ಒಂದು ವೇಳೆ ರಾತ್ರಿ 10 ಗಂಟೆಯ ಸುಮಾರಿಗೆ ನಿಮಗೆ ಇದ್ದಕ್ಕಿದ್ದಂತೆ ನಿದ್ರೆ ಬರುತ್ತಿದೆ ಎಂದು ಅನಿಸಿದರೆ, ಕಣ್ಣುಗಳು ಭಾರವಾದಂತೆ ಕಂಡುಬಂದರೆ ಅಥವಾ ದೇಹ ವಿಶ್ರಾಂತಿಯನ್ನು ಬಯಸಿದಂತೆ ಅನಿಸಿದರೆ, ಅದನ್ನು ದಿನವಿಡೀ ಇದ್ದ ಆಯಾಸ ಎಂದು ನಿರ್ಲಕ್ಷಿಸಬೇಡಿ. ಈ ಸಮಯದಲ್ಲಿ ನಮ್ಮ ದೇಹದಲ್ಲಿ ಒಂದು ವಿಭಿನ್ನವಾದ ‘ನೈಟ್ ಶಿಫ್ಟ್’ ಆರಂಭವಾಗುತ್ತದೆ. ದಿನವಿಡೀ ಕೆಲಸ ಮಾಡಿದ ದೇಹ ನಿಧಾನವಾಗಿ ತನ್ನ ವೇಗವನ್ನು ಕಡಿಮೆ ಮಾಡಿಕೊಳ್ಳುತ್ತದೆ. ಮೆದುಳು, ಹಾರ್ಮೋನುಗಳು, ಜೀರ್ಣಾಂಗ ವ್ಯವಸ್ಥೆ ಹಾಗೂ ದೇಹದ ಉಷ್ಣತೆಯಲ್ಲೂ ಬದಲಾವಣೆಗಳು ಆರಂಭವಾಗುತ್ತವೆ.
ಒಂದು ವೇಳೆ ರಾತ್ರಿ 10 ಗಂಟೆಯ ಸುಮಾರಿಗೆ ನಿಮಗೆ ಇದ್ದಕ್ಕಿದ್ದಂತೆ ನಿದ್ರೆ ಬರುತ್ತಿದೆ ಎಂದು ಅನಿಸಿದರೆ, ಕಣ್ಣುಗಳು ಭಾರವಾದಂತೆ ಕಂಡುಬಂದರೆ ಅಥವಾ ದೇಹ ವಿಶ್ರಾಂತಿಯನ್ನು ಬಯಸಿದಂತೆ ಅನಿಸಿದರೆ, ಅದನ್ನು ದಿನವಿಡೀ ಇದ್ದ ಆಯಾಸ ಎಂದು ನಿರ್ಲಕ್ಷಿಸಬೇಡಿ. ಈ ಸಮಯದಲ್ಲಿ ನಮ್ಮ ದೇಹದಲ್ಲಿ ಒಂದು ವಿಭಿನ್ನವಾದ ‘ನೈಟ್ ಶಿಫ್ಟ್’ ಆರಂಭವಾಗುತ್ತದೆ. ದಿನವಿಡೀ ಕೆಲಸ ಮಾಡಿದ ದೇಹ ನಿಧಾನವಾಗಿ ತನ್ನ ವೇಗವನ್ನು ಕಡಿಮೆ ಮಾಡಿಕೊಳ್ಳುತ್ತದೆ. ಮೆದುಳು, ಹಾರ್ಮೋನುಗಳು, ಜೀರ್ಣಾಂಗ ವ್ಯವಸ್ಥೆ ಹಾಗೂ ದೇಹದ ಉಷ್ಣತೆಯಲ್ಲೂ ಬದಲಾವಣೆಗಳು ಆರಂಭವಾಗುತ್ತವೆ.
