ನೀರಿನೊಳಗೆ ಶಾರ್ಕ್​ ಜತೆ ಸೊಗಸಾದ ನರ್ತನ: ರೊಮಾಂಟಿಕ್​ ಹಾಡಿನ ನೃತ್ಯಕ್ಕೆ ವ್ಹಾರೆವ್ಹಾ ಎಂದ ನೆಟ್ಟಿಗರು

ಮನುಷ್ಯ ಮತ್ತು ಪ್ರಾಣಿಗಳ ನಡುವಿನ ಸಂಬಂಧ ಅನೂಹ್ಯವಾದದ್ದು. ಅದು ಸಾಕು ಪ್ರಾಣಿಯೇ ಆಗಿರಬಹುದು ಅಥವಾ ಇನ್ನಾವುದೇ ಪ್ರಾಣಿ, ಪಕ್ಷಿಗಳಾಗಿರಬಹುದು. ಕೆಲವು ಪ್ರಾಣಿ- ಪಕ್ಷಿಗಳು ಕೂಡ ಮನುಷ್ಯನನ್ನು ತುಂಬಾ ಪ್ರೀತಿಸಿಬಿಡುತ್ತವೆ. ಅಂಥದ್ದೇ ಒಂದು ಅಪರೂಪದ ಪ್ರೀತಿಯ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್​ ಆಗಿದೆ.

ನೀರಿನೊಳಗೆ ಹೋದ ವ್ಯಕ್ತಿಯೊಬ್ಬ ಅಲ್ಲಿರುವ ಶಾರ್ಕ್​ನೊಟ್ಟಿಗೆ ನೃತ್ಯ ಮಾಡಿರುವ ಸೊಗಸಾದ ವಿಡಿಯೋ ಇದಾಗಿದೆ. ಟ್ವಿಟರ್​ನಲ್ಲಿ ಸದ್ಯ ಈ ವಿಡಿಯೋ ಭಾರಿ ವೈರಲ್​ ಆಗಿದೆ.

ವಿಡಿಯೋದಲ್ಲಿ ವ್ಯಕ್ತಿ ಹಾಗೂ ಶಾರ್ಕ್​ ಅರ್ಧ ನೀರಿನಲ್ಲಿ ಮುಳುಗಿ ನೃತ್ಯ ಮಾಡುವುದನ್ನು ನೋಡಬಹುದಾಗಿದೆ. ಹುಡುಗ ಮತ್ತು ಹುಡುಗಿ ಇಬ್ಬರೂ ರೊಮಾಂಟಿಕ್​ ಆಗಿ ನರ್ತಿಸುತ್ತಿರುವಂತೆ ಇದು ತೋರುತ್ತಿರುವುದಾಗಿ ಹಲವಾರು ಕಮೆಂಟ್​ಗಳು ಬಂದಿವೆ. ಇದಕ್ಕೆ ಕಾರಣ, ರೊಮಾಂಟಿಕ್​ ಎನಿಸುವ ಹಿನ್ನೆಲೆ ಗಾಯನಕ್ಕೆ ಈ ಜೋಡಿ ನರ್ತಿಸಿದ್ದು, ಇದು ನೆಟ್ಟಿಗರ ಮನಸೂರೆಗೊಂಡಿದೆ. 16 ಸೆಕೆಂಡ್​ಗಳ ಈ ವಿಡಿಯೋ ಇದಾಗಲೇ ಲಕ್ಷಕ್ಕೂ ಅಧಿಕ ವ್ಯೂಸ್​ ಕಂಡಿದೆ.

https://twitter.com/rachel_da_bagel/status/1582581371133837312?ref_src=twsrc%5Etfw%7Ctwcamp%5Etweetembed%7Ctwterm%5E1582581371133837312%7Ctwgr%5E90ff9250d1e8cc247bbec356973bf37033aa7ae8%7Ctwcon%5Es1_&ref_url=https%3A%2F%2Fwww.news18.com%2Fnews%2Fbuzz%2Fwatch-video-of-man-dancing-underwater-with-a-shark-is-viral-for-all-the-right-reasons-6214345.html