ಬೆಂಗಳೂರು: ಬ್ಯಾಂಕ್ ಕೆಲಸ ಅಂದ್ರೆ ಬರೀ ಫೈಲು, ಕೌಂಟರ್ ಕಿರಿಕಿರಿ ಅಂದುಕೊಂಡಿದ್ದೀರಾ? ಹಾಗಾದ್ರೆ ಈ ಸುದ್ದಿ ಓದಲೇಬೇಕು. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ (SBI) ಪ್ರೊಬೇಷನರಿ ಆಫೀಸರ್ (PO) ಆಗಿರುವ ಶ್ವೇತಾ ಉಪ್ಪಲ್ ಎಂಬುವವರು ತಮ್ಮ ಸ್ಯಾಲರಿ ಸ್ಲಿಪ್ ರಹಸ್ಯ ಬಿಚ್ಚಿಟ್ಟಿದ್ದು, ಅದನ್ನು ನೋಡಿ ನೆಟ್ಟಿಗರು ಫುಲ್ ಶಾಕ್ ಆಗಿದ್ದಾರೆ.
ಏನಿದೆ ಇವರ ಸ್ಯಾಲರಿ ಸ್ಲಿಪ್ನಲ್ಲಿ?
ಶ್ವೇತಾ ಅವರು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರುವ ಪ್ರಕಾರ, ಎರಡೂವರೆ ವರ್ಷದ ಸೇವೆ ಮುಗಿಸಿರುವ ಅವರಿಗೆ ತಿಂಗಳಿಗೆ ಸಿಗುತ್ತಿರುವ ಒಟ್ಟು ಆದಾಯ ಕೇಳಿದ್ರೆ ಎಂಥವರಿಗೂ ಅಚ್ಚರಿಯಾಗುತ್ತೆ.
ಕೈಗೆ ಸಿಗೋ ಸಂಬಳ (In-hand): ₹95,000
ಮನೆ ಬಾಡಿಗೆ ಭತ್ಯೆ (Lease Rental): ₹18,500
ಇತರ ಸೌಲಭ್ಯಗಳು: ₹11,000
ಟೋಟಲ್ ಪ್ಯಾಕೇಜ್: ಅಂದಾಜು ₹1,24,500!
ಸಂಬಳ ಡಬಲ್ ಆಗಿದ್ದು ಹೇಗೆ?
ಸಾಮಾನ್ಯವಾಗಿ ಎಸ್ಬಿಐ ಪಿಒ ಸೇರಿದಾಗ ಸ್ಯಾಲರಿ ₹56,000 ಆಸುಪಾಸು ಇರುತ್ತದೆ. ಆದರೆ ಶ್ವೇತಾ ಅವರ ಸಂಬಳ ಲಕ್ಷ ದಾಟಲು ಕಾರಣ ಅವರ ಸ್ಮಾರ್ಟ್ ವರ್ಕ್.
ವಾರ್ಷಿಕ ಇನ್ಕ್ರಿಮೆಂಟ್: ಪ್ರತಿ ವರ್ಷ ಸಿಗುವ ಸಂಬಳ ಏರಿಕೆ.
ಸ್ಪೆಷಲ್ ಎಕ್ಸಾಮ್ಸ್: ಬ್ಯಾಂಕಿಂಗ್ ಕ್ಷೇತ್ರದ ಕಠಿಣ ಪರೀಕ್ಷೆಗಳಾದ JAIIB ಮತ್ತು CAIIB ಪಾಸ್ ಮಾಡಿದ್ದಕ್ಕೆ ಇವರಿಗೆ ಒಂದಲ್ಲ, ಎರಡಲ್ಲ.. ಬರೋಬ್ಬರಿ 3 ಹೆಚ್ಚುವರಿ ಇನ್ಕ್ರಿಮೆಂಟ್ ಸಿಕ್ಕಿವೆ.
ನೆಟ್ಟಿಗರ ಮಾತು: ಬ್ಯಾಂಕ್ ಕೆಲಸಕ್ಕೆ ಸೇರಲು ಇದಕ್ಕಿಂತ ದೊಡ್ಡ ಮೋಟಿವೇಶನ್ ಬೇಕಾ? ಎಂದು ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ. ಇನ್ನು ಕೆಲವರು ನಮ್ಮ ಫ್ರೆಂಡ್ ಅಷ್ಟೇ ಸಂಬಳ ಅಂತ ಅಳ್ತಿರ್ತಾನೆ, ಈಕೆಗಿಷ್ಟು ಹೇಗೆ ಸಿಕ್ತು? ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
https://www.instagram.com/reel/DT5FKphiViq/?utm_source=ig_web_copy_link
ಏನಿದು ಪಿಒ ಹುದ್ದೆ? ನಿಜಕ್ಕೂ ಕೆಲಸ ಕಷ್ಟವಾ?
ಬ್ಯಾಂಕ್ನಲ್ಲಿ ಪಿಒ ಅಂದ್ರೆ ಕೇವಲ ಕೆಲಸಗಾರರಲ್ಲ ಇವರು ಜೂನಿಯರ್ ಮ್ಯಾನೇಜರ್ ಗಳು.
ಆಲ್-ರೌಂಡರ್ ಕೆಲಸ: ಸಾಲ ಕೊಡುವುದರಿಂದ ಹಿಡಿದು, ಕ್ಯಾಶ್ ಮ್ಯಾನೇಜ್ಮೆಂಟ್ ಫೊರೆಕ್ಸ್ ಮತ್ತು ಬ್ಯಾಂಕಿನ ಹೊಸ ತಂತ್ರಜ್ಞಾನಗಳನ್ನು ಇವರು ನಿರ್ವಹಿಸುತ್ತಾರೆ.
ಸವಾಲು: ಸ್ಯಾಲರಿ ಹೇಗಿದೆಯೋ ಜವಾಬ್ದಾರಿಯೂ ಅಷ್ಟೇ ಇರುತ್ತದೆ. ರೂರಲ್ ಬ್ಯಾಂಕಿಂಗ್ನಿಂದ ಹಿಡಿದು ಹೈಟೆಕ್ ಟ್ರೆಜರಿ ವಿಭಾಗದವರೆಗೂ ಇವರು ಕೆಲಸ ಮಾಡಬೇಕಾಗುತ್ತದೆ.
ಶ್ವೇತಾ ಅವರ ಈ ವಿಡಿಯೋ 10 ಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಕಂಡಿದ್ದು ಈಗ ಬ್ಯಾಂಕಿಂಗ್ ಪರೀಕ್ಷೆ ಬರೆಯುವ ಯುವಜನತೆಗೆ ಒಂದು ಹಾಟ್ ಟಾಪಿಕ್ ಆಗಿದೆ.
