ಮದುವೆಗೆ ಬಂದ ಅತಿಥಿಗಳಿಗೆ ʼಆಧಾರ್‌ʼ ಕೇಳಿದ ವಧು ಕುಟುಂಬ…!

ಉತ್ತರ ಪ್ರದೇಶದ ಅಮ್ರೋಹಾದಲ್ಲಿ ಮದುವೆಗೆ ಬಂದ ಅತಿಥಿಗಳು ಸಮಾರಂಭ ನಡೆಯುವ ಸ್ಥಳಕ್ಕೆ ಪ್ರವೇಶಿಸುವ ಮೊದಲು ತಮ್ಮ ಆಧಾರ್​ ಕಾರ್ಡ್​ಗಳನ್ನು ತೋರಿಸಲು ಕೇಳಲಾಗಿದೆ.

ಅಮ್ರೋಹಾದ ಹಸನ್​ಪುರದಲ್ಲಿ ಈ ಘಟನೆ ನಡೆದಿದೆ. ಸ್ಥಳಕ್ಕೆ ಆಗಮಿಸಿದ ಅತಿಥಿಗಳನ್ನು ನೋಡಿದ ನಂತರ ವಧುವಿನ ಕಡೆಯವರು ಸ್ವಲ್ಪ ಚಿಂತಿತರಾಗಿದ್ದಾರೆ. ಆದ್ದರಿಂದ, ಅವರು ಸ್ಥಳವನ್ನು ಪ್ರವೇಶಿಸುವ ಮೊದಲು ತಮ್ಮ ಆಧಾರ್​ ಕಾರ್ಡ್​ಗಳನ್ನು ತೋರಿಸಲು ಅತಿಥಿಗಳನ್ನು ಕೇಳಿದ್ದಾರೆ.

ಪುರಾವೆ ತೋರಿಸಲು ಸಾಧ್ಯವಾದ ಜನರು ಪ್ರವೇಶಕ್ಕೆ ಅನುಮತಿ ಪಡೆದರೆ, ಸಾಧ್ಯವಾಗದವರು ವೀಡಿಯೊವನ್ನು ರೆಕಾರ್ಡ್​ ಮಾಡಿದರು.

ದಿಬ್ಬಣವು ಧವಸಿರ್ ಗ್ರಾಮದಿಂದ ಹಸನಪುರಕ್ಕೆ ಬಂದಿತ್ತು. ಭಾರೀ ಜನಸಂದಣಿಯನ್ನು ನೋಡಿದ ನಂತರ ವಧುವಿನ ಕುಟುಂಬವು ವರನ ಕಡೆಯಿಂದ ಬಂದ ಅತಿಥಿಗಳನ್ನು ಪ್ರವೇಶಿಸುವ ಮೊದಲು ತಮ್ಮ ಆಧಾರ್​ ಕಾರ್ಡ್​ಗಳನ್ನು ತೋರಿಸಲು ಕೇಳಿದರು. ಆಧಾರ್​ ಕಾರ್ಡ್​ ತೋರಿಸಿದವರಿಗೆ ಊಟ ಹಾಕಿ ಕಳಿಸಲಾಯಿತು, ಸಾಧ್ಯವಾಗದವರು ಹಿಂತಿರುಗಿದರು.

ವರದಿಗಳ ಪ್ರಕಾರ ಸೆಪ್ಟೆಂಬರ್​ 21 ರಂದು ಒಂದೇ ಸ್ಥಳಕ್ಕೆ ಎರಡು ದಿಬ್ಬಣ ಬಂದಿವೆ. ಒಂದು ಸಮಯದಲ್ಲಿ ಊಟ ಬಡಿಸಲು ಪ್ರಾರಂಭಿಸಿದಾಗ ಇನ್ನೊಂದು ದಿಬ್ಬಣದಲ್ಲಿದ್ದ ಜನರೂ ಸಹ ಊಟಕ್ಕೆ ನುಗ್ಗಿದ್ದರು.

ಗೊಂದಲದ ನಡುವೆ, ವಧುವಿನ ಕುಟುಂಬವು ಅಸಮಾಧಾನಗೊಂಡಿದ್ದು, ಮತ್ತು ಊಟ ನೀಡುವುದನ್ನು ನಿಲ್ಲಿಸಲು ನಿರ್ಧರಿಸಿತು. ಜನಸಂದಣಿಯನ್ನು ನಿರ್ವಹಿಸಲು ಆಧಾರ್​ ಕಾರ್ಡ್​ ತೋರಿಸುವ ಷರತ್ತನ್ನು ಮುಂದಿಟ್ಟಿದ್ದು, ಆದರೆ ಆ ಸಮಯದಲ್ಲಿ ಗುರುತಿನ ಪುರಾವೆಗಳಿಲ್ಲದ ಕಾರಣ ಮದುವೆಯ ನಿಜವಾದ ಅತಿಥಿಗಳು ಕೂಡ ಸಿಕ್ಕಿಕೊಂಡರು.