ಹೀಗಾಗಿ ರಾತ್ರಿ ತಡರಾತ್ರಿಯವರೆಗೆ ಮೊಬೈಲ್ ಬಳಸುವುದು, ಕೆಲಸ ಮಾಡುವುದು ಅಥವಾ ಆಹಾರ ಸೇವಿಸುವುದು ಕೇವಲ ನಿದ್ರೆಗೆ ಅಡ್ಡಿಯಾಗುವುದಕ್ಕೆ ಮಾತ್ರ ಸೀಮಿತವಾಗಿರುವುದಿಲ್ಲ. ರಾತ್ರಿ 10 ಗಂಟೆಯ ನಂತರ ದೇಹದಲ್ಲಿ ಯಾವೆಲ್ಲ ಬದಲಾವಣೆಗಳು ಆರಂಭವಾಗುತ್ತವೆ ಎಂಬುದನ್ನು ತಿಳಿದುಕೊಳ್ಳೋಣ.
ದೇಹದಲ್ಲಿ ಏನಾಗುತ್ತದೆ?
ಮೆಲಟೋನಿನ್ ಹಾರ್ಮೋನ್ ಬಿಡುಗಡೆ:
ಕತ್ತಲಾಗುತ್ತಿದ್ದಂತೆ ಮೆದುಳಿನಲ್ಲಿರುವ ಪೀನಿಯಲ್ ಗ್ರಂಥಿಯು ‘ಮೆಲಟೋನಿನ್’ ಎಂಬ ನಿದ್ರೆಯ ಹಾರ್ಮೋನ್ ಅನ್ನು ಸ್ರವಿಸುತ್ತದೆ. ರಾತ್ರಿ 10 ಗಂಟೆಯ ಸುಮಾರಿಗೆ ಇದರ ಮಟ್ಟ ಹೆಚ್ಚಾಗಲು ಆರಂಭವಾಗುತ್ತದೆ. ಇದರಿಂದ ದೇಹದ ಉಷ್ಣತೆ ಕಡಿಮೆಯಾಗುತ್ತಿದ್ದು, ದೇಹವು ಗಾಢ ನಿದ್ರೆಗೆ ಸಿದ್ಧವಾಗುತ್ತದೆ.
ಆಂತರಿಕ ಅಂಗಗಳ ದುರಸ್ತಿ:
ರಾತ್ರಿಯ ವೇಳೆ ದೇಹ ವಿಶ್ರಾಂತಿ ಸ್ಥಿತಿಗೆ ಹೋದಾಗ, ಯಕೃತ್ತು, ರೋಗನಿರೋಧಕ ವ್ಯವಸ್ಥೆ ಮತ್ತು ಜೀವಕೋಶಗಳು ತಮ್ಮನ್ನು ತಾವು ಶುದ್ಧೀಕರಿಸಿಕೊಳ್ಳುವ ಹಾಗೂ ದುರಸ್ತಿ ಮಾಡಿಕೊಳ್ಳುವ ಪ್ರಕ್ರಿಯೆಯನ್ನು ವೇಗಗೊಳಿಸುತ್ತವೆ.
ಜೀರ್ಣಕ್ರಿಯೆ ನಿಧಾನವಾಗುತ್ತದೆ:
ರಾತ್ರಿ 10 ಗಂಟೆಯ ನಂತರ ಜೀರ್ಣಾಂಗ ವ್ಯವಸ್ಥೆಯ ಕಾರ್ಯನಿರ್ವಹಣೆ ನಿಧಾನಗೊಳ್ಳುತ್ತದೆ. ಈ ಸಮಯದಲ್ಲಿ ಆಹಾರ ಸೇವಿಸಿದರೆ ಜೀರ್ಣಕ್ರಿಯೆಗೆ ತೊಂದರೆಯಾಗಬಹುದು ಮತ್ತು ಹೆಚ್ಚುವರಿ ಕ್ಯಾಲೊರಿ ಸೇವನೆಯು ತೂಕ ಹೆಚ್ಚಳಕ್ಕೆ ಕಾರಣವಾಗಬಹುದು.
