ಫಿನ್ನಿಶ್ ಮೂಲದ ಪ್ರಖ್ಯಾತ ಹೆಲ್ತ್-ಟೆಕ್ ಕಂಪನಿ Oura ಅಧಿಕೃತವಾಗಿ ಭಾರತೀಯ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. ತನ್ನ ಬಹುನಿರೀಕ್ಷಿತ Oura Ring 4 ಸ್ಮಾರ್ಟ್ ರಿಂಗ್ ಅನ್ನು ಬಿಡುಗಡೆ ಮಾಡುವ ಮೂಲಕ ಭಾರತದಲ್ಲಿ ಹೊಸ ಸಂಚಲನ ಮೂಡಿಸಿದೆ.
ಈ ಸ್ಮಾರ್ಟ್ ರಿಂಗ್‌ನ ಬೆಲೆ, ವೈಶಿಷ್ಟ್ಯಗಳು ಮತ್ತು ಭಾರತೀಯರ ನಿದ್ರೆಯpattern ಬಗ್ಗೆ ಕಂಪನಿ ನೀಡಿರುವ ಆಘಾತಕಾರಿ ವರದಿಯ ವಿವರ ಇಲ್ಲಿದೆ
Oura Ring 4: ಬೆಲೆ ಮತ್ತು ಲಭ್ಯತೆ
- ಸಿಲ್ವರ್ ಮತ್ತು ಬ್ಲ್ಯಾಕ್ ವೇರಿಯಂಟ್: ₹28,900
- ಪ್ರೀಮಿಯಂ ವೇರಿಯಂಟ್ಸ್ (Stealth, Brushed Silver, Gold, Rose Gold): ₹39,900
- ಸಬ್‌ಸ್ಕ್ರಿಪ್ಷನ್: ರಿಂಗ್‌ನ ಸಂಪೂರ್ಣ ಡೇಟಾ ಮತ್ತು ಒಳನೋಟಗಳನ್ನು ಪಡೆಯಲು ತಿಂಗಳಿಗೆ ₹599 ರ ‘Oura Membership’ ಅಗತ್ಯವಿದೆ.
- ಎಲ್ಲಿ ಖರೀದಿಸಬಹುದು?: ಮಾರ್ಚ್ 18 ರಿಂದ ಅಮೆಜಾನ್ (Amazon), Croma.com ಮತ್ತು ದೇಶದ 100ಕ್ಕೂ ಹೆಚ್ಚು ಕ್ರೋಮಾ ರಿಟೇಲ್ ಸ್ಟೋರ್‌ಗಳಲ್ಲಿ ಲಭ್ಯವಿದೆ.
ಪ್ರಮುಖ ವೈಶಿಷ್ಟ್ಯಗಳು ಮತ್ತು ವಿನ್ಯಾಸ
- ಪ್ರೀಮಿಯಂ ಮೆಟೀರಿಯಲ್: ಇದು ಹಗುರವಾದ ಟೈಟಾನಿಯಂನಿಂದ ಮಾಡಲ್ಪಟ್ಟಿದ್ದು, ಧರಿಸಲು ಅತ್ಯಂತ ಆರಾಮದಾಯಕವಾಗಿದೆ.
- ವ್ಯಾಪಕ ಗಾತ್ರಗಳು: ಮಾರುಕಟ್ಟೆಯಲ್ಲಿಯೇ ಅತಿ ಹೆಚ್ಚು ಅಂದರೆ 4 ರಿಂದ 15 ರವರೆಗಿನ 12 ವಿಭಿನ್ನ ಗಾತ್ರಗಳಲ್ಲಿ ಇದು ಲಭ್ಯವಿದೆ.
