ಸೋಪು ನೀರು ತುಂಬಿದ ಬಕೆಟ್ ನಲ್ಲಿ ಅಪ್ಪನ ಲ್ಯಾಪ್ಟಾಪ್ ಅನ್ನು ಮುಳುಗಿಸಿ ಅದನ್ನು ಸ್ವಚ್ಛಗೊಳಿಸಿದ್ದಾಳೆ ಪುಟ್ಟ ಬಾಲೆ !
ಅಷ್ಟಕ್ಕೂ ಈಕೆ ಹೀಗೆ ಮಾಡಿರುವುದಕ್ಕೆ ಕಾರಣ, ಅಪ್ಪ ಪದೇ ಪದೇ ತನ್ನ ಪತ್ನಿಯ ಬಳಿ ಲ್ಯಾಪ್ಟಾಪ್ನಲ್ಲಿ ಬಹಳ ಜಂಕ್ ತುಂಬಿಬಿಟ್ಟಿದೆ ಎಂದು ಹೇಳಿದ್ದು ! ಇದನ್ನು ಕೇಳಿಸಿಕೊಂಡ ಮಗಳು, ಇದಕ್ಕೆ ಅಪ್ಪ ಇಷ್ಟೆಲ್ಲಾ ತಲೆಬಿಸಿ ಮಾಡಿಕೊಳ್ಳುವುದು ಏಕೆ ಎಂದು ಅದನ್ನು ತೊಳೆದಿದ್ದಾಳೆ.
ಇದರ ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರು ನಕ್ಕೂ ನಕ್ಕೂ ಸುಸ್ತಾಗುತ್ತಿದ್ದಾರೆ. ಆದರೆ ದುಬಾರಿ ಲ್ಯಾಪ್ಟಾಪ್ ರಿಪೇರಿಗೆ ಕೊಡುವ ತಲೆಬಿಸಿಯಲ್ಲಿದ್ದಾನೆ ಅಪ್ಪ !
ದಕ್ಷಿಣ ಚೀನಾ ಮಾರ್ನಿಂಗ್ ಪೋಸ್ಟ್‌ ಇದನ್ನು ವರದಿ ಮಾಡಿದೆ. ವರದಿಯ ಪ್ರಕಾರ ಬಾತ್ರೂಮಿಗೆ ಲ್ಯಾಪ್ಟಾಪ್ ತೆಗೆದುಕೊಂಡು ಹೋಗಿ ಸೋಪಿನ ನೀರು ತುಂಬಿದ ಬಕೆಟ್ನಲ್ಲಿ ಅದ್ದಿ ಅದ್ದಿ ಪೂರ್ತಿ ಸ್ವಚ್ಛಗೊಳಿಸಿದೆ ಈ ಮಗು.
ಅಪ್ಪ-ಅಮ್ಮ ಗದರಿದಾಗ ಅಪ್ಪ ಹೇಳುತ್ತಿದ್ದ ವಿಷಯ ತಿಳಿಸಿ ತಾನು ಅಪ್ಪನಿಗೆ ಸಹಾಯ ಮಾಡಲು ಹೀಗೆ ಮಾಡಿದೆ ಎಂದಿದ್ದಾಳೆ. ಇದನ್ನು ಕೇಳಿದ ಅಪ್ಪ-ಅಮ್ಮನಿಗೆ ನಗಬೇಕೋ, ಅಳಬೇಕೋ ತಿಳಿಯದಾಗಿದೆ !
Loading ...