ಕಳೆದ ವರ್ಷದಲ್ಲಿ ಕೇಂದ್ರ ಸರ್ಕಾರವು ಮೋರಿಸ್ ಗ್ಯಾರೇಜಸ್ ಸಹಭಾಗಿತ್ವದಲ್ಲಿ ದೆಹಲಿ ಹಾಗೂ ಆಗ್ರಾ ನಡುವಿನ ಇ ಹೈವೇ ಯಮುನಾ ಎಕ್ಸ್ಪ್ರೆಸ್ ವೇನ ಪ್ರಾಯೋಗಿಕ ಓಡಾಟ ನಡೆಸಿತ್ತು. ಯಮುನಾ ಎಕ್ಸ್ಪ್ರೆಸ್ ವೇನ ಪ್ರಾಯೋಗಿಕ ಚಾಲನೆಯು ಯಶಸ್ವಿಯಾಗಿದೆ. ಈ ಪ್ರಾಯೋಗಿಕ ಪರೀಕ್ಷೆಯಲ್ಲಿ ಚಾರ್ಜಿಂಗ್ ಮೂಲ ಸೌಕರ್ಯ ಹಾಗೂ ಪ್ರವಾಸಿ ಮಾರ್ಗದಲ್ಲಿ ರಸ್ತೆಯ ಬದಿಯ ಸಹಾಯ ಸೇವೆಗಳನ್ನು ಕೇಂದ್ರೀಕರಿಸಲಾಗಿತ್ತು.
ವರದಿಯ ಪ್ರಕಾರ ಕೇಂದ್ರ ಸರ್ಕಾರವು ಡಿಸೆಂಬರ್ 25ರ ಒಳಗಾಗಿ ಸಾರ್ವಜನಿಕರಿಗೆ ವಿದ್ಯುತ್ ಕಾರಿಡಾರ್ನ್ನು ಮುಕ್ತಗೊಳಿಸಲು ಯೋಚಿಸುತ್ತಿದೆ ಎನ್ನಲಾಗಿದೆ. ಅಂದಹಾಗೆ ಯಮುನಾ ಎಕ್ಸ್ಪ್ರೆಸ್ ವೇ ದೇಶದ ಮೊದಲ ಹಸಿರ ಕಾರಿಡಾರ್ ಆಗಿದೆ. ನೋಯ್ಡಾದಲ್ಲಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಶಿಲಾನ್ಯಾಸ ಕಾರ್ಯಕ್ರಮ ನೆರವೇರಿಸಿದ ಬಳಿಕ ಈ ಬೆಳವಣಿಗೆ ಸಂಭವಿಸಿದೆ. ಉತ್ತರ ಪ್ರದೇಶ ಸರ್ಕಾರವು ನೋಯ್ಡಾ ವಿಮಾನ ನಿಲ್ದಾಣದ ಮೂಲಕ ಅನೇಕ ನಗರಗಳನ್ನು ಸಂಪರ್ಕಿಸುವ ಯೋಜನೆ ಹೊಂದಿದೆ. ಹೀಗಾಗಿ ಯಮುನಾ ಎಕ್ಸ್ಪ್ರೆಸ್ ವೇ ಕಾರ್ಯಾರಂಭಕ್ಕೂ ತಯಾರಿ ನಡೆದಿದೆ ಎನ್ನಲಾಗಿದೆ.
ದೆಹಲಿ ಹಾಗೂ ಎನ್ಸಿಆರ್ ನಡುವಿನ ವಿದ್ಯುತ್ ಕಾರಿಡಾರ್ನಲ್ಲಿ ಸರ್ಕಾರ ಹಾಗೂ ಕಾರು ತಯಾಕರು ಬಹುಚಾರ್ಜಿಂಗ್ ಸ್ಟೇಷನ್ಗಳನ್ನು ಹೊಂದಿದ್ದಾರೆ. ಆಗ್ರಾದಲ್ಲಿ ಸೀಮಿತ ಚಾರ್ಜರ್ಗಳ ಸೇವೆ ಮಾತ್ರ ಇದೆ. ಇವುಗಳಲ್ಲಿ ಒಂದು ಎಂಜಿ ಮೋಟಾರ್ ಸ್ಥಾಪಿಸಿದೆ. ಸರ್ಕಾರಿ ಹಾಗೂ ಖಾಸಗಿ ಕಂಪನಿಗಳೂ ಇಲ್ಲಿ ಚಾರ್ಜಿಂಗ್ ಸ್ಟೇಷನ್ಗಳನ್ನು ಸ್ಥಾಪಿಸುತ್ತಿವೆ.
Loading ...