ಹುಟ್ಟಿದ ಮೂರೇ ದಿನಕ್ಕೆ ಮಗು ಮಗ್ಗಲಾಗೋದನ್ನ ನೀವು ನೋಡಿದ್ದೀರಾ? ಇಂತಹ ಮಾತು ಕೇಳಿದ ತಕ್ಷಣ ನಿಮಗೆ ಅಚ್ಚರಿಯಾಗೋದು ಸಾಮಾನ್ಯ. ಆದರೆ ಅಮೆರಿಕದ ಪೆನ್ಸಿಲ್ವೇನಿಯಾ ನಿವಾಸಿ ಸಮಂತಾ ಮಿಚೆಲ್ ತನ್ನ ನವಜಾತ ಮಗಳು ಜನಿಸಿದ ಮೂರೇ ದಿನಕ್ಕೆ ಮಗ್ಗಲಿಗೆ ಹೊರಳಿದ್ದಾಳೆಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ನೈಲಾ ಡೈಸ್ ಟ್ಜಾಬರಿ ಎಂಬ ಮಗು ಜನಿಸಿದ ಮೂರು ದಿನಗಳ ನಂತರ ತನ್ನ ಆಸ್ಪತ್ರೆಯ ಹಾಸಿಗೆಯಲ್ಲಿ ತೆವಳಿದೆ. ಮತ್ತು ಕೆಲ ಕ್ಷಣದವರೆಗೆ ತನ್ನ ತಲೆ ಎತ್ತಿ ಹಿಡಿದಿದೆ. ಹಿಂದೆಂದೂ ಕಂಡಿರದ ಈ ಅನುಭವವನ್ನು ಮಿಚೆಲ್ ವಿವರಿಸಿದ್ದಾರೆ.
ತನ್ನ ಜೀವನದ ಬಹುಪಾಲು ಶಿಶುಪಾಲನೆ ಮತ್ತು ಮಕ್ಕಳೊಂದಿಗೆ ಎರಡು ದಶಕಗಳ ಅನುಭವವನ್ನು ಸಂಗ್ರಹಿಸಿದ ನಂತರ 34 ವರ್ಷ ವಯಸ್ಸಿನ ಸಮಂತಾ ಮಿಚೆಲ್ ತಾನು ಕಂಡ ಅಸಾಧಾರಣ ದೃಶ್ಯದಿಂದ ಆಶ್ಚರ್ಯಚಕಿತಳಾಗಿದ್ದೇನೆ ಎಂದು ಒಪ್ಪಿಕೊಂಡಿದ್ದಾರೆ.
ನಾನು ಹಿಂದೆಂದೂ ಈ ರೀತಿಯದ್ದನ್ನು ನೋಡಿಲ್ಲ ಎಂದು ಆಶ್ಚರ್ಯ ಚಕಿತರಾದ ಅವರು ತಮ್ಮ ಮಗಳ ಸಾಮರ್ಥ್ಯಗಳ ಅನನ್ಯತೆಯನ್ನು ಒತ್ತಿಹೇಳಿದರು.
ನೈಲಾ ಇನ್ನೂ ಸಂಪೂರ್ಣವಾಗಿ ಮೂರು ದಿನದ ಮಗುವಾಗಿರಲಿಲ್ಲ . ಕೇವಲ ಎರಡೂವರೆ ದಿನ ವಯಸ್ಸಿನವಳಾಗಿದ್ದಾಗ ತನ್ನ ಮಗಳ ಗಮನಾರ್ಹ ಸಾಧನೆಯನ್ನು ಸೆರೆಹಿಡಿಯುವ ವೀಡಿಯೊವನ್ನು ರೆಕಾರ್ಡ್ ಮಾಡಲಾಗಿದೆ ಎಂದು ಮಿಚೆಲ್ ಸ್ಪಷ್ಟಪಡಿಸಿದ್ದಾರೆ. ಮಗುವಿನ ಈ ಸಾಮರ್ಥ್ಯದ ಬಗ್ಗೆ ಮಿಚೆಲ್ ಸ್ನೇಹಿತರು ಮತ್ತು ಕುಟುಂಬಸ್ಥರು ಅಚ್ಚರಿಪಟ್ಟಿದ್ದಾರೆ.
Loading ...