ಪ್ರಕೃತಿಯ ಶಾಂತ ರೂಪ ಎಷ್ಟು ಅದ್ಭುತವಾಗಿರುತ್ತೊ, ಇದೇ ಪ್ರಕೃತಿಯ ರೌದ್ರರೂಪ ಅಷ್ಟೇ, ಭಯಂಕರ. ಅದರಲ್ಲೂ ವರುಣನ ರೂಪದಲ್ಲಿ ತನ್ನ ಪ್ರಕೃತಿ ತನ್ನ ರೂಪ ತೋರಿಸಿದಾಗ ಇಡೀ ಜೀವ ಸಂಕುಲವೇ ಅಲ್ಲೋಲಕಲ್ಲೋಲವಾಗಿ ಬಿಟ್ಟಿರುತ್ತೆ.
ಮಳೆಗಾಲ ಬಂದಾಗೆಲ್ಲ ಎದುರಾಗೋ ಅವಾಂತರಗಳು ಒಂದೆರಡಲ್ಲ. ಅದರಲ್ಲೂ ಪ್ರವಾಹದ ನೀರಿನಲ್ಲಿ ಕೆಲವೊಮ್ಮೆ ಪ್ರಾಣಿಗಳು, ಮನುಷ್ಯರು ಕೊಚ್ಚಿಕೊಂಡು ಹೋಗುವ ದೃಶ್ಯಗಳಂತೂ ಹೃದಯಕಲಕುವ ಹಾಗಿರುತ್ತೆ. ಅಂತಹ ದೃಶ್ಯಗಳು ಆಗಾಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗ್ತಾನೇ ಇರುತ್ತೆ. ಇತ್ತೀಚೆಗೆ ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಕಾರೊಂದು ಪ್ರವಾಹದ ನೀರಿನಲ್ಲಿ ಮುಳುಗುತ್ತಿರುವುದನ್ನ ನೋಡಬಹುದು.
ಎಲ್ಲೆಲ್ಲೂ ಪ್ರವಾಹದ ನೀರು ತುಂಬಿರುವುದನ್ನ ನೀವು ಈ ವಿಡಿಯೋದಲ್ಲಿ ನೋಡಬಹುದು. ಇದೇ ನೀರಿನಲ್ಲಿ ಕಾರೊಂದು ಮುಳುಗುತ್ತಿರುವ ದೃಶ್ಯ ಇಲ್ಲಿ ಕಾಣಿಸುತ್ತೆ. ಅದೇ ಕಾರಲ್ಲಿ ಇದ್ದ ವೃದ್ಧ ಹೊರಗೆ ಬರಲಾಗದೇ, ಮುಳುಗಿ ಹೋಗಲಿದ್ದರು. ಅದೊಂದು ಭಯಾನಕ ಸನ್ನಿವೇಶ. ಆದರೆ ತಕ್ಷಣವೇ ಅಲ್ಲೇ ಇದ್ದ ಸ್ಥಳೀಯರು, ಪ್ರವಾಹದ ನೀರಿನ ಮಧ್ಯದಲ್ಲಿ ಸಿಕ್ಕಾಕಿಕೊಂಡು ಪರದಾಡುತ್ತಿದ್ದ ವೃದ್ಧನನ್ನ ರಕ್ಷಿಸಿದ್ದಾರೆ.
ಜನರು ಪ್ರಾಣವನ್ನೂ ಲೆಕ್ಕಿಸದೇ ವೃದ್ಧನನ್ನು ಬದುಕಿಸಿದ ಪರಿ ನೋಡಿ ನೆಟ್ಟಿಗರು ಶಾಕ್ ಆಗಿದ್ದಾರೆ. ಈ ಘಟನೆ ನಡೆದಿರೋದು ಫ್ಲೋರಿಡಾದಲ್ಲಿ. ಈ ವಿಡಿಯೋ ಗುಡ್ನ್ಯೂಸ್ ಕರೆಸ್ಪಾಂಡೆಂಟ್ ಅನ್ನುವ ಟ್ವಿಟರ್ ಅಕೌಂಟ್ನಲ್ಲಿ ಶೇರ್ ಮಾಡಲಾಗಿದೆ. 2ಲಕ್ಷಕ್ಕೂ ಹೆಚ್ಚು ಜನರು ವಿಡಿಯೋವನ್ನ ವೀಕ್ಷಿಸಿದ್ದಾರೆ.
Loading ...