ಮಾಲೀಕನ ಜೊತೆ ನಾಯಿಯ ವ್ಯಾಯಾಮ: ಸೋ ಕ್ಯೂಟ್​ ಎನ್ನುತ್ತಿದ್ದಾರೆ ನೆಟ್ಟಿಗರು

ಸಾಮಾಜಿಕ ಮಾಧ್ಯಮದಲ್ಲಿ ಪ್ರಾಣಿಗಳ ಆಟೋಟಗಳನ್ನು ತೋರಿಸುವ ಹಲವಾರು ವಿಡಿಯೋಗಳು ಶೇರ್​ ಆಗುತ್ತವೆ. ಇವುಗಳ ಪೈಕಿ ಹಲವು ವಿಡಿಯೋಗಳು ಕ್ಯೂಟ್​ ಎನಿಸಿಕೊಳ್ಳುತ್ತವೆ. ಅಂಥದ್ದೇ ವಿಡಿಯೋ ಒಂದು ಇದೀಗ ವೈರಲ್​ ಆಗಿದೆ.

ಹೆಚ್ಚಿನ ವಿಡಿಯೋಗಳು ಬೆಕ್ಕು ಮತ್ತು ನಾಯಿಗಳನ್ನು ತೋರಿಸುತ್ತದೆ. ಅದರಲ್ಲಿಯೂ ನಾಯಿಗಳು ತಮ್ಮ ಮಾಲೀಕನನ್ನೇ ಅನುಸರಿಸುವ ಹಲವಾರು ವಿಡಿಯೋಗಳನ್ನು ನೋಡಿರಬಹುದು. ಅಂಥದ್ದೇ ಒಂದು ವಿಡಿಯೋ ಇದಾಗಿದೆ.

ಈ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬ ರಸ್ತೆಯ ಮಧ್ಯದಲ್ಲಿ ತನ್ನ ವ್ಯಾಯಾಮವನ್ನು ಪ್ರಾರಂಭಿಸಿದ ತಕ್ಷಣ, ಅವನ ಸಾಕು ನಾಯಿ ಹಿಂದುಗಡೆಯಿಂದ ಅವನನ್ನೇ ಅನುಕರಿಸುವ ವಿಡಿಯೋ ಇದಾಗಿದೆ. ಸೂರ್ಯ ನಮಸ್ಕಾರ ರೀತಿಯಲ್ಲಿ ಮಾಲೀಕ ಪೋಸ್​ ನೀಡಿದಾಗ ನಾಯಿ ಕೂಡ ಹಾಗೆಯೇ ಮಾಡಿದ್ದು, ನೆಟ್ಟಿಗರು ಸೋ ಕ್ಯೂಟ್​ ಎನ್ನುತ್ತಿದ್ದಾರೆ.

ಅದೇ ವಿಡಿಯೋದಲ್ಲಿ ಇನ್ನೊಂದು ಕಡೆ ನಾಯಿ ಮತ್ತು ಕೋಳಿ ಒಟ್ಟಿಗೇ ಇರುವುದನ್ನು ನೋಡಬಹುದು. ವೀಡಿಯೊವನ್ನು ಇನ್​ಸ್ಟಾಗ್ರಾಮ್​ನಲ್ಲಿ krishuofficial07 ಎನ್ನುವವರು ಶೇರ್​ ಮಾಡಿಕೊಂಡಿದ್ದು, ಸಹಸ್ರಾರು ಮಂದಿ ಕಮೆಂಟ್​ ಹಾಕಿದ್ದಾರೆ.

https://youtu.be/9H4xDpylZVA