- ಸ್ಮಾರ್ಟ್ ಸೆನ್ಸಿಂಗ್ ತಂತ್ರಜ್ಞಾನ: ಇದರಲ್ಲಿ 18 ಸಿಗ್ನಲ್ ಪಾತ್‌ವೇಗಳಿದ್ದು, ಬಳಕೆದಾರರ ಬೆರಳಿನ ಆಕಾರ ಮತ್ತು ಚರ್ಮದ ಬಣ್ಣಕ್ಕೆ ತಕ್ಕಂತೆ ನಿಖರವಾದ ಆರೋಗ್ಯ ಮಾಹಿತಿಯನ್ನು ನೀಡುತ್ತದೆ.
- 50ಕ್ಕೂ ಹೆಚ್ಚು ಮೆಟ್ರಿಕ್ಸ್: ಹೃದಯ ಬಡಿತ, ನಿದ್ರೆ, ಆಮ್ಲಜನಕದ ಮಟ್ಟ ಸೇರಿದಂತೆ 50ಕ್ಕೂ ಹೆಚ್ಚು ಆರೋಗ್ಯ ಸಂಬಂಧಿ ಅಂಶಗಳನ್ನು ಇದು ಟ್ರ್ಯಾಕ್ ಮಾಡುತ್ತದೆ. ಇದರ ಆ್ಯಪ್ ಆಂಡ್ರಾಯ್ಡ್ ಮತ್ತು ಐಒಎಸ್ ಎರಡರಲ್ಲೂ ಲಭ್ಯವಿದೆ.
ಭಾರತೀಯರ ನಿದ್ರೆಯ ಬಗ್ಗೆ ಓರಾ ನೀಡಿದ ಆಘಾತಕಾರಿ ವರದಿ!
ಭಾರತಕ್ಕೆ ಪ್ರವೇಶಿಸಿದ ಸಂದರ್ಭದಲ್ಲಿ ಓರಾ ಕಂಪನಿಯು ಭಾರತೀಯರ ನಿದ್ರೆಯ ಅಭ್ಯಾಸದ ಬಗ್ಗೆ ವರದಿಯೊಂದನ್ನು ಬಿಡುಗಡೆ ಮಾಡಿದೆ:
- ಕಡಿಮೆ ನಿದ್ರೆ: ಜಗತ್ತಿನಲ್ಲಿಯೇ ಅತಿ ಕಡಿಮೆ ನಿದ್ರೆ ಮಾಡುವವರಲ್ಲಿ ಭಾರತೀಯರು ಒಬ್ಬರು. ಸರಾಸರಿ ರಾತ್ರಿ ಕೇವಲ 6 ಗಂಟೆ 28 ನಿಮಿಷ ಮಾತ್ರ ನಿದ್ರಿಸುತ್ತಾರೆ.
- ನೈಟ್ ಔಲ್ಸ್ (ರಾತ್ರಿ ಹಕ್ಕಿಗಳು): ಶೇ. 59 ರಷ್ಟು ಭಾರತೀಯರು ತಡರಾತ್ರಿ ಮಲಗುವ ಹವ್ಯಾಸ ಹೊಂದಿದ್ದಾರೆ. ಸರಾಸರಿ ಮಲಗುವ ಸಮಯ ರಾತ್ರಿ 12:14.
- ಪವರ್ ನ್ಯಾಪ್ ಚಾಂಪಿಯನ್ಸ್: ರಾತ್ರಿ ನಿದ್ರೆಯ ಕೊರತೆಯನ್ನು ನೀಗಿಸಲು ಭಾರತೀಯರು ಹಗಲಿನಲ್ಲಿ ಸರಾಸರಿ 53 ನಿಮಿಷ ನಿದ್ರಿಸುತ್ತಾರೆ (ಇದು ಜಾಗತಿಕವಾಗಿ ಅತಿ ಹೆಚ್ಚು). ಅದರಲ್ಲೂ ಸೋಮವಾರ ಅತಿ ಹೆಚ್ಚು ಜನರು ಹಗಲು ನಿದ್ರೆ ಮಾಡುತ್ತಾರೆ!
