ಚರ್ಮದ ಮೇಲಿರುವ ಕೂದಲನ್ನ ತೆಗೆಯೋಕೆ ಹಲವಾರು ದಾರಿಗಳು ಇದ್ದರೂ ಸಹ ಬಹುತೇಕ ಮಹಿಳೆಯರೂ ವ್ಯಾಕ್ಸಿಂಗ್​ ವಿಧಾನವನ್ನೇ ಆಯ್ಕೆ ಮಾಡಿಕೊಳ್ತಾರೆ. ಉಳಿದ ಎಲ್ಲಾ ವಿಧಾನಗಳಿಗಿಂತ ಚರ್ಮದ ಆರೋಗ್ಯದ ದೃಷ್ಟಿಯಿಂದ ಈ ವಿಧಾನ ಹೆಚ್ಚು ಸೂಕ್ತ ಎಂಬ ಕಾರಣಕ್ಕೆ ಮಹಿಳೆಯರು ವ್ಯಾಕ್ಸಿಂಗ್​ ಮೊರೆ ಹೋಗುತ್ತಾರೆ. ಆದರೆ ಬಹುತೇಕ ಮಹಿಳೆಯರಿಗೆ ವ್ಯಾಕ್ಸಿಂಗ್​ ವೇಳೆ ಉಂಟಾಗುವ ನೋವನ್ನ ತಡೆದುಕೊಳ್ಳೋದೇ ಒಂದು ದೊಡ್ಡ ಸವಾಲಿನ ವಿಚಾರವಾಗಿದೆ. ಆದರೆ ಕೆಲವೊಂದು ಸುಲಭದ ವಿಧಾನಗಳನ್ನ ಅನುಸರಿಸೋದ್ರಿಂದ ವ್ಯಾಕ್ಸಿಂಗ್​ ವೇಳೆ ಉಂಟಾಗುವ ನೋವನ್ನ ಕಡಿಮೆ ಮಾಡಿಕೊಳ್ಳಬಹುದಾಗಿದೆ.

ಇದು ಬಹಳ ಸಣ್ಣ ಸಲಹೆ ಎನಿಸಬಹುದು. ಆದರೂ ಎಂದಿಗೂ ವ್ಯಾಕ್ಸಿಂಗ್​ ವೇಳೆ ಅನುಭವಿ ಪಾರ್ಲರ್​ಗಳನ್ನೇ ಆಯ್ಕೆ ಮಾಡಿಕೊಳ್ಳಿ. ಸರಿಯಾದ ವಿಧಾನದಲ್ಲಿ ವ್ಯಾಕ್ಸಿಂಗ್​ ಮಾಡಿದ್ರೆ ಯಮ ಯಾತನೆ ಎನಿಸುವಷ್ಟರ ಮಟ್ಟಿಗೆ ನೋವು ಉಂಟಾಗೋದಿಲ್ಲ.

ವ್ಯಾಕ್ಸಿಂಗ್​ ಮಾಡೋದಕ್ಕೂ ಮುನ್ನ ಬಾಡಿ ಸ್ಕ್ರಬ್​ ಮಾಡಿಕೊಳ್ಳೋದು ಒಳ್ಳೆಯ ಐಡಿಯಾ ಆಗಿದೆ. ಈ ರೀತಿ ಮಾಡೋದ್ರಿಂದ ನಿಮ್ಮ ಚರ್ಮಕ್ಕೆ ಅಂಟಿಕೊಂಡಿರುವ ಡೆಡ್​ ಸೆಲ್ಸ್ ನಾಶವಾಗಲಿದೆ. ಇದರಿಂದ ನಿಮಗೆ ನೋವು ಕಡಿಮೆಯಾಗಲಿದೆ.

ಟೋನರ್​​ಗಳನ್ನ ಬಳಕೆ ಮಾಡಬೇಡಿ. ಟೋನರ್​ಗಳಿಂದ ಕೂದಲು ಚರ್ಮವನ್ನ ಗಟ್ಟಿಯಾಗಿ ಹಿಡಿದುಕೊಳ್ಳುತ್ತೆ. ಇದರಿಂದಾಗಿ ಟೋನರ್​ ಬಳಕೆಯಿಂದ ನೋವು ಹೆಚ್ಚಾಗಲಿದೆ.

ಕೆಲವರು ವ್ಯಾಕ್ಸಿಂಗ್​ ಮಾಡೋದಕ್ಕೂ ಮುನ್ನ ಐಸ್​ನಿಂದ ಮಸಾಜ್​ ಮಾಡಿಕೊಳ್ತಾರೆ. ಇದರಿಂದ ನೋವು ಕಡಿಮೆಯಾಗುತ್ತೆ ಎಂದು ಹಲವರು ನಂಬಿದ್ದಾರೆ. ಆದರೆ ಐಸ್​ಗಳನ್ನ ಬಳಕೆ ಮಾಡೋದ್ರಿಂದ ನಿಮ್ಮ  ಚರ್ಮದ ರಂಧ್ರಗಳು ಟೈಟ್​ ಆಗುತ್ತವೆ. ಇದರಿಂದ ನೋವು ಹೆಚ್ಚಾಗುತ್ತದೆ.

ಇನ್ನು ಯಾವ ಜಾಗದಲ್ಲಿ ವ್ಯಾಕ್ಸಿಂಗ್​ ಮಾಡಿಕೊಳ್ತಾ ಇದ್ದೀರಿ ಅನ್ನೋದ್ರ ಬಗ್ಗೆಯೂ ಗಮನ ನೀಡಿ. ಉದಾಹರಣೆಗೆ ಗಾಯವಾದಲ್ಲಿ, ಬಿಸಿಲಿನ ಶಾಖ ಅತಿಯಾಗಿ ತಾಗಿದ ಜಾಗದಲ್ಲಿ, ಮೊಡವೆ ಮೂಡಿದಲ್ಲಿ ವ್ಯಾಕ್ಸ್​ ಮಾಡೋದು ಅತಿಯಾದ ನೋವಿಗೆ ಕಾರಣವಾಗುತ್ತೆ.