ಪಾನ್ ಮಸಾಲಾ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿರುವ ಬಗ್ಗೆ ಬಾಲಿವುಡ್ ನಟ ಅಮಿತಾಬಚ್ಚನ್‌ ರನ್ನು ಅಭಿಮಾನಿಯೊಬ್ಬ ಪ್ರಶ್ನಿಸಿದ್ದು, ಅದಕ್ಕೆ ಬಿಗ್ ಬಿ ಕೊಟ್ಟ ಉತ್ತರ ಬಹಳ ಇಂಟರೆಸ್ಟಿಂಗ್ ಆಗಿದೆ.
ಅಮಿತಾಬ್‌ರ ಇತ್ತೀಚಿನ ಫೇಸ್ಬುಕ್ ಪೋಸ್ಟ್‌ ಒಂದರ ಕಾಮೆಂಟ್ ವಿಭಾಗದಲ್ಲಿ ಕಾಮೆಂಟ್ ಮಾಡಿದ್ದ ಅಭಿಮಾನಿಯೊಬ್ಬರು, “ನಾನು ನಿಮಗೆ ಒಂದು ಪ್ರಶ್ನೆ ಕೇಳಲು ಇಚ್ಛಿಸುತ್ತೇನೆ. ಕಮಲಾ ಪಸಂದ್ ಪಾನ್ ಮಸಾಲಾದಂಥ ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳುವಂತೆ ನಿಮಗೆ ಪ್ರೇರೇಪಣೆ ಕೊಟ್ಟಿದ್ದೇನು ? ಹೀಗಾದಲ್ಲಿ ನಿಮಗೂ ಇತರರಿಗೆ ವ್ಯತ್ಯಾಸವೇನು ?” ಎಂದು ಪ್ರಶ್ನಿಸಿದ್ದಾರೆ.
ಮನಮೋಹನ್ ಸಿಂಗ್ ಅವಧಿಯಲ್ಲಿ ತೈಲಬೆಲೆ ಏರಿಕೆ ಟೀಕಿಸಿದ್ದ ಬಿಗ್-ಬಿ, ಅಕ್ಷಯ್ ಕುಮಾರ್ ಈಗ ಮೌನವಾಗಿರುವುದೇಕೆ…? ‘ಮಹಾ’ ಕಾಂಗ್ರೆಸ್ಸಿಗನ ಪ್ರಶ್ನೆ
ಇದಕ್ಕೆ ಪ್ರತಿಕ್ರಿಯಿಸಿದ ಅಮಿತಾಭ್, “ಒಂದು ಉದ್ಯಮ/ವೃತ್ತಿ ಇತರರಿಗೆ ಒಳಿತು ಮಾಡುತ್ತಿದ್ದರೆ ನಾವೇಕೆ ಅದರೊಂದಿಗೆ ಕೈಜೋಡಿಸಬಾರದು. ಹೌದು, ಇದೊಂದು ಉದ್ಯಮವಾದ ಕಾರಣ ನಮ್ಮ ವೃತ್ತಿಗೆ ಇದು ಹೇಗೆ ಸಂಬಂಧಿಸುತ್ತದೆ ಎಂದು ನಾವು ಚಿಂತಿಸಬೇಕು. ಹೌದು, ನನಗೆ ಈ ಜಾಹೀರಾತುಗಳಿಗೆ ದುಡ್ಡು ಬರುತ್ತದೆ. ಆದರೆ ಈ ಉದ್ಯಮದಿಂದ ಎಷ್ಟೆಲ್ಲಾ ಮಂದಿಗೆ ಪ್ರಯೋಜವಾಗುತ್ತಿದೆ ಎಂಬುದನ್ನೂ ನಾವು ನೋಡಬೇಕಿದೆ” ಎಂದಿದ್ದಾರೆ.
ಬಿಗ್ ಬಿ ರ ಈ ಜಾಣ ಉತ್ತರಕ್ಕೆ ಬಹಳಷ್ಟು ಲೈಕ್ಸ್‌ಗಳು ಬಂದಿವೆ. ಬಿಗ್ ಬಿ ಸೇರಿದಂತೆ ಅನೇಕ ಚಿತ್ರ ನಟರು ಪಾನ್ ಮಸಾಲ, ಆನ್ ಲೈನ್ ಗ್ಯಾಂಬ್ಲಿಂಗ್ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಾಗ ಅವರ ಅಭಿಮಾನಿಗಳು ಜಾಲತಾಣದಲ್ಲಿ ನೇರವಾಗಿ ಪ್ರಶ್ನಿಸುವುದು ಸಾಮಾನ್ಯವಾಗಿದೆ. ಕೆಲವು ನಟರು ಇಂತಹ ಪ್ರಶ್ನೆಗಳನ್ನು ತೆಗೆದುಕೊಳ್ಳುವ ಗೋಜಿಗೆ ಹೋಗುವುದೇ ಇಲ್ಲ.
Loading ...