ಕೇಳಿ ಅರಿಯದ ಅದೆಷ್ಟೋ ಕಾಯಿಲೆಗಳಿವೆ. ಅಂಥದ್ದರಲ್ಲಿ ಒಂದು ಸ್ಟಿಫ್ ಪರ್ಸನ್ ಸಿಂಡ್ರೋಮ್. ಇತ್ತೀಚೆಗೆ ಹಾಲಿವುಡ್ ಸಿನಿಮಾ ‘ಟೈಟಾನಿಕ್’ನ ಖ್ಯಾತ ಗಾಯಕಿ ಸೆಲಿನ್ ಡಿಯೋನ್ (52) ತಮಗೆ ಬಂದಿರುವ ಈ ಕಾಯಿಲೆ ಕುರಿತು ಹೇಳಿಕೊಂಡಿದ್ದರಿಂದ ಅದೀಗ ಮುನ್ನೆಲೆಗೆ ಬಂದಿದೆ.
ಇನ್ಸ್ಟಾಗ್ರಾಮ್ನಲ್ಲಿ ಅವರು ಈ ಮಾಹಿತಿ ಶೇರ್ ಮಾಡಿದ್ದಾರೆ. ತಮ್ಮ ಆರೋಗ್ಯ ಹದಗೆಟ್ಟ ಕಾರಣ, ಅನೇಕ ಸಂಗೀತ ಕಚೇರಿಗಳನ್ನು ರದ್ದುಗೊಳಿಸಬೇಕಾಯಿತು ಎಂದು ಅವರು ಹೇಳಿದ್ದಾರೆ. ನಡೆದುಕೊಂಡು ಹೋಗಲು, ರಸ್ತೆ ದಾಟಲು ಕೂಡ ತಮಗೆ ಭಯವಾಗುತ್ತಿದೆ ಎಂದಿದ್ದಾರೆ.
ಇದು ಅಪರೂಪದ ಮತ್ತು ಗುಣಪಡಿಸಲಾಗದ ನರವೈಜ್ಞಾನಿಕ ಕಾಯಿಲೆಯಾಗಿದ್ದು ಅದು ವ್ಯಕ್ತಿಯನ್ನು ದುರ್ಬಲಗೊಳಿಸುವ ಸ್ನಾಯು ಸೆಳೆತವನ್ನು ಉಂಟುಮಾಡುತ್ತದೆ ಎಂದು ಅವರು ಹೇಳಿದ್ದಾರೆ.
ಸ್ಟಿಫ್ ಪರ್ಸನ್ ಸಿಂಡ್ರೋಮ್ ಫೌಂಡೇಶನ್ ಪ್ರಕಾರ, ಈ ಅಸ್ವಸ್ಥತೆಯು ಕೇಂದ್ರ ನರಮಂಡಲದ ಮೇಲೆ, ವಿಶೇಷವಾಗಿ ಮೆದುಳು ಮತ್ತು ಬೆನ್ನುಹುರಿ ಪರಿಣಾಮ ಬೀರುತ್ತದೆ. ಈ ರೋಗವು ರೋಗಿಯನ್ನು ಅಂಗವಿಕಲರನ್ನಾಗಿ ಮಾಡಬಹುದು, ವೀಲ್‌ಚೇರ್ ಮೇಲೆ ಅವಲಂಬಿತರಾಗವಂತೆ ಮಾಡಬಹುದು ಅಥವಾ ಸಂಪೂರ್ಣವಾಗಿ ಹಾಸಿಗೆ ಹಿಡಿಯಬಹುದು. ಅವರಿಗೆ ಕೆಲಸ ಮಾಡಲು ಕಷ್ಟವಾಗಬಹುದು, ಹಾಗೆಯೇ ತಮ್ಮನ್ನು ತಾವು ಕಾಳಜಿ ವಹಿಸಲು ಸಮರ್ಥರಾಗಿರುವುದಿಲ್ಲ.
ಇದು ಉಂಟಾಗಲು ಇಂಥದ್ದೇ ಕಾರಣ ಎಂದು ಹೇಳಲಾಗದಿದ್ದರೂ ಆಹಾರ ಕ್ರಮಗಳ ಮೇಲೆ ನಿಗಾ ವಹಿಸಬೇಕು, ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳಬೇಕು ಎಂದು ವೈದ್ಯರು ಹೇಳುತ್ತಾರೆ. ಇನ್ನು ಇವುಗಳ ಲಕ್ಷಣಗಳ ಬಗ್ಗೆ ಹೇಳುವುದಾದರೆ, ರೋಗಿಯ ನಿಮ್ಮ ಮುಂಡ ಮತ್ತು ಕಿಬ್ಬೊಟ್ಟೆಯ ಸ್ನಾಯುಗಳ ಮೇಲೆ ಸಾಮಾನ್ಯವಾಗಿ ಪರಿಣಾಮ ಬೀರುತ್ತವೆ.
ಆರಂಭದಲ್ಲಿ, ಸ್ನಾಯುಗಳ ಬಿಗಿತವು ಆಗಾಗ ಬರುತ್ತದೆ, ಆದರೆ ನಂತರ ಈ ಬಿಗಿತವು ನಿರಂತರವಾಗಿರುತ್ತದೆ. ಕಾಲಾನಂತರದಲ್ಲಿ, ಕಾಲುಗಳ ಸ್ನಾಯುಗಳು ಗಟ್ಟಿಯಾಗುತ್ತವೆ, ನಂತರ ಕೈ ಮತ್ತು ಮುಖದ ಸ್ನಾಯುಗಳು ಸಹ ಗಟ್ಟಿಯಾಗುತ್ತವೆ. ಚಿಕಿತ್ಸೆಯಿಂದ ಈ ಲಕ್ಷಣಗಳನ್ನು ಕಡಿಮೆ ಮಾಡಬಹುದು ಎನ್ನಲಾಗಿದೆ.
Loading ...