ಜೇನು ಸವಿಯಲು ನೀರಿನ ಟ್ಯಾಂಕ್​ ಏರಿದ ಕರಡಿ

ಜೇನುಗೂಡಲ್ಲಿ ಸಂಗ್ರಹವಾಗಿರುವ ಸವಿಯಾದ ಜೇನುತುಪ್ಪವನ್ನು ತಿನ್ನಲು ಕರಡಿಗಳು ಬಹಳ ಇಷ್ಟಪಡುತ್ತವೆ ಎಂಬುದು ಗೊತ್ತಿರುವ ವಿಚಾರ. ಇಲ್ಲೊಂದು ಕರಡಿ ಎತ್ತರದ ನೀರಿನ ತೊಟ್ಟಿಯ ಮೆಟ್ಟಿಲು ಹತ್ತಿ ಜೇನು ಸವಿಯಲು ಪರದಾಡಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಈ ವಿಡಿಯೋ ಕ್ಲಿಪ್​ ಅನ್ನು ಭಾರತೀಯ ಅರಣ್ಯ ಸೇವೆ ಅಧಿಕಾರಿ ಸುಸಂತ ನಂದಾ ಅವರು ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದಾರೆ. ವೀಡಿಯೊಗೆ ಸೂಕ್ತವಾಗಿ ಶೀರ್ಷಿಕೆ ಸಹ ನೀಡಿದ್ದಾರೆ.

ವೀಡಿಯೊದಲ್ಲಿ, ದೊಡ್ಡ ಕರಡಿಗಳ ಜೋಡಿಯು ತಮ್ಮ ನೆಚ್ಚಿನ ಆಹಾರ ಜೇನು ಹುಡುಕಿ ಅಂಕುಡೊಂಕಾದ ನೀರಿನ ಟ್ಯಾಂಕ್​ ಮೆಟ್ಟಿಲನ್ನು ಹತ್ತುತ್ತಿರುವುದನ್ನು ಕಾಣಬಹುದು. ಒಂದು ಕರಡಿ ಮೆಟ್ಟಿಲುಗಳ ತಳದಲ್ಲಿರುವ ಜೇನುಗೂಡಿನ ಬಳಿ ತಲುಪಲು ತನ್ನ ಪಂಜಗಳನ್ನು ವಿಸ್ತರಿಸಿದರೆ ಇನ್ನೊಂದು ಮೆಟ್ಟಿಲುಗಳ ಮೂಲಕ ಟ್ಯಾಂಕ್​ ತುದಿಯನ್ನು ತಲುಪಿತು.

ನೆಟ್ಟಿಗರು ವೀಡಿಯೊವನ್ನು ನೋಡಿ ಆಶ್ಚರ್ಯಪಟ್ಟಿದ್ದಾರೆ. ಈ ವೀಡಿಯೊವನ್ನು ರೆಕಾರ್ಡ್​ ಮಾಡಿದ ವ್ಯಕ್ತಿಗೆ ಹ್ಯಾಟ್ಸ್ ಆಫ್​ ​ ಎಂದು ಒಬ್ಬರು ಕಮೆಂಟ್​ ಮಾಡಿದರೆ ಮತ್ತೊಬ್ಬರು ಪ್ರಕೃತಿ ವೆೈಬ್ಸ್​ ಯಾವಾಗಲೂ ಉತ್ತಮವಾಗಿರುತ್ತದೆ ಎಂದು ಬರೆದಿದ್ದಾರೆ.