20 ವರ್ಷದ ಯುವತಿ ಮೇಲೆ ಗ್ಯಾಂಗ್ ರೇಪ್ ಪ್ರಕರಣಕ್ಕೆ ಸಂಬಂಧಿಸಿದಂತೆ 8 ಆರೋಪಿಗಳನ್ನು ಬಂಧಿಸಿರುವ ಘಟನೆ ಒಡಿಶಾದಲ್ಲಿ ನಡೆದಿದೆ.
ಯುವತಿ ತನ್ನ ಗೆಳೆಯನ ಜೊತೆ ರಾಜಾ ಫೆಸ್ಟಿವಲ್ ಆಚರಣೆಗಾಗಿ ಓಡಿಶಾದ ಗೋಪಾಲಪುರ ಸೀ ಬೀಚ್ ಗೆ ತೆರಳಿದ್ದಳು. ಈ ವೇಳೆ ಮೂವರು ಬೈಕ್ ಗಳಲ್ಲಿ ಬಂದ ಹತ್ತು ಜನರ ಗುಂಪು, ಯುವತಿಯ ಸ್ನೇಹಿತನ ಮೇಲೆ ಹಲ್ಲೆ ನಡೆಸಿ ಆತನನನ್ನು ಕಟ್ಟಿಹಾಕಿ, ಯುವತಿಯನ್ನು ಹೊತ್ತೊಯ್ದು, ಮನೆಯೊಂದರಲ್ಲಿ ಗ್ಯಾಂಗ್ ರೇಪ್ ನಡೆಸಿದ್ದರು. ಕೃತ್ಯದ ವಿಡಿಯೋ ಮಾಡಿಕೊಂಡು ಬೆದರಿಕೆ ಹಾಕಿದ್ದರು.
ಯುವತಿಯ ಗೆಳೆಯ ಅಲ್ಲಿಂದ ತಪ್ಪಿಸಿಕೊಂಡು ಗೋಪಾಲಪುರ ಪೊಲೀಸ್ ಠಾಣೆಗೆ ಬಂದು ದೂರು ನೀಡಿದ್ದ. ತಕ್ಷಣ ಕಾರ್ಯಾಚರಣೆ ಆರಂಭಿಸಿದ ಪೊಲೀಸರು ಸದ್ಯ 8 ಆರೋಪಿಗಳನ್ನು ಬಂಧಿಸಿದ್ದಾರೆ. ತಲೆಮರೆಸಿಕೊಂಡಿರುವ ಇಬ್ಬರಿಗಾಗಿ ಶೋಧ ಕಾರ್ಯ ಮುಂದುವರೆದಿದೆ.
