ಜೀವನದಲ್ಲಿ ಯಶಸ್ವಿಯಾಗಲು ಅನುಸರಿಸಬೇಕಾದ ನಿಯಮ ಕುರಿತು ಹೀಗಿದೆ ವಿಶ್ವದ ಶ್ರೀಮಂತನ ಸಲಹೆ

ಸ್ಪೇಸ್‌ಎಕ್ಸ್ ಮತ್ತು ಟೆಸ್ಲಾದ ಸಿಇಒ ಇಲೋನ್ ಮಸ್ಕ್ ಕೋವಿಡ್ ಸಮಯದಲ್ಲು ತಮ್ಮ ಸಂಪತ್ತನ್ನ 924% ರಷ್ಟು ಬೆಳೆಸಿದ್ದಾರೆ. ವಿಶ್ವದ ಶ್ರೀಮಂತ ವ್ಯಕ್ತಿಗಳಲ್ಲಿ ಇವರು ಒಬ್ಬರು. ಹಾಗಾದ್ರೆ ಇವರಂತೆ ಯಶಸ್ಸು ಕಾಣಲು ಯಾವ ನಿಯಮಗಳನ್ನ ಅನುಸರಿಬೇಕು, ಜೀವನವನ್ನ ಹೇಗೆ ಸಾಗಿಸಬೇಕು..? ಈ ಪ್ರಶ್ನೆಗಳಿಗೆ ಸ್ವತಃ ಎಲಾನ್ ಮಸ್ಕ್ ಉತ್ತರ ಕೊಟ್ಟಿದ್ದಾರೆ. ಜೀವನದಲ್ಲಿ ಯಶಸ್ವಿಯಾಗಲು ಬಯಸುವ ವಿದ್ಯಾರ್ಥಿಗಳು ಮತ್ತು ಯುವಕರಿಗೆ ಕೆಲವು ಸಲಹೆಗಳನ್ನು ನೀಡಿದ್ದಾರೆ.

‘ಲೆಕ್ಸ್ ಫ್ರಿಡ್‌ಮ್ಯಾನ್ ಪಾಡ್‌ಕ್ಯಾಸ್ಟ್’ ನಲ್ಲಿ ಮಾತನಾಡಿರುವ ಎಲಾನ್, ವಿದ್ಯಾರ್ಥಿಗಳಿಗೆ ಪುಸ್ತಕಗಳನ್ನು ಓದಿ, ನಾಯಕರಾಗಲು ಪ್ರಯತ್ನಿಸಬೇಡಿ ಎಂದು ಸಲಹೆ ನೀಡಿದ್ದಾರೆ. ಪಾಡ್ ಕಾಸ್ಟ್ ನಲ್ಲಿ ಯುವಜನತೆಗೆ ಹಾಗೂ ವಿದ್ಯಾರ್ಥಿಗಳಿಗೆ ಜೀವನದಲ್ಲಿ ಯಶಸ್ವಿಯಾಗಲು ನೀವು ಯಾವ ಸಲಹೆಗಳನ್ನ ನೀಡುತ್ತೀರಾ ಎಂದು ಕೇಳಿದಾಗ, ಎಲಾನ್ ಐದು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.

ವಿದ್ಯಾರ್ಥಿಗಳು ಮತ್ತು ಯುವಕರಿಗೆ ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿ ಎಲಾನ್ ಮಸ್ಕ್ ಅವರ ಐದು ಸಲಹೆಗಳು

ನಿಷೇದಾಜ್ಞೆ ನಡುವೆಯೂ ಯುವಕರು –ಯುವತಿಯರ ಮೋಜು ಮಸ್ತಿ: ನ್ಯೂ ಇಯರ್ ಪಾರ್ಟಿ ವೇಳೆ ರೆಸಾರ್ಟ್ ಮೇಲೆ ಪೊಲೀಸರ ದಾಳಿ

1. ನಾಯಕರಾಗಲು ಪ್ರಯತ್ನಿಸಬೇಡಿ

ಎಲಾನ್ ಮಸ್ಕ್ ಯುವಕರನ್ನು ನಾಯಕರಾಗಲು ಬಯಸಬೇಡಿ ಎಂದು ಕೇಳಿಕೊಂಡಿದ್ದಾರೆ. ಬಹಳಷ್ಟು ಸಮಯ, ನೀವು ನಾಯಕರಾಗಲು ಬಯಸುವ ಜನರಿಗೆ ನಾಯಕರಾಗುವ ಇಚ್ಛೆ ಇರುವುದಿಲ್ಲ ಎಂದು ಹೇಳಿದ್ದಾರೆ

