ಸುನೀತಾ ವಿಲಿಯಮ್ಸ್, ಬುಚ್ ವಿಲ್ಮೋರ್ 9 ತಿಂಗಳು ಬಾಹ್ಯಾಕಾಶದಲ್ಲಿ ಏನು ತಿನ್ನುತ್ತಿದ್ದರು ? ಇಲ್ಲಿದೆ ಇಂಟರೆಸ್ಟಿಂಗ್ ಮಾಹಿತಿ

ನಾಸಾ ಗಗನಯಾತ್ರಿಗಳಾದ ಬುಚ್ ವಿಲ್ಮೋರ್ ಮತ್ತು ಸುನೀತಾ ವಿಲಿಯಮ್ಸ್ ಮಂಗಳವಾರ (ಯುಎಸ್ ಸ್ಥಳೀಯ ಸಮಯ) ಸ್ಪೇಸ್ಎಕ್ಸ್ ಕ್ಯಾಪ್ಸೂಲ್ನಲ್ಲಿ ಫ್ಲೋರಿಡಾದ ಕರಾವಳಿಯಿಂದ ಸುರಕ್ಷಿತವಾಗಿ ಭೂಮಿಗೆ ಮರಳಿದರು. ಒಂಬತ್ತು ತಿಂಗಳ ನಂತರ ಅವರು ಭೂಮಿಗೆ ಸುರಕ್ಷಿತವಾಗಿ ಮರಳಿದ್ದಾರೆ.

ವಿಲ್ಮೋರ್ ಮತ್ತು ವಿಲಿಯಮ್ಸ್ ಇಬ್ಬರೂ ನೌಕಾಪಡೆಯ ಪರೀಕ್ಷಾ ಪೈಲಟ್ಗಳಾಗಿದ್ದು, ನಂತರ ನಾಸಾಗೆ ಸೇರಿದರು. 62 ವರ್ಷದ ವಿಲ್ಮೋರ್ ಟೆನ್ನೆಸ್ಸಿಯ ಪ್ರೌಢಶಾಲಾ ಮತ್ತು ಕಾಲೇಜು ಫುಟ್ಬಾಲ್ ಆಟಗಾರನಾಗಿದ್ದರೆ, 59 ವರ್ಷದ ವಿಲಿಯಮ್ಸ್ ಮ್ಯಾಸಚೂಸೆಟ್ಸ್ನ ನೀಧಾಮ್ನ ಸ್ಪರ್ಧಾತ್ಮಕ ಈಜುಗಾರ ಮತ್ತು ದೂರ ಓಟಗಾರರಾಗಿದ್ದರು.

ತಿಂಗಳುಗಟ್ಟಲೆ ಬಾಹ್ಯಾಕಾಶದಲ್ಲಿ ವಾಸಿಸುವುದಿಂದ ಸ್ನಾಯು ನೋವು, ಮೂತ್ರಪಿಂಡದ ಕಲ್ಲುಗಳಿಗೆ ಕಾರಣವಾಗುವ ದ್ರವ ಬದಲಾವಣೆಗಳು, ದೃಷ್ಟಿ ಸಮಸ್ಯೆಗಳು ಮತ್ತು ಗುರುತ್ವಾಕರ್ಷಣೆಗೆ ಮರಳಿದ ನಂತರ ಸಮತೋಲನ ಮರು ಹೊಂದಾಣಿಕೆ ಸೇರಿದಂತೆ ದೈಹಿಕ ಸವಾಲುಗಳನ್ನು ಎದುರಿಸಬೇಕಾಗುತ್ತದೆ. ಆದ್ದರಿಂದ ಇದನ್ನು ಹೇಗೆ ನಿಭಾಯಿಸಬೇಕೆಂದು ಗಗನಯಾತ್ರಿಗಳಿಗೆ ಸೂಕ್ತ ತರಬೇತಿ ನೀಡಲಾಗುತ್ತದೆ. ಅಂತೆಯೇ ಬುಚ್ ವಿಲ್ಮೋರ್ ಮತ್ತು ಸುನೀತಾ ವಿಲಿಯಮ್ಸ್ ಈ ಬಗ್ಗೆ ಬಹಳ ಅನುಭವ ಹೊಂದಿದ್ದರು.

ಒಂದು ವಾರದಲ್ಲಿ ವಾಪಸ್ ಬರುತ್ತೇವೆ ಎಂದು ಹೋದ ಗಗನಯಾತ್ರಿಗಳು 9 ತಿಂಗಳು ಬಾಹ್ಯಾಕಾಶದಲ್ಲಿಯೇ ಇರಬೇಕಾಯಿತು.

ನಾಸಾ ಗಗನಯಾತ್ರಿಗಳಾದ ಬುಚ್ ವಿಲ್ಮೋರ್ ಮತ್ತು ಸುನೀತಾ ವಿಲಿಯಮ್ಸ್ ಅವರು ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ (ಐಎಸ್ಎಸ್) ಪಿಜ್ಜಾ, ರೋಸ್ಟ್ ಚಿಕನ್ ಮತ್ತು ಸೀಗಡಿ ಕಾಕ್ಟೈಲ್ಗಳನ್ನು ತಿನ್ನುತ್ತಿದ್ದಾರೆ ಎಂದು ಕಳೆದ ವರ್ಷ ನವೆಂಬರ್ 18 ರಂದು ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿತ್ತು.