ಜೀವ ಗಡಿಯಾರಕ್ಕೆ ತೊಂದರೆಯಾದರೆ ಉಂಟಾಗುವ ಸಮಸ್ಯೆಗಳು
ಮಾನಸಿಕ ಒತ್ತಡ, ಕಿರಿಕಿರಿ:
ಸಮಯಕ್ಕೆ ಸರಿಯಾಗಿ ನಿದ್ರೆ ಮಾಡದಿರುವುದರಿಂದ ದೇಹದ ಒತ್ತಡಕ್ಕೆ ಸಂಬಂಧಿಸಿದ ಹಾರ್ಮೋನ್‌ಗಳಲ್ಲಿ ಬದಲಾವಣೆ ಉಂಟಾಗಬಹುದು. ಇದರಿಂದ ಆಯಾಸ, ಕಿರಿಕಿರಿ ಹಾಗೂ ನಕಾರಾತ್ಮಕ ಆಲೋಚನೆಗಳು ಹೆಚ್ಚಾಗುವ ಸಾಧ್ಯತೆಯಿದೆ.
ಹಾರ್ಮೋನುಗಳ ಅಸಮತೋಲನ:
ರಾತ್ರಿ ತಡವಾಗಿ ನಿದ್ರೆ ಮಾಡುವ ಅಭ್ಯಾಸದಿಂದ ದೇಹದ ಚಯಾಪಚಯ ಪ್ರಕ್ರಿಯೆಗೆ ತೊಂದರೆಯಾಗಬಹುದು. ಇದರಿಂದ ಮಧುಮೇಹ ಹಾಗೂ ಹೃದಯ ಸಂಬಂಧಿತ ಸಮಸ್ಯೆಗಳ ಅಪಾಯ ಹೆಚ್ಚಾಗುವ ಸಾಧ್ಯತೆಯಿದೆ.
ಮೆದುಳಿನ ಕಾರ್ಯಕ್ಷಮತೆ ಕುಂಠಿತ:
ಸಾಕಷ್ಟು ನಿದ್ರೆ ಸಿಗದಿದ್ದರೆ ಮರುದಿನ ಏಕಾಗ್ರತೆಯ ಕೊರತೆ ಉಂಟಾಗಬಹುದು. ಜೊತೆಗೆ ನೆನಪಿನ ಶಕ್ತಿಯ ಮೇಲೂ ಪರಿಣಾಮ ಬೀರಬಹುದು.ಆರೋಗ್ಯಕರ ಜೀವನಶೈಲಿಗಾಗಿ ಪ್ರತಿದಿನ ನಿಯಮಿತ ಸಮಯಕ್ಕೆ ನಿದ್ರಿಸುವುದು ಬಹಳ ಮುಖ್ಯ. ಸಾಧ್ಯವಾದಷ್ಟು ರಾತ್ರಿ ತಡರಾತ್ರಿಯವರೆಗೆ ಗ್ಯಾಜೆಟ್‌ಗಳನ್ನು ಬಳಸುವುದನ್ನು ಮತ್ತು ಹೆಚ್ಚು ಪ್ರಕಾಶಮಾನವಾದ ಬೆಳಕಿಗೆ ಒಡ್ಡಿಕೊಳ್ಳುವುದನ್ನು ತಪ್ಪಿಸಿ, ಸಮಯಕ್ಕೆ ಸರಿಯಾಗಿ ನಿದ್ರಿಸುವ ಅಭ್ಯಾಸ ಬೆಳೆಸಿಕೊಳ್ಳಿ. ಇದರಿಂದ ದೇಹದ ಜೀವ ಗಡಿಯಾರ (ಸರ್ಕೇಡಿಯನ್ ರಿದಮ್) ಉತ್ತಮವಾಗಿ ಕಾರ್ಯನಿರ್ವಹಿಸಲು ಸಹಾಯವಾಗುತ್ತದೆ.
