ವಧುವನ್ನು ಸ್ನೇಹಿತ ಹಿಡಿದೆಳೆದ ವೇಳೆ ವರ ಮಾಡಿದ್ದಾನೆ ಈ ಕೆಲಸ…!

ಭಾರತದಲ್ಲಿ ನಡೆಯುವ ವಿವಾಹಕ್ಕೆ ಸಾಕಷ್ಟು ಮಹತ್ವವಿದೆ. ಕುಟುಂಬಸ್ಥರು, ಸ್ನೇಹಿತರು, ನೆರೆಹೊರೆಯವರ ಪ್ರೀತಿ, ನಗುವಿನ ನಡುವೆ ವೈಭವೋಪೇತವಾಗಿ ಮದುವೆ ನಡೆಯುತ್ತವೆ.

ಪಂಜಾಬಿ ವಿವಾಹದ ವಿಡಿಯೋ ಒಂದು ವೈರಲ್​ ಆಗಿದ್ದು, ಅಲ್ಲಿ ವರನ ಸ್ನೇಹಿತರೊಬ್ಬರು ವಧುವನ್ನು ಅವರಿಂದ ದೂರವಿಡಲು ಪ್ರಯತ್ನಿಸುವ ಮೂಲಕ ಅವನನ್ನು ಕೀಟಲೆ ಮಾಡುವುದನ್ನು ಕಾಣಬಹುದು.

ವಿಡಿಯೋವನ್ನು ವಧುವಿನ ಲೆಹೆಂಗಾ ಡಿಸೈನ್​ ಹೆಸರಿನ ಪುಟವು ಹಂಚಿಕೊಂಡಿದೆ. ಸಮಾರಂಭ ಪ್ರಾರಂಭವಾಗುವ ಮೊದಲು ವಧು-ವರರು ಒಟ್ಟಿಗೆ ವೇದಿಕೆಯ ಮೇಲೆ ನಿಂತಿರುವುದನ್ನು ರೀಲ್​ ತೋರಿಸುತ್ತದೆ.

ಒಬ್ಬ ವ್ಯಕ್ತಿ ವೇದಿಕೆಯ ಬಳಿ ಬಂದು ವಧುವಿನ ಕೈಯನ್ನು ಹಿಡಿದಿದ್ದಾನೆ, ವರನು ಅವಳ ಇನ್ನೊಂದು ಕೈಯನ್ನು ಹಿಡಿದಿದ್ದಾನೆ. ಅವನು ವಧುವಿನ ಕೈ ಹಿಡಿದು ತನ್ನೊಂದಿಗೆ ಕರೆದುಕೊಂಡು ಹೋಗಲು ಕೀಟಲೆಯಿಂದ ಎಳೆಯುತ್ತಾನೆ ಆದರೆ ವರನು ಅವಳನ್ನು ತನ್ನ ಕಡೆಗೆ ಹಿಂದಕ್ಕೆ ಎಳೆಯುತ್ತಾನೆ.

ಈ ಹಗ್ಗಜಗ್ಗಾಟ ಮುಂದುವರಿದಂತೆ ವಧು ನಗುತ್ತಾಳೆ. ನಂತರ ಈ ಜಗ್ಗಾಟದಿಂದ ಹೊರಬರಲು ವರನು ಪ್ರಣಯ ತಂತ್ರವನ್ನು ಬಳಸುತ್ತಾನೆ. ಅವನು ವಧುವನ್ನು ಎತ್ತಿಕೊಂಡು ವೇದಿಕೆಯ ಮೇಲಿರುವ ವ್ಯಕ್ತಿಯಿಂದ ತಪ್ಪಿಸಿ ಅವಳನ್ನು ಕರೆದುಕೊಂಡು ಹೋಗುತ್ತಾನೆ.

ದಂಪತಿಗಳ ನಡುವಿನ ಈ ಕ್ಷಣವು ಮನಮೋಹಕವಾಗಿದೆ. ಸಲ್ಮಾನ್​ ಖಾನ್​ ಹಾಗೂ ಪ್ರಿಯಾಂಕಾ ಚೋಪ್ರಾ ಅಭಿನಯದ ಸಲಾಮ್​-ಇ-ಇಷ್ಕ್ ಚಿತ್ರದ ‘ತೇನು ಲೇಕೆ ಮೈನ್​ ಜವಂಗಾ’ ಹಾಡನ್ನು ವಿಡಿಯೋದಲ್ಲಿ ಕೇಳಬಹುದು.