ಪ್ರಗ್ನೆನ್ಸಿ ಪತ್ತೆ ಹಚ್ಚಿದ ಆಪಲ್‌ ವಾಚ್…! ರೆಡ್ಡಿಟ್‌ ನಲ್ಲಿ ವಿವರ ಹಂಚಿಕೊಂಡ ಮಹಿಳೆ

ಈಕೆಯ ಕಥೆ ವಿಲಕ್ಷಣ ಎನಿಸಿದರೂ ಆಸಕ್ತಿದಾಯಕವಾಗಿ ಕಾಣಿಸಿದೆ. ಆಪಲ್​ ವಾಚ್​ಗಳು ಜೀವ ರಕ್ಷಕಗಳಾಗಿ ಮಾರ್ಪಟ್ಟ ವಿವಿಧ ಘಟನೆಗಳು ನಡೆದಿವೆ. ಸ್ಮಾರ್ಟ್​ ವಾಚ್​ಗಳಂತಹ ಗ್ಯಾಜೆಟ್​ಗಳು ಅನೇಕರಿಗೆ ಆಮ್ಲಜನಕದ ಮಟ್ಟ, ಹೃದಯ ಬಡಿತ, ರಕ್ತದೊತ್ತಡ ಮತ್ತು ಇತರ ಮಾಹಿತಿ ಪತ್ತೆಹಚ್ಚಲು ಸಹಾಯ ಮಾಡಿದೆ. ಪ್ರೆಗ್ನೆನ್ಸಿ ಪತ್ತೆ ಹಚ್ಚಿರುವುದು ಇದೇ ಮೊದಲಿರಬಹುದು.

ರೆಡ್ಡಿಟ್​ನಲ್ಲಿ ಆಪಲ್​ ವಾಚ್​ನ ಕುರಿತು ಈ ಅದ್ಭುತ ವೈಶಿಷ್ಟ್ಯವನ್ನು ಪೋಸ್ಟ್​ ಮಾಡಿದ ಮಹಿಳೆ, ತನ್ನ ಹೃದಯ ಬಡಿತವು ಸಾಮಾನ್ಯವಾಗಿ 57 ರಷ್ಟಿದೆ, ಆದರೆ ಒಂದು ದಿನ ಹೃದಯ ಬಡಿತದಲ್ಲಿ 72 ಕ್ಕೆ ಏರಿಕೆಯಾಗಿದೆ ಎಂದು ಆಪಲ್​ ವಾಚ್​ನಲ್ಲಿ ಕಾಣಿಸಿತು. ಇದು ಸುಮಾರು 15 ದಿನಗಳವರೆಗೆ ಹೆಚ್ಚಿಸಲ್ಪಟ್ಟಿತು. ಸ್ವಲ್ಪ ಚಿಂತೆಯನ್ನೂ ಉಂಟುಮಾಡಿತು. ಈ ಹೆಚ್ಚಿದ ಹೃದಯ ಬಡಿತದ ಹಿಂದೆ ಸಂಭವನೀಯ ಕಾರಣಗಳನ್ನು ಹುಡುಕಲು ಪ್ರಾರಂಭಿಸಿದ್ದಾಗಿ ತಿಳಿಸಿದ್ದಾರೆ.

ಆಕೆಯ ಹೃದಯ ಬಡಿತದಲ್ಲಿ ಏರುಪೇರು ಉಂಟಾಗುತ್ತಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ಅವಳು ಇಸಿಜಿ ಪರೀಕ್ಷೆಯನ್ನು ಮಾಡಿಸಿಕೊಂಡಳು. ಆದರೆ ಅದು ನಕಾರಾತ್ಮಕವಾಗಿ ಹೊರಹೊಮ್ಮಿತು. ಬಳಿಕ ಆನ್​ಲೈನ್​ನಲ್ಲಿ ಸಂಶೋಧನೆ ಮಾಡಲು ಪ್ರಾರಂಭಿಸಿದಾಗ ಆರಂಭಿಕ ಗರ್ಭಾವಸ್ಥೆಯು ಹೃದಯ ಬಡಿತವನ್ನು ಹೆಚ್ಚಿಸಬಹುದು ಎಂದು ಅರಿತರು.

ಬಳಿಕ ಗರ್ಭಧಾರಣೆಯ ಪರೀಕ್ಷೆಗೊಳಪಟ್ಟು ಪರೀಕ್ಷೆಯ ಫಲಿತಾಂಶಗಳನ್ನು ದೃಢೀಕರಿಸಲು ತನ್ನ ವೈದ್ಯರ ಬಳಿಗೆ ಹೋದಾಗ ಪಾಸಿಟಿವ್​ ಎಂಬುದು ಖಚಿತವಾಗಿತ್ತು. ಆಕೆ ನಾಲ್ಕು ವಾರಗಳ ಗರ್ಭಿಣಿಯಾಗಿದ್ದಳು.

ಆಕೆಯ ಆಪಲ್​ ವಾಚ್​ ದೇಹದಲ್ಲಾದ ಅಸಾಮಾನ್ಯ ಬದಲಾವಣೆ ಬಗ್ಗೆ ಎಚ್ಚರಿಸಿತು, ಅದು ಅವಳನ್ನು ಪರೀಕ್ಷೆಗೆ ಒಳಪಡಿಸುವಂತೆ ಮಾಡಿತು ಎಂಬುದು ಉಲ್ಲೇಖಾರ್ಹ ಅಂಶ.

ವೈದ್ಯರ ದೃಢೀಕರಣದ ನಂತರ ಆಕೆ ತನ್ನ ಆಪಲ್​ ವಾಚ್​ ತನ್ನ ಗರ್ಭಾವಸ್ಥೆಯನ್ನು ಪತ್ತೆಹಚ್ಚಲು ಕಾರಣದ ಕ್ರೆಡಿಟ್​ಗಳನ್ನು ನೀಡಿದಳು.

ಸ್ಮಾರ್ಟ್​ ವಾಚ್​ಗಳು ಹೃದಯ ಬಡಿತದ ಹೊರತಾಗಿ ಸ್ಮಾರ್ಟ್​ ವಾಚ್​ ಇಸಿಜಿ, ಆಕ್ಸಿಮೀಟರ್​, ಋತುಚಕ್ರ, ಹೃದಯ ಬಡಿತ ಮತ್ತು ಇತರ ಮೇಲ್ವಿಚಾರಣೆ ಮಾಡುವಂತಹ ವೈಶಿಷ್ಟ್ಯಗಳನ್ನು ಸಹ ಒದಗಿಸುತ್ತದೆ.