ಕೆಲವರಿಗೆ ಸಾಹಸ ಮಾಡುವ ಹುಚ್ಚು. ತಮ್ಮ ಪ್ರಾಣವನ್ನು ಪಣಕ್ಕಿಟ್ಟಾದರೂ ಸಾಹಸ ಕಾರ್ಯದಲ್ಲಿ ತೊಡಗುತ್ತಾರೆ. ಕೆಲವೊಮ್ಮೆ ಇದು ಪ್ರಾಣವನ್ನೂ ಪಡೆದುಕೊಂಡದ್ದಿದೆ.
ನೋಡುಗರ ಮೈ ಝುಂ ಎನಿಸುವ ಕೆಲವು ಅಪಾಯಕಾರಿ ಸ್ಟಂಟ್ಗಳ ಕುರಿತು ಕೈಗಾರಿಕೋದ್ಯಮಿ ಹರ್ಷ್ ಗೋಯೆಂಕಾ ಅವರು ಟ್ವಿಟರ್‌ನಲ್ಲಿ ಶೇರ್ ಮಾಡಿಕೊಂಡಿದ್ದು, ಈ ಸ್ಟಂಟ್ಗಳು ಇದೀಗ ವೈರಲ್ ಆಗಿವೆ.
ಚಲಿಸುವ ಕಾರುಗಳಿಂದ ಜಿಗಿದ ನಂತರ ಜನರು ಸುರಕ್ಷಿತವಾಗಿ ಇಳಿಯುವ ಮೈ ರೋಮಾಂಚನಗೊಳ್ಳುವ ದೃಶ್ಯವೊಂದು ಈ ಸ್ಟಂಟ್ನಲ್ಲಿ ಇದೆ.
ಮಾತ್ರವಲ್ಲದೇ, ರಷ್ಯಾದ ಸ್ಟಂಟ್‌ಮ್ಯಾನ್ ಒಬ್ಬರು “ಮಾನವ ಬುಲೆಟ್” ನಂತೆ ಕಾರಿನ ಮೂಲಕ ಹಾರುತ್ತಿರುವುದನ್ನು ನೋಡಬಹುದು. ಕಾರುಗಳು ಡಿಕ್ಕಿ ಹೊಡೆದು ನದಿಗಳಲ್ಲಿ ಇಳಿಯುವ ಇತರ ದೃಶ್ಯಗಳೂ ಈ ವಿಡಿಯೋದಲ್ಲಿ ಇವೆ.
ಈ ಸಾಹಸಗಳನ್ನು ಯಾರು ಪ್ರದರ್ಶಿಸಿದರು ಅಥವಾ ಅವುಗಳನ್ನು ಯಾವಾಗ ರೆಕಾರ್ಡ್ ಮಾಡಲಾಗಿದೆ ಎಂದು ಗೋಯೆಂಕಾ ಅವರು ಉಲ್ಲೇಖಿಸಿಲ್ಲ.
ಅಚ್ಚರಿ ಹಾಗೂ ಭಯಾನಕ ಎನಿಸುವ ಈ ವಿಡಿಯೋಗಳನ್ನು ಇದಾಗಲೇ 23 ಸಾವಿರಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದು, ಸಹಸ್ರಾರು ಮಂದಿ ಕಮೆಂಟ್ ಮಾಡಿದ್ದಾರೆ.
Loading ...