ಟೇಕಾಫ್ ಆದ ಮರು ಕ್ಷಣದಲ್ಲೇ ಮೋಡದಲ್ಲಿ ಕಣ್ಮರೆಯಾದ ವಿಮಾನದ ವಿಡಿಯೋ ವೈರಲ್

ಲಾಸ್ ಏಂಜಲೀಸ್ ವಿಮಾನ ನಿಲ್ದಾಣದಲ್ಲಿ ಆಕಾಶದಲ್ಲಿ ಕಣ್ಮರೆಯಾದ ಬೃಹತ್ ಏರ್‌ಬಸ್ A380 ವಿಮಾನ ವಿಡಿಯೋ ವೈರಲ್ ಆಗಿದೆ.

ಏರೋನ್ಯೂಸ್ ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡ ವಿಡಿಯೋದಲ್ಲಿ 650 ಟನ್ ತೂಕದ ವಿಮಾನವು ಟೇಕ್-ಆಫ್ ಆದ ನಂತರ ಮೋಡಗಳಲ್ಲಿ ಕಣ್ಮರೆಯಾಗುತ್ತದೆ. ಲಾಸ್ ಏಂಜಲೀಸ್ ವಿಮಾನ ನಿಲ್ದಾಣದ(LAX) ರನ್‌ವೇ ಬಳಿಯಿಂದ ತೆಗೆದ ವೀಡಿಯೊವು ಸುಂದರವಾದ ಏರ್‌ಬಸ್ A380 ರನ್‌ವೇಯಿಂದ ಟೇಕ್ ಆಫ್ ಆಗುವುದನ್ನು ಸೆರೆಹಿಡಿಯುತ್ತದೆ. ತಕ್ಷಣವೇ ಮೋಡದ ದಟ್ಟವಾದ ಹೊದಿಕೆಯಲ್ಲಿ ಕಣ್ಮರೆಯಾಗುತ್ತದೆ. ಕುತೂಹಲಕಾರಿ ಸಂಗತಿಯೆಂದರೆ ಇದು ಸಣ್ಣ ವಿಮಾನವಲ್ಲ ಬೃಹತ್ ವಾಣಿಜ್ಯ ವಿಮಾನವಾಗಿದೆ.

ಇದು ವಿಶ್ವದ ಅತಿದೊಡ್ಡ ವಾಣಿಜ್ಯ ಪ್ರಯಾಣಿಕ ವಿಮಾನವಾದ ಏರ್‌ಬಸ್ A380. ಬೃಹತ್ ಗಾತ್ರದ ಎಮಿರೇಟ್ಸ್ ಏರ್‌ಬಸ್ A380 ರನ್‌ ವೇಯ ದೂರದ ತುದಿಯಲ್ಲಿ ಟೇಕ್‌ ಆಫ್ ಆಗುತ್ತದೆ. ಕೆಲವೇ ಕ್ಷಣದಲ್ಲಿ ಅದು ದಟ್ಟವಾದ ಮೋಡಗಳಲ್ಲಿ ಕಣ್ಮರೆಯಾಗಲು ಪ್ರಾರಂಭಿಸುತ್ತದೆ. ಆಧುನಿಕ ವಾಯುಯಾನ ತಂತ್ರಜ್ಞಾನದ ಪ್ರಾಮುಖ್ಯತೆಯನ್ನು ಎತ್ತಿ ತೋರಿಸುತ್ತದೆ.