ಮೊಸಳೆ ಅಂದ್ರೆ ಯಾರಿಗೆ ತಾನೆ ಭಯವಿಲ್ಲ ಹೇಳಿ..? ಸದಾ ಬಾಯಿ ತೆರೆದು ತನ್ನ ಬೇಟೆಗಾಗಿ ಕಾಯುತ್ತಿರುವ ಹಸಿದ ಮೊಸಳೆಗೇನಾದ್ರೂ ಸಿಕ್ರೆ ನಮ್ಮ ಕಥೆ ಗೋವಿಂದಾ…. ಆದ್ರೆ ಇಲ್ಲೊಬ್ಬಳು ಮೊಸಳೆ ಹತ್ತಿರ ಬರುತ್ತಿದ್ರೂ ಕ್ಯಾರೆ ಅಂದಿಲ್ಲ. ಅಷ್ಟೇ ಅಲ್ಲ ಅದನ್ನು ಓಡಿಸಿದ ಪರಿ ನೆಟ್ಟಿಗರನ್ನು ಆಶ್ಚರ್ಯಚಕಿತರನ್ನಾಗಿಸಿದೆ. ಸದ್ಯ, ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ವೈರಲ್ ಆಗಿದೆ.
ಯುವತಿಯು ತನ್ನ ನಾಯಿಮರಿಯೊಂದಿಗೆ ನೀರಿನ ದಡದ ಬಳಿ ನಡೆದುಕೊಂಡು ಹೋಗಿದ್ದಾಳೆ. ಇದನ್ನು ಗಮನಿಸಿದ ಮೊಸಳೆಯು ದಡದ ಬಳಿಗೆ ಬಂದಿದೆ. ಆದರೂ ಹೆದರದ ಯುವತಿ ಗಟ್ಟಿಯಾಗಿ ಅಲ್ಲೇ ನಿಂತಿದ್ದಾಳೆ. ಅಲ್ಲದೆ ತನ್ನ ಕಾಲಿನಿಂದ ಚಪ್ಪಲಿ ತೆಗೆದು ಮೊಸಳೆಯತ್ತ ಬಡಿದಿದ್ದಾಳೆ. ಮೊಸಳೆ ಹೆದರಿ ಓಡಿದಂತೆ, ಹಿಂದೆ ಹಿಂದೆ ಹೋಗಿದೆ. ಮೊಸಳೆ ಹಿಂದೆ ಹೋಗುತ್ತಿದ್ದಂತೆ ಮತ್ತಷ್ಟು ಧೈರ್ಯ ತಂದುಕೊಂಡ ಮಹಿಳೆ ಚಪ್ಪಲಿಯನ್ನು ಮತ್ತೆ ಬೀಸುತ್ತಾ ಹೆದರಿಸಿದ್ದಾಳೆ.
ಈ ವಿಡಿಯೋವನ್ನು ಆಸ್ಟ್ರೇಲಿಯಾದ ಉತ್ತರದ ಕಾಕಡು ರಾಷ್ಟ್ರೀಯ ಉದ್ಯಾನವನದಲ್ಲಿ ಚಿತ್ರೀಕರಿಸಲಾಗಿದೆ. ಮಾಜಿ ಎನ್‌ಬಿಎ ಆಟಗಾರ ರೆಕ್ಸ್ ಚಾಪ್‌ಮನ್ ಅವರು ಟ್ವಿಟ್ಟರ್‌ನಲ್ಲಿ ಈ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ. ಈ ಘಟನೆ 2016ರಲ್ಲಿ ನಡೆದಿದ್ದರೂ ಈ ವಿಡಿಯೋ ಇದೀಗ ಆನ್‌ಲೈನ್‌ನಲ್ಲಿ ಮತ್ತೆ ವೈರಲ್ ಆಗಿದೆ. ವಿಡಿಯೋವನ್ನು 1.4 ಮಿಲಿಯನ್‌ಗಿಂತಲೂ ಹೆಚ್ಚು ಮಂದಿ ವೀಕ್ಷಿಸಿದ್ದು, ಭಾರಿ ವೈರಲ್ ಆಗಿದೆ.
Loading ...