ಸರ್ಕಾರಿ ಶಾಲೆ ಮಗುವಿನ ಕಲಿಕೆ ವಿಡಿಯೋ ವೈರಲ್;‌ ಪುಟ್ಟ ಹುಡುಗನ ಎನರ್ಜಿಗೆ ನೆಟ್ಟಿಗರು ಖುಷ್

ಸಾಮಾಜಿಕ ಜಾಲತಾಣ ಅಸಂಖ್ಯಾತ ಆಸಕ್ತಿದಾಯಕ, ಮೋಜಿನ ವೀಡಿಯೊಗಳ ಭಂಡಾರ. ಜನರು ಚಿತ್ರ ವಿಚಿತ್ರವಾದ ಚಾಕಚಕ್ಯತೆ ಪ್ರದರ್ಶಿಸುವುದು ವೈರಲ್ ಆಗುತ್ತವೆ.

ಈಗ ಟ್ವಿಟ್ಟರ್‌ನಲ್ಲಿ ಮಗುವಿನ ಓದುತ್ತಿರುವ ವಿಡಿಯೋವೊಂದು ವೈರಲ್ ಆಗಿದೆ.

ಮಗುವು ಓದುತ್ತಿರುವುದು ಅಸಾಮಾನ್ಯವಾದುದೇನಲ್ಲವಾದರೂ ತನ್ನ ತರಗತಿಯಲ್ಲಿ ಮಗು ಜೋರಾಗಿ ಓದುವುದು ಇಡೀ ತರಗತಿಯು ಆ ಹುಡುಗನನ್ನು ಅನುಸರಿಸುವುದು, ಅವನು ಹೇಳುವುದನ್ನು ಪುನರಾವರ್ತಿಸುವುದು ಕಾಣಿಸುತ್ತದೆ.

ಅಲ್ಲಿನ ವಾತಾವರಣ ಸರ್ಕಾರಿ ಶಾಲೆಯಂತೆ ಕಾಣುತ್ತದೆ. ಆ ಹುಡುಗನ ಉತ್ಸಾಹಕ್ಕೆ ಸಾಟಿಯಿಲ್ಲ ಎಂಬಂತೆ ಟ್ವಿಟರ್ ಬಳಕೆದಾರರು ಇಷ್ಟಪಟ್ಟಿದ್ದಾರೆ.

ಆ ವೀಡಿಯೊವು 3.26 ಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಕಂಡಿದ್ದು, 13,000 ಕ್ಕೂ ಹೆಚ್ಚು ಲೈಕ್ ಪಡೆದಿದೆ.
ಹೆಚ್ಚಿನ ಜನರು ಮಗುವನ್ನು ಮೆಚ್ಚಿದರೆ ಮತ್ತೆ ಕೆಲವರು ಅದನ್ನು ತಮಾಷೆಯಾಗಿ ಕಂಡಿದ್ದಾರೆ.