ಶಾಕಿಂಗ್​: ಪ್ರಿಯಕರನಿಗೆ ಚುಂಬಿಸಿ ಬಳಿಕ ಆತನ ಮೇಲೆಯೇ ಫೈರಿಂಗ್​ ನಡೆಸಿದ ಪ್ರಿಯತಮೆ ಅಂದರ್..​..!

ಪ್ರೀತಿಯಲ್ಲಿ ಅಂತರ ಹೆಚ್ಚಾಗುತ್ತಿದೆ ಎಂದು ಭಾವಿಸಿದ ಯುವತಿಯೊಬ್ಬಳು ತನ್ನ ಬಾಯ್​ಫ್ರೆಂಡ್​ ಮೇಲೆ ಫೈರಿಂಗ್​ ನಡೆಸಿದ ಶಾಕಿಂಗ್​ ಘಟನೆಯು ಪಶ್ಚಿಮ ಬಂಗಾಳದ ವರ್ಧಮಾನ್​ ಎಂಬಲ್ಲಿ ನಡೆದಿದೆ. 22 ವರ್ಷದ ಯುವತಿ ಕಳೆದ ನಾಲ್ಕು ವರ್ಷಗಳಿಂದ ಈತನನ್ನು ಪ್ರೀತಿಸುತ್ತಿದ್ದಳು ಎನ್ನಲಾಗಿದೆ. ಆತನಿಗೆ ಚುಂಬಿಸಿ ಬಳಿಕ ಇಬ್ಬರೂ ಸೇರಿ ಸಿಗರೇಟ್​ ಸೇದಿದ್ದಾರೆ. ಇದಾದ ಬಳಿಕ ಆತನ ಮೇಲೆ ಯುವತಿ ಫೈರಿಂಗ್​​ ನಡೆಸಿದ್ದಾಳೆ ಎಂದು ತಿಳಿದುಬಂದಿದೆ.

ಬಾಯ್​ಫ್ರೆಂಡ್ ಕೂಡ 22 ವರ್ಷದವನಾಗಿದ್ದು ಬುಲೆಟ್​ ಆತನ ಹೊಟ್ಟೆ ಭಾಗದಲ್ಲಿ ತರಚಿದೆ. ಹೀಗಾಗಿ ಆತನ ಬದುಕುಳಿದಿದ್ದಾನೆ ಎನ್ನಲಾಗಿದೆ. ಆರೋಪಿಯನ್ನು ಬಂಧಿಸಲಾಗಿದೆ ಎಂದು ಪೊಲೀಸ್​ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಪಶ್ಚಿಮ ಬಂಗಾಳದ ಕಾಟ್ವಾ ಪೊಲೀಸ್​ ಠಾಣೆಯಲ್ಲಿ ಕೇಶಿಯಾ ಎಂಬ ಗ್ರಾಮದಲ್ಲಿ ಈ ಘಟನೆ ಸಂಭವಿಸಿದೆ ಎನ್ನಲಾಗಿದೆ. ಬಾಯ್​ಫ್ರೆಂಡ್​ ನೀಡಿದ ದೂರು ಆಧರಿಸಿದ ಯುವತಿಯನ್ನು ಬಂಧಿಸಲಾಗಿದೆ.

ಭೇಟಿಯಾಗಬೇಕೆಂದು ಹೇಳಿದ್ದ ಯುವತಿಯು ಆತನನ್ನು ಹತ್ತಿರದ ಸರ್ಕಸ್​ ಗ್ರೌಂಡ್​ಗೆ ಕರೆಸಿದ್ದಳು. ಅಲ್ಲಿಗೆ ಬಂದ ಬಾಯ್​ಫ್ರೆಂಡ್​ನ್ನು ಆಲಂಗಿಸಿಕೊಂಡು ಬಳಿಕ ಆತನಿಗೆ ಮುತ್ತನ್ನು ನೀಡಿದ್ದಾಳೆ. ಇದಾದ ಬಳಿಕ ಇಬ್ಬರೂ ಸಿಗರೇಟ್​ ಸೇದಿದ್ದಾರೆ. ಇದ್ದಕ್ಕಿದ್ದಂತೆ ಗನ್​ ಹೊರಗೆ ತೆಗೆದ ಯುವತಿಯು ಆತನ ಮೇಲೆ ಫೈರಿಂಗ್​ ನಡೆಸಿದ್ದಾಳೆ. ಆದರೆ ಆ ಬುಲೆಟ್​ ಕೇವಲ ವ್ಯಕ್ತಿಯ ಹೊಟ್ಟೆ ಭಾಗವನ್ನು ತರಚಿದೆ. ಕೂಡಲೇ ಯುವತಿ ಸ್ಥಳದಿಂದ ಎಸ್ಕೇಪ್​ ಆಗಿದ್ದಾಳೆ. ಬಳಿಕ ಆಕೆಯನ್ನು ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಪ್ರಾಥಮಿಕ ತನಿಖೆಯ ವೇಳೆಯಲ್ಲಿ ಕೆಲ ತಿಂಗಳಿನಿಂದ ಇಬ್ಬರ ನಡುವೆ ಅಂತರ ಹೆಚ್ಚಾಗುತ್ತಿತ್ತು. ಹೀಗಾಗಿ ತಾನು ಈ ರೀತಿ ಮಾಡಿದ್ದಾಗಿ ಯುವತಿ ಹೇಳಿದ್ದಾಳೆ ಎನ್ನಲಾಗಿದೆ.