ ಸಂತಸ ವ್ಯಕ್ತಪಡಿಸಿದ್ದಾರೆ.

ಸಿಎಸ್​​ಕೆ ತಂಡದ ಟ್ವಿಟರ್​ ಅಕೌಂಟ್​ನಲ್ಲಿ ಪೋಸ್ಟ್ ಮಾಡಲಾದ ವಿಡಿಯೋದಲ್ಲಿ ಎಂ.ಎಸ್. ಧೋನಿ ಅಭಿಮಾನಿಯ ಪ್ರೀತಿಯನ್ನ ಕಂಡು ಕೊಂಚ ಭಾವುಕರಾಗಿದ್ದಾರೆ. ಇನ್​ಸ್ಟಾಗ್ರಾಂನಲ್ಲಿ ನಾನು ಈ ವಿಡಿಯೋ ನೋಡಿದೆ. ಇದು ಕೇವಲ ನನ್ನ ಮೇಲಿರುವ ಪ್ರೀತಿ ಮಾತ್ರವಲ್ಲ. ಸಿಎಸ್​ಕೆ ತಂಡದ ಮೇಲಿನ ಅಭಿಮಾನ ಅಂತಾ ಹೇಳಿದ್ದಾರೆ.

ಅನೇಕರು ಸೋಶಿಯಲ್​ ಮೀಡಿಯಾದಲ್ಲಿ ತಮ್ಮ ತಂಡದ ಮೇಲಿನ ಪ್ರೀತಿಯನ್ನ ತೋರಿಸಿಕೊಳ್ತಾರೆ. ಆ ಪೋಸ್ಟ್​​ಗಳ ಅವಧಿ ಒಂದು ದಿನ ಮಾತ್ರ. ಆದರೆ ಈ ಅಭಿಮಾನಿಯ ಪ್ರೀತಿ ಒಂದೇ ದಿನಕ್ಕೆ ಅಳಿಸಿಹೋಗುವಂತದ್ದಲ್ಲ. ನಿಮ್ಮ ಇಡಿ ಕುಟುಂಬಕ್ಕೆ ನಮ್ಮ ತಂಡದ ಕಡೆಯಿಂದ ಧನ್ಯವಾದ ಅಂತಾ ಹೇಳಿದ್ದಾರೆ.