ನವದೆಹಲಿ: ಐಟಿ ದಿಗ್ಗಜ ವಿಪ್ರೋ ಕಂಪೆನಿಯು ಅಮೆರಿಕದ ಫ್ಲೋರಿಡಾದಲ್ಲಿ ಕನಿಷ್ಠ 120 ಉದ್ಯೋಗಿಗಳನ್ನು ವಜಾಗೊಳಿಸಿದೆ. ಫ್ಲೋರಿಡಾ ಡಿಪಾರ್ಟ್‌ಮೆಂಟ್ ಆಫ್ ಎಕನಾಮಿಕ್ ಆಪರ್ಚುನಿಟಿಯಲ್ಲಿ ಸಲ್ಲಿಸಲಾದ ವರ್ಕರ್ ಅಡ್ಜಸ್ಟ್‌ಮೆಂಟ್ ಮತ್ತು ರೀಟ್ರೇನಿಂಗ್ ನೋಟಿಫಿಕೇಶನ್ (WARN) ಸೂಚನೆಯಲ್ಲಿ ಈ ವಜಾಗೊಳಿಸುವಿಕೆಯನ್ನು ವಿವರಿಸಲಾಗಿದೆ.
ಇವರ ಪೈಕಿ 100ಕ್ಕೂ ಹೆಚ್ಚು ಉದ್ಯೋಗಿಗಳು ಸಂಸ್ಕರಣಾ ಏಜೆಂಟ್‌ಗಳಾಗಿದ್ದಾರೆ. ಉಳಿದವರು ತಂಡದ ನಾಯಕರು ಮತ್ತು ತಂಡದ ವ್ಯವಸ್ಥಾಪಕರು ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
‘ಗ್ರಾಹಕರಿಗೆ ಇದರ ಮೇಲೆ ಯಾವುದೇ ಪರಿಣಾಮ ಆಗುವುದಿಲ್ಲ. ಹೆಚ್ಚುವರಿಯಾಗಿ ಇದ್ದ ನೌಕರರನ್ನು ವಜಾಗೊಳಿಸಲಾಗಿದೆಯಷ್ಟೇ ಎಂದು ಸಂಸ್ಥೆ ಹೇಳಿದೆ.
ವಿಪ್ರೋ ಯುನೈಟೆಡ್ ಸ್ಟೇಟ್ಸ್, ಕೆನಡಾ, ಮತ್ತು LATAM (ಮೆಕ್ಸಿಕೋ ಮತ್ತು ಬ್ರೆಜಿಲ್) ನಾದ್ಯಂತ ಸುಮಾರು 20,500 ಉದ್ಯೋಗಿಗಳನ್ನು ಹೊಂದಿದೆ. ಭಾರತದಲ್ಲಿ, ಆಂತರಿಕ ಮೌಲ್ಯಮಾಪನ ಪರೀಕ್ಷೆಗಳಲ್ಲಿ ಕಳಪೆ ಕಾರ್ಯಕ್ಷಮತೆಗಾಗಿ ವಿಪ್ರೋ ಜನವರಿಯಲ್ಲಿ 400 ಕ್ಕೂ ಹೆಚ್ಚು ಹೊಸ ಉದ್ಯೋಗಿಗಳನ್ನು ವಜಾಗೊಳಿಸಿತ್ತು.
Loading ...