ಅಟ್ಲಾಂಟಿಕಾದ ಮಹಿಳೆಯೊಬ್ಬರು ನಿದ್ದೆ ಮಾಡಿ ಎದ್ದ ಬಳಿಕ ತಮ್ಮಿಂದ ಅನತಿ ದೂರದಲ್ಲೇ ಇದ್ದ ಭಯಾನಕ ಬೆಕ್ಕೊಂದನ್ನ ಕಂಡು ಶಾಕ್ ಆಗಿದ್ದಾರೆ.
ಕ್ರಿಸ್ಟೀನ್ ಫ್ರ್ಯಾಂಕ್ ಎಂಬವರು ಬುಧವಾರ ಬೆಳಗ್ಗೆ ನಿದ್ದೆಯಿಂದ ಎಚ್ಚರಗೊಳ್ಳುತ್ತಿದ್ದಂತೆಯೇ ಶಾಕ್ಗೊಳಗಾದ್ರು. ಏಕೆಂದರೆ ಅವರ ಮುಖದಿಂದ ಕೆಲವೇ ಇಂಚುಗಳ ದೂರದಲ್ಲಿ ಆಫ್ರಿಕಾ ಮೂಲದ ಕಾಡು ಬೆಕ್ಕೊಂದು ಕುಳಿತಿತ್ತು.
ಶ್ವಾನವನ್ನ ವಿಹಾರಕ್ಕೆ ಕರೆದುಕೊಂಡು ಹೋಗಲು ಮಹಿಳೆ ಪತಿ ಬಾಗಿಲು ತೆರೆದಿದ್ದ ವೇಳೆಯಲ್ಲಿ ಈ ಬೆಕ್ಕು ಮನೆ ಒಳಕ್ಕೆ ಪ್ರವೇಶಿಸಿದೆ ಎಂದು ಮಹಿಳೆ ಹೇಳಿದ್ದಾರೆ. ತಾನು ಕಣ್ಣು ಬಿಡುವ ವೇಳೆಯಲ್ಲಿ ಈ ಕಾಡು ಬೆಕ್ಕು ನನ್ನ ಮುಖದಿಂದ ಕೇವಲ 6 ಇಂಚು ದೂರದಲ್ಲಿ ಇತ್ತು ಎಂದು ಅವರು ಹೇಳಿದ್ರು.
ಶಾಕ್ನಿಂದ ಹೇಗೋ ಸುಧಾರಿಸಿಕೊಂಡ ಕ್ರಿಸ್ಟೀನ್ ಹಾಗೂ ಆಕೆಯ ಪತಿ ಸ್ನಾನಗೃಹದ ಬಾಗಿಲನ್ನ ತೆರೆಯುವ ಮೂಲಕ ಕಾಡು ಬೆಕ್ಕಿಗೆ ಹೊರ ಹೋಗಲು ಅವಕಾಶ ಮಾಡಿಕೊಟ್ಟರು. ಅಲ್ಲಿಯವರೆಗೂ ಇದು ಚಿರತೆ ಆಗಿರಬಹುದೇ ಎಂಬ ಭಯ ಕೂಡ ಈ ದಂಪತಿಯನ್ನ ಆವರಿಸಿತ್ತು.
ನನಗೆ ಇದು ಸಾಮಾನ್ಯ ಬೆಕ್ಕೋ…? ಅಥವಾ ಚಿರತೆಯೋ..? ಅನ್ನೋದೇ ಗೊಂದಲವಾಗಿತ್ತು. ಹೀಗಾಗಿ ನಾನು ಭಯಗೊಂಡಿದ್ದೆ ಎಂದು ಕ್ರಿಸ್ಟೀನ್ ಹೇಳಿದ್ದಾರೆ.
Loading ...