2. ಪುಸ್ತಕಗಳನ್ನು ಓದಿ

ಇಂದಿನ ಪೀಳಿಗೆಗೆ ವಿಷಯಗಳನ್ನು ಓದುವುದು ಮತ್ತು ಅವರ ಮಾಹಿತಿಯನ್ನು ಆನ್‌ಲೈನ್‌ನಲ್ಲಿ ಪಡೆಯುವುದು ಹೆಚ್ಚು ಆರಾಮದಾಯಕವಾಗಿದೆ ಆದರೆ ಪುಸ್ತಕಗಳನ್ನು ಓದುವುದು ಮುಖ್ಯ. ಯುವಕರು ತಮ್ಮ ಸಾಮಾನ್ಯ ಜ್ಞಾನವನ್ನು ಅಭಿವೃದ್ಧಿಪಡಿಸಿಕೊಳ್ಳಲು ಪುಸ್ತಕ ಓದುವುದು ಒಳ್ಳೆಯದು. ಪುಸ್ತಕ ಓದುವಾಗ ನಮ್ಮ ಕಲ್ಪನಾ ಶಕ್ತಿ ಹೆಚ್ಚುತ್ತದೆ ಎಂದು ಪ್ರಪಂಚದ ಅತ್ಯಂತ ಶ್ರೀಮಂತ ವ್ಯಕ್ತಿ ವಿದ್ಯಾರ್ಥಿಗಳು ಮತ್ತು ಯುವಕರು ಬಹಳಷ್ಟು ಪುಸ್ತಕಗಳನ್ನು ಓದಲು ಮತ್ತು ಸಾಧ್ಯವಾದಷ್ಟು ಮಾಹಿತಿಯನ್ನು ಅರಿಯಲು ಪ್ರೋತ್ಸಾಹಿಸಿದ್ದಾರೆ.

3. ಸಮಾಜಕ್ಕೆ ಕೊಡುಗೆ ನೀಡಿ

ಸಮಾಜದ ಮೇಲೆ ಸಕಾರಾತ್ಮಕ ಪರಿಣಾಮ ಬೀರಲು, ನೀವು ಅದಕ್ಕೆ ಕೊಡುಗೆ ನೀಡಬೇಕು. ಅವರು ಕೇಳುವುದಕ್ಕಿಂತ ಹೆಚ್ಚಿನ ಕೊಡುಗೆ ನೀಡಬೇಕು. ಒಬ್ಬ ವ್ಯಕ್ತಿ, ಪ್ರಾಮಾಣಿಕವಾಗಿ ಕೆಲಸ ಮಾಡಿ ಸಮಾಜಕ್ಕೆ ಒಳಿತು ಮಾಡಿದರೆ ಇಡೀ ಪ್ರಪಂಚ ಆತನನ್ನ ಗೌರವಿಸುತ್ತದೆ‌ ಎಂದು ಎಲಾನ್ ಮಸ್ಕ್ ಹೇಳಿದ್ದಾರೆ.

4. ಜನರೊಂದಿಗೆ ಮಾತನಾಡಿ

ಜನರೊಂದಿಗೆ ಮಾತನಾಡುವುದನ್ನು ಎಂದಿಗೂ ಕಡಿಮೆ ಮಾಡಲಾಗುವುದಿಲ್ಲ. ಪ್ರಪಂಚದಾದ್ಯಂತದ ವಿವಿಧ ರೀತಿಯ ಜನರೊಂದಿಗೆ ನೀವು ಹೆಚ್ಚು ಮಾತನಾಡುತ್ತೀರಿ, ನಿಮ್ಮ ಮನಸ್ಸು ವಿಭಿನ್ನ ದೃಷ್ಟಿಕೋನಗಳಿಗೆ ತೆರೆದುಕೊಳ್ಳುತ್ತದೆ. “ಜೀವನದ ವಿವಿಧ ಹಂತಗಳು ಮತ್ತು ವಿಭಿನ್ನ ಕೈಗಾರಿಕೆಗಳು ಮತ್ತು ವೃತ್ತಿಗಳು ಮತ್ತು ಕೌಶಲ್ಯಗಳಿರೊ ಜನರೊಂದಿಗೆ ಮಾತನಾಡಿ” ಎಂದು ಎಲಾನ್ ಮಸ್ಕ್ ಹೇಳಿದ್ದಾರೆ. ಸಾಧ್ಯವಾದಷ್ಟು ಕಲಿಯುವುದು ಉತ್ತಮ ಎಂಬುದು ಅವರ ಅಭಿಪ್ರಾಯ

5. ಬೇರೆಯವರಿಗೆ ಉಪಯುಕ್ತವಾಗಿರಿ

ವಿದ್ಯಾರ್ಥಿಗಳು ಮತ್ತು ಯುವಕರಿಗೆ ಅವರು ಹಂಚಿಕೊಂಡ ಪ್ರಮುಖ ಸಲಹೆ, ಉಪಯುಕ್ತವಾಗಿರಲು ಪ್ರಯತ್ನಿಸಿ. ನಿಮ್ಮ ಸ್ನೇಹಿತರಿಗೆ, ಜಗತ್ತಿಗೆ ಉಪಯುಕ್ತವಾದ ಕೆಲಸಗಳನ್ನು ಮಾಡಿ. ಇದು ತುಂಬಾ ಕಷ್ಟಕರವಾದ ಕೆಲಸ ಆದರೆ, ಉಪಯುಕ್ತ ಜೀವನವು “ಬದುಕಲು ಯೋಗ್ಯವಾದ ಜೀವನ” ಎಂದು ಮಸ್ಕ್ ಹೇಳಿದ್ದಾರೆ.