ಸ್ವಿಗ್ಗಿಯ ಎಕ್ಸ್‌ಪ್ರೆಸ್ ಕಿರಾಣಿ ವಿತರಣಾ ವೇದಿಕೆ ಇನ್ಸ್ಟಾಮಾರ್ಟ್ನಿಂದ ಸ್ಯಾನಿಟರಿ ಪ್ಯಾಡ್ ಆರ್ಡರ್ ಮಾಡಿದಾಗ ಅದರ ಜೊತೆ ತಮಗೆ ಚಾಕಲೇಟ್ ಕೂಡ ಬಂದಿರುವುದಾಗಿ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿಕೊಂಡಿದ್ದು, ಅದೀಗ ವೈರಲ್ ಆಗಿದೆ. ಸ್ಯಾನಿಟರಿ ಪ್ಯಾಡ್‌ಗಳನ್ನು ಆರ್ಡರ್ ಮಾಡಿದ ನಂತರ ಆರ್ಡರ್‌ನೊಂದಿಗೆ ಕೆಲವು ಚಾಕೊಲೇಟ್ ಕುಕೀಗಳನ್ನು ಸ್ವೀಕರಿಸಿದ ನಂತರ ಆಶ್ಚರ್ಯಚಕಿತರಾಗಿರುವುದಾಗಿ ಅವರು ಬರೆದುಕೊಂಡಿದ್ದಾರೆ.
ಸಮೀರಾ ಎನ್ನುವವರು ತಮ್ಮ ಅನುಭವವನ್ನು ಮೈಕ್ರೋ ಬ್ಲಾಗಿಂಗ್ ಸೈಟ್ ಟ್ವಿಟರ್‌ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಸ್ಯಾನಿಟರಿ ಪ್ಯಾಡ್‌ಗಳನ್ನು ಆರ್ಡರ್ ಮಾಡಿದ್ದೆ, ಅದರ ಜೊತೆಗೆ ಚಾಕೊಲೇಟ್ ಕುಕೀಗಳೂ ಇದ್ದವು. ನನಗೆ ತುಂಬಾ ಸಂತೋಷವಾಯಿತು. ಇದನ್ನು ಸ್ವಿಗ್ಗಿಯವರು ಕೊಟ್ಟಿದ್ದಾ ಅಥವಾ ಅಂಗಡಿಯವರೋ ಎಂದು ತಿಳಿದಿಲ್ಲ ಎಂದಿದ್ದಾರೆ.
ಅದಕ್ಕೆ ಬಳಕೆದಾರರು ಕಮೆಂಟ್ ಮಾಡಿದ್ದು, ಸ್ವಿಗ್ಗಿ ತನ್ನ ಪ್ರಮೋಷನ್ಗಾಗಿ ಹೀಗೆ ಬೇರೆ ಬೇರೆ ವಸ್ತುಗಳನ್ನು ಕೊಡುತ್ತಿದೆ ಎಂದು ಬರೆದುಕೊಂಡಿದ್ದಾರೆ. ಹೀಗೆ ಸುದ್ದಿಯನ್ನು ವೈರಲ್ ಮಾಡಿದರೆ ಮತ್ತಷ್ಟು ಪ್ರಚಾರ ಸಿಕ್ಕು ಹೆಚ್ಚು ಜನರು ಸ್ವಿಗ್ಗಿಯಿಂದ ಸಾಮಾನುಗಳನ್ನು ಆರ್ಡರ್ ಮಾಡಲಿ ಎನ್ನುವ ಕಾರಣಕ್ಕೆ ಹೀಗೆ ಚಿಕ್ಕಪುಟ್ಟ ಗಿಫ್ಟ್ ನೀಡುವುದು ಮಾಮೂಲು ಎಂದು ಹೇಳಿದ್ದಾರೆ.
Loading ...