ಮುಂದಿನ ತಿಂಗಳು ರಾಯಲ್​ ಆಗಿ ಎಂಟ್ರಿ ಕೊಡಲಿದೆ ಹಿಮಾಲಯನ್​ 452; ವೈರಲ್​ ಆಯ್ತು ಮತ್ತೊಂದು ವಿಡಿಯೋ

ಭಾರತೀಯ ದ್ವಿಚಕ್ರ ವಾಹನ ತಯಾರಿಕೆಯ ಅತ್ಯಂತ ಪ್ರಸಿದ್ಧ ಕಂಪನಿ ಎಂದರೆ ರಾಯಲ್​ ಎನ್​ಫೀಲ್ಡ್​. ಇದೀಗ ರಾಯಲ್​ ಎನ್​ಫೀಲ್ಡ್​ ತನ್ನ ಹೊಸ ಬೈಕ್​ ಬಿಡುಗಡೆಗೆ ಸಜ್ಜಾಗಿದೆ. ಮುಂದಿನ ತಿಂಗಳು ರಾಯಲ್​ ಎನ್​ಫೀಲ್ಡ್​ ಹಿಮಾಲಯನ್​ 452 ರಿಲೀಸ್​ ಆಗಲಿದ್ದು ಇದರ ಮತ್ತೊಂದು ವಿಡಿಯೋವನ್ನು ರಾಯಲ್​ ಎನ್​ಫೀಲ್ಡ್​ ಕಂಪನಿಯು ಸೋಶಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಿದ್ದು ಸಖತ್​ ಹವಾ ಸೃಷ್ಟಿಸಿದೆ.

ನವೆಂಬರ್​ 7ರಂದು ಲಾಂಚ್​ ಆಗಲಿರುವ ಐಕಾನಿಕ್​ ಹಿಮಾಲಯನ್​ 452 ಬೈಕ್​​ ಮೇಲೆ ನಿರೀಕ್ಷೆ ಬೆಟ್ಟದಷ್ಟಿದೆ. ಹೊಸ ಮಾದರಿಯ ಹಿಮಾಲಯನ್​ 452 2016 ರಲ್ಲಿ ಬಿಡುಗಡೆಯಾದ ಹಿಮಾಲಯನ್​ 411ಗೆ ಉತ್ತರಾಧಿಕಾರಿಯಾಗಿದೆ. ಹೊಸ ಮಾದರಿಯ ಹಿಮಾಲಯನ್​ ಬೈಕ್​​ 65cc ಲಿಕ್ವಿಡ್-ಕೂಲ್ಡ್ ಎಂಜಿನ್‌ನಂತಹ ಅನೇಕ ಬದಲಾವಣೆಗಳೊಂದಿಗೆ ಬರುತ್ತದೆ. ಹಳೆ ಮಾದರಿಯ ಹಿಮಾಲಯನ್​ಗಿಂತ ಈ ಬೈಕ್​ ಹೆಚ್ಚಿನ 15ಪಿಎಸ್​ ಹೊಂದಿದೆ. ಹಿಮಾಲಯನ್​ 452 196 ಕೆಜಿ ಹೊಂದಿದೆ. ಹಳೆ ಮಾದರಿಯ ಹಿಮಾಲಯನ್​ಗಿಂತ 3 ಕೆಜಿ ಕಮ್ಮಿ ತೂಗುತ್ತದೆ.

ಮುಂದಿನ ತಿಂಗಳು ಬಿಡುಗಡೆಯಾಗಲಿರುವ ಹಿಮಾಲಯನ್​ 452 ಬೈಕ್​ನ ಅಂದಾಜು ಬೆಲೆ 2.8 ಲಕ್ಷ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಈ ಬೈಕ್​ KTM 390 ಅಡ್ವೆಂಚರ್ ಮತ್ತು ಮುಂಬರುವ Hero XPulse 400ಗೆ ಠಕ್ಕರ್​ ನೀಡಲಿದೆ ಎಂದು ಅಂದಾಜಿಸಲಾಗಿದೆ.