ರೊನಾಲ್ಡೋ ಹುಟ್ಟುಹಬ್ಬಕ್ಕೆ ಪ್ರೇಯಸಿಯಿಂದ ದುಬಾರಿ ಕಾರ್ ಗಿಫ್ಟ್

ಕ್ರೀಡಾ ಜಗತ್ತಿನಲ್ಲಿ ಸದ್ಯದ ಮಟ್ಟಿಗೆ ಅತ್ಯಂತ ದೊಡ್ಡ ಹೆಸರೆಂದೇ ಹೇಳಬಹುದಾದ ಕ್ರಿಸ್ಟಿಯಾನೋ ರೊನಾಲ್ಡೋ ಫೆಬ್ರವರಿ 5ರಂದು ತಮ್ಮ 37ನೇ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ.

ಮ್ಯಾಂಚೆಸ್ಟರ್‌ ಯುನೈಟೆಡ್ ಸ್ಟ್ರೈಕರ್‌ಗೆ ಈ ಸಂದರ್ಭದಲ್ಲಿ ಅಭಿಮಾನಿಗಳಿಂದ ಶುಭಾಶಯಗಳ ಮಹಾಪೂರವೇ ಹರಿದುಬಂದಿದೆ. ಇದೇ ವೇಳೆ ರೊನಾಲ್ಡೋಗೆ ಆತನ ಪ್ರೇಯಸಿ ಜಾರ್ಜಿಯಾನಾ ರಾಡ್ರಿಗೆಜ಼್ ಒಂದು ಹೆಜ್ಜೆ ಮುಂದೆ ಹೋಗಿ ಕ್ಯಾಡಿಲ್ಲಾಕ್ ಎಸ್ಕಲೇಡ್ ಕಾರನ್ನು ಉಡುಗೊರೆ ನೀಡಿದ್ದಾರೆ.

ಈಜಿಪ್ಟ್ ಅಭಿಮಾನಿಗೆ ಉಡುಗೊರೆ ಕಳುಹಿಸಿದ ಶಾರುಖ್ ಖಾನ್…!

ಈ ವಿಚಾರವನ್ನು ಇನ್‌ಸ್ಟಾಗ್ರಾಂನಲ್ಲಿ ತಮ್ಮ ಹ್ಯಾಂಡಲ್ ಮೂಲಕ ಹಂಚಿಕೊಂಡ ರಾಡ್ರಿಗೆಜ಼್, “ನನ್ನ ಜೀವನದ ಪ್ರೀತಿಗೆ 37ನೇ ಹುಟ್ಟುಹಬ್ಬದ ಶುಭಾಶಯಗಳು. ನಾವು ನಿಮ್ಮನ್ನು ಅಗಾಧವಾಗಿ ಪ್ರೀತಿಸುತ್ತೇವೆ. ದೇವರು ನಮಗೆ ಕೊಡಬಹುದಾಗಿದ್ದ ಅತ್ಯುತ್ತಮ ತಂದೆ ಹಾಗೂ ಜೀವನ ಸಂಗಾತಿ. ಹೋರಾಟಗಾರರಾದ ನೀವು ನಿಮಗೆ ಆಗುತ್ತಿರುವ ಎಲ್ಲ ಒಳ್ಳೆಯ ಸಂಗತಿಗಳಿಗೂ ಅರ್ಹರಾಗಿದ್ದೀರಿ. ನೀವು ಪರಿಪೂರ್ಣರು ಹಾಗೂ ಸ್ಪೂರ್ತಿಯುತರು,” ಎಂದು ಬರೆದಿದ್ದಾರೆ.

ಹುಟ್ಟುಹಬ್ಬಕ್ಕೆ ಶುಭಾಶಯ ಕೋರಿದ ಎಲ್ಲರಿಗೂ ಧನ್ಯವಾದ ತಿಳಿಸಲು ರೊನಾಲ್ಡೋ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ. “ಜೀವನ ಒಂದು ತೂಗುಯ್ಯಾಲೆಯಾಟ. ಕಠಿಣ ಪರಿಶ್ರಮ, ವೇಗ, ತುರ್ತು ಗುರಿಗಳು, ಬೇಡಿಕೆಭರಿತ ನಿರೀಕ್ಷೆಗಳು…… ಆದರೆ ಕೊನೆಯಲ್ಲಿ, ಎಲ್ಲವೂ ಕುಟುಂಬ, ಪ್ರೀತಿ, ಪ್ರಾಮಾಣಿಕತೆ, ಸ್ನೇಹ, ಮೌಲ್ಯಗಳಿಗೆ ಬರುತ್ತದೆ. ಎಲ್ಲ ಸಂದೇಶಗಳಿಗೂ ಧನ್ಯವಾದಗಳು! 37 ಮತ್ತು ಇನ್ನೂ ಎಣಿಸುತ್ತಿದ್ದೇನೆ…! ” ಎಂದು ಹೇಳಿಕೊಂಡಿದ್ದಾರೆ ರೊನಾಲ್ಡೋ.

https://youtu.be/fo6xsUsm-60