ತಲೆ ಕೆಳಗಾಗಿ ನಿಂತ ವರ: ಹೊಸ ರೀತಿಯ ವೆಡ್ಡಿಂಗ್​ ಫೋಟೋ ಶೂಟ್…..​!

ಪ್ರೀ ವೆಡ್ಡಿಂಗ್ ಶೂಟ್​ಗಳು ಈಗ ಮಾಮೂಲು. ಆದರೆ ಇಲ್ಲೊಂದು ಜೋಡಿ ವಿಭಿನ್ನವಾಗಿ ಫೋಟೋಶೂಟ್​ ಮಾಡಿಸಿಕೊಂಡಿದೆ. ಅದೀಗ ಭಾರಿ ವೈರಲ್​ ಆಗಿದೆ.

ದೇವಾಲಯದ ಎದುರಿಗೆ ಈ ಜೋಡಿ ಶೂಟಿಂಗ್​ ಮಾಡಿಸಿಕೊಂಡಿದೆ. ವರ ತಲೆಕೆಳಗಾಗಿ ನಿಂತು ಯೋಗ ಮಾಡುತ್ತಿದ್ದರೆ, ವಧು ಭರತನಾಟ್ಯ ಶೈಲಿಯಲ್ಲಿ ಪೋಸ್​ ಕೊಟ್ಟಿದ್ದಾಳೆ. ಇಬ್ಬರೂ ವಧು-ವರರ ಡ್ರೆಸ್​ನಲ್ಲಿ ಇದ್ದಾರೆ. ಕೆಲ ಸೆಕೆಂಡುಗಳವರೆಗೆ ವರ ತಲೆ ಕೆಳಗಾಗಿ ನಿಂತುಕೊಂಡಿದ್ದು ನೆಟ್ಟಿಗರ ಗಮನ ಸೆಳೆಯುತ್ತಿದೆ.

ಇದು ಚೆನ್ನೈನಲ್ಲಿ ತೆಗೆಸಿರುವಂತೆ ಕಾಣುತ್ತದೆ. ಆದರೆ ಇದು ಪ್ರೀ ವೆಡ್ಡಿಂಗ್​ ಶೂಟ್​ ಎಂದು ಕೆಲವರು ಹೇಳುತ್ತಿದ್ದರೆ, ಮದುವೆಯಾದ ಮೇಲೆ ಜೋಡಿ ಹೊಸ ರೀತಿಯಲ್ಲಿ ಯೋಚನೆ ಮಾಡಿ ಫೋಟೋ ಶೂಟ್​ ಮಾಡಿಸಿಕೊಂಡಿರಬಹುದು ಎಂದು ಇನ್ನು ಕೆಲವರು ಹೇಳುತ್ತಿದ್ದಾರೆ. ಒಟ್ಟಿನಲ್ಲಿ ಜೋಡಿಯ ವಿಭಿನ್ನ ಆಲೋಚನೆಯಿಂದಾಗಿ ಈ ವಿಡಿಯೋ ಭಾರಿ ವೈರಲ್​ ಆಗುತ್ತಿದೆ.