ಸ್ವಾತಂತ್ರ್ಯ ದಿನದಂದು ʼಜನ ಗಣ ಮನʼ ನುಡಿಸಿದ ಪಾಕ್​ ಕಲಾವಿದ

ಭಾರತದ ಸ್ವಾತಂತ್ರ್ಯ ಅಮೃತ ಮಹೋತ್ಸ ಹಿನ್ನೆಲೆಯಲ್ಲಿ ಇಡೀ ದೇಶಾದ್ಯಂತ ಸಂಭ್ರಮಾಚರಣೆ ಮೇರೆ ಮೇರಿದೆ. ವಿದೇಶಗಳಲ್ಲೂ ಸಹ ಭಾರತದ ಈ ಸಂಭ್ರಮಕ್ಕೆ ಬೆಂಬಲವಾಗಿ ಕಾರ್ಯಕ್ರಮ ನಡೆದು ಆ ಮೂಲಕ ಶುಭ ಹಾರೈಕೆ ಸಲ್ಲಿಕೆಯಾಗಿದೆ.

ನೆರೆಯ ಪಾಕಿಸ್ತಾನದಲ್ಲೂ ಕೂಡ ಇಂತದ್ದೊಂದು ಪ್ರಸಂಗ ನಡೆದಿದೆ. ಭಾರತದ ಜನತೆಗೆ ಶುಭ ಹಾರೈಸಲು ಪಾಕಿಸ್ತಾನಿ ಕಲಾವಿದರೊಬ್ಬರು ವಿಶಿಷ್ಟ ಪ್ರಯತ್ನ ಮಾಡಿದ ವಿಡಿಯೊ ವೈರಲ್​ ಆಗಿದೆ.

ಪಾಕಿಸ್ತಾನದ ರಬಾಬ್​ ಪ್ಲೇಯರ್​ ಸಿಯಾಲ್​ ಖಾನ್​ ಭಾರತದ ರಾಷ್ಟ್ರಗೀತೆ ಜನ ಗಣಮನವನ್ನು ನುಡಿಸುವ ವಿಡಿಯೊ ಪೋಸ್ಟ್​ ಮಾಡಿದ್ದಾರೆ. ಭಾರತದ ಜನರಿಗೆ ಸಿಯಾಲ್​ ಅವರ ವಿಶೇಷ ಗೌರವದ ಕುರಿತು ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಅವರ ರಾಷ್ಟ್ರಗೀತೆಯ ನಿರೂಪಣೆಯನ್ನು ಸಹ ಇಷ್ಟಪಟ್ಟಿದ್ದಾರೆ.

ಟ್ವಿಟ್ಟರ್​ನಲ್ಲಿ ವಿಡಿಯೋ ಶೇರ್​ ಮಾಡಿಕೊಂಡಿರುವ ಅವರು “ಗಡಿಯಲ್ಲಿರುವ ನನ್ನ ಕೇಳುಗರಿಗೆ ಇಲ್ಲಿದೆ ಉಡುಗೊರೆ” ಎಂದು ಪೋಸ್ಟ್​ ಮಾಡಿದ್ದಾರೆ.

ಹ್ಯಾಪಿ ಇಂಡಿಪೆಂಡೆನ್ಸ್​ ಡೇ ಇಂಡಿಯಾ. ನಮ್ಮ ನಡುವಿನ ಶಾಂತಿ, ಸಹಿಷ್ಣುತೆ ಮತ್ತು ಉತ್ತಮ ಸಂಬಂಧಗಳಿಗಾಗಿ ಸ್ನೇಹ ಮತ್ತು ಸೌಹಾರ್ದತೆಯ ಸಂಕೇತವಾಗಿ ಭಾರತದ ರಾಷ್ಟ್ರಗೀತೆಯನ್ನು ಪ್ರಯತ್ನಿಸಿದೆ ಎಂದು ಅವರು ಬರೆದುಕೊಂಡಿದ್ದಾರೆ.

ಈ ವಿಡಿಯೋ ವೈರಲ್​ ಆಗಿದ್ದು, ಈಗಾಗಲೇ 1 ಮಿಲಿಯನ್​ ವೀಕ್ಷಣೆಯಾಗಿದ್ದು, 56 ಸಾವಿರ ಲೈಕ್​ ಗಳಿಸಿದೆ. ರಬಾಬ್​ ವೀಣೆಯಂತೆಯೇ ತಂತಿ ವಾದ್ಯವಾಗಿದೆ. ಇದು ಪಾಕಿಸ್ತಾನ, ಅಫ್ಘಾನಿಸ್ತಾನ ಮತ್ತು ಕಾಶ್ಮೀರದಲ್ಲಿ ಸಾಕಷ್ಟು ಜನಪ್ರಿಯವಾಗಿದೆ.