ಕಾಶ್ಮೀರವನ್ನು ಸಾಮಾನ್ಯವಾಗಿ ಭೂಮಿಯ ಮೇಲಿನ ಸ್ವರ್ಗ ಎಂದು ಕರೆಯಲಾಗುತ್ತದೆ. ಟ್ವಿಟರ್ನಲ್ಲಿ ವೈರಲ್ ಆಗುತ್ತಿರುವ ಇತ್ತೀಚಿನ ವಿಡಿಯೊವು ಕಾಶ್ಮೀರದ ನೆಲದ ಸೌಂದರ್ಯವು ಅದರ ಖ್ಯಾತಿಗೆ ಹೇಗೆ ಪೂರಕವಾಗಿದೆ ಎಂಬುದನ್ನು ತೋರಿಸುತ್ತದೆ.
ನಾರ್ವೇಯನ್ ರಾಜತಾಂತ್ರಿಕ ಎರಿಕ್ ಸೋಲ್ಹೈಮ್ ಹಂಚಿಕೊಂಡ ಕ್ಲಿಪ್ನಲ್ಲಿ, ಬ್ಯಾಂಗಸ್ ವ್ಯಾಲಿಯ ಸೊಬಗು ಕಾಣಿಸುತ್ತದೆ. ಸಮೃದ್ಧವಾದ ಹಸಿರು ಹುಲ್ಲಿನ ಮಧ್ಯೆ ಕುದುರೆಗಳು ಶಾಂತಿಯುತವಾಗಿ ಮೇಯುತ್ತಿರುವಾಗ, ಹಿಂದೆ ಹರಿಯುವ ತೊರೆಗಳು ಅಲ್ಲಿನ ಪ್ರಕೃತಿ ಶ್ರೀಮಂತಿಕೆಯನ್ನು ಎತ್ತಿತೋರಿಸಿದೆ.
ಜಮ್ಮು ಮತ್ತು ಕಾಶ್ಮೀರದ ಕುಪ್ವಾರ ಜಿಲ್ಲೆಯಲ್ಲಿರುವ ಬಂಗುಸ್ ಕಣಿವೆಯು ಸಸ್ಯ ಮತ್ತು ಪ್ರಾಣಿಗಳ ಶ್ರೀಮಂತ ವೈವಿಧ್ಯತೆಗೆ ಹೆಸರುವಾಸಿಯಾಗಿದೆ. ಚಿಕ್ಕ ವಿಡಿಯೊವನ್ನು ಹಂಚಿಕೊಂಡ ಸೋಲ್ಹೈಮ್, ಇನ್ಕ್ರೆಡಿಬಲ್ ಇಂಡಿಯಾ ! ಈ ಸ್ವರ್ಗವು ಜಮ್ಮು ಮತ್ತು ಕಾಶ್ಮೀರದಲ್ಲಿದೆ, ಇದನ್ನು ಬಂಗುಸ್ ಕಣಿವೆ ಎಂದು ಕರೆಯಲಾಗುತ್ತದೆ ಎಂದು ವರ್ಣಿಸಿದ್ದಾರೆ.
ಸೆಪ್ಟೆಂಬರ್ 10ರಂದು ಪೋಸ್ಟ್ ಮಾಡಿದ ನಂತರ ವೀಡಿಯೊ ಒಂದು ಲಕ್ಷದಷ್ಟು ವೀಕ್ಷಣೆ ಕಂಡಿದೆ. ವೀಡಿಯೋವನ್ನು ಶ್ಲಾಘಿಸಿ ಟ್ವಿಟ್ಟರ್ ಬಳಕೆದಾರರು ಧನ್ಯವಾದ ಅರ್ಪಿಸಿದ್ದಾರೆ. ನೀವು ಈ ಸುಂದರವಾದ ವೀಡಿಯೊವನ್ನು ಹಂಚಿಕೊಂಡಿದ್ದೀರಿ ಇಲ್ಲದಿದ್ದರೆ ಇಲ್ಲಿ ಕೆಲವರು, ಕೇವಲ ಸ್ವಿಟ್ಜರ್ಲೆಂಡ್ ಬಗ್ಗೆ ಮಾತ್ರ ಯೋಚಿಸುತ್ತಾರೆ ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ.
ಅಕ್ಟೋಬರ್ 2021ರಲ್ಲಿ, ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರು ಈ ಪ್ರದೇಶದ ಪ್ರಸಿದ್ಧ ಪಿರ್ ಪಂಜಾಲ್ ಪರ್ವತ ಶ್ರೇಣಿಯ ಫೋಟೋ ಹಂಚಿಕೊಂಡಿದ್ದರು. ಕಾಶ್ಮೀರವನ್ನು “ಭಾರತದ ಕಿರೀಟದಲ್ಲಿನ ರತ್ನ” ಎಂದು ಕರೆದಿದ್ದ ಅಮಿತ್ ಷಾ, ವಿಶಾಲವಾದ ಹಿಮಾಲಯ ಶ್ರೇಣಿಯ ನಾಲ್ಕು ಚಿತ್ರಗಳನ್ನು ಹಂಚಿಕೊಂಡು, ಕಣಿವೆಗೆ ಭೇಟಿ ನೀಡುವಂತೆ ಪ್ರವಾಸಿಗರನ್ನು ಕೋರಿದ್ದರು.
Loading ...