ವಾಟ್ಸಾಪ್ ನಲ್ಲಿ ಮತ್ತೊಂದು ಹೊಸ ಫೀಚರ್; ವಿಂಡೋಸ್ ನಲ್ಲಿ 32 ಜನರೊಂದಿಗೆ ವಿಡಿಯೋ ಕಾಲ್

ಮೆಟಾ ಒಡೆತನದ ತ್ವರಿತ ಸಂದೇಶ ಸೇವೆ ವಾಟ್ಸಾಪ್ ಬಳಕೆದಾರರಿಗಾಗಿ ಹೊಸದೊಂದು ಫೀಚರ್ ಬಿಡುಗಡೆ ಮಾಡುತ್ತಿದೆ ಎಂದು ವರದಿಯಾಗಿದೆ. ಒಂದೇ ಸಮಯದಲ್ಲಿ ವೇಗ ಮತ್ತು ಸುಧಾರಿತ ಕರೆಗಳೊಂದಿಗೆ ವಿಂಡೋಸ್ ನಲ್ಲಿ 32 ಜನರೊಂದಿಗೆ ಒಟ್ಟಿಗೆ ವೀಡಿಯೊ ಕಾಲ್ ಮಾಡಲು ಸಾಧ್ಯವಾಗಲಿದೆ. WABetainfo ಒದಗಿಸಿದ ಸ್ಕ್ರೀನ್‌ಶಾಟ್ ಪ್ರಕಾರ ಆಯ್ದ ಬೀಟಾ ಪರೀಕ್ಷಕರು ತಮ್ಮ ಗ್ರೂಪ್ ಗಳಿಗೆ ಕರೆ ಮಾಡಲು ಪ್ರಯತ್ನಿಸಲು ಕೇಳುವ ಸಂದೇಶವನ್ನು ತೋರಿಸಿದೆ.

ವಿಂಡೋಸ್ ಪ್ರೋಗ್ರಾಂನಿಂದ ನೇರವಾಗಿ 32 ವ್ಯಕ್ತಿಗಳು ಮತ್ತು ಗುಂಪುಗಳಿಗೆ ವೀಡಿಯೊ ಕರೆಗಳನ್ನು ಮಾಡುವ ಸಾಮರ್ಥ್ಯವನ್ನು WABetainfo ಹೇಳಿಕೆ ನಿರ್ದಿಷ್ಟವಾಗಿ ಉಲ್ಲೇಖಿಸಿದೆ. ಈ ಹಿಂದೆ 32 ವ್ಯಕ್ತಿಗಳೊಂದಿಗೆ ಆಡಿಯೊ ಕರೆಗಳನ್ನು ಮಾಡಲು ಸಾಧ್ಯವಿತ್ತು. ಆದರೆ ಇತ್ತೀಚಿನ ಅಪ್‌ಗ್ರೇಡ್‌ನ ಪ್ರಕಾರ ಕೆಲವು ಬಳಕೆದಾರರು ಈಗ 32 ಜನರೊಂದಿಗೆ ವೀಡಿಯೊ ಕಾಲ್ ಮಾಡಬಹುದಾಗಿದೆ.

ಮೈಕ್ರೋಸಾಫ್ಟ್ ಸ್ಟೋರ್‌ನಿಂದ ವಿಂಡೋಸ್ ಅಪ್‌ಡೇಟ್‌ಗಾಗಿ ಇತ್ತೀಚಿನ ವಾಟ್ಸಾಪ್ ಬೀಟಾವನ್ನು ಸ್ಥಾಪಿಸಿದ ನಂತರ ಕೆಲವು ಬೀಟಾ ಪರೀಕ್ಷಕರು ಈಗ 32 ಜನರೊಂದಿಗೆ ವೀಡಿಯೊ ಚಾಟ್ ಮಾಡುವ ಆಯ್ಕೆಯನ್ನು ಹೊಂದಿದ್ದಾರೆ.