ರಸ್ತೆ ದಾಟಲು ವೃದ್ಧನಿಗೆ ಸಿಗ್ತು ಅನಿರೀಕ್ಷಿತ ಸಹಾಯ..! ವಿಡಿಯೋ ವೈರಲ್​

ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುವ ವಿಡಿಯೋಗಳಲ್ಲಿ ಕೆಲವೊಂದು ವಿಡಿಯೋಗಳು ಉತ್ತಮ ಸಂದೇಶವನ್ನ ನೀಡುವ ಕೆಲಸ ಮಾಡುತ್ತದೆ. ಇದೇ ಸಾಲಿಗೆ ಇನ್ನೊಂದು ವಿಡಿಯೋ ಸೇರಿದೆ.

ಈ ವಿಡಿಯೋದಲ್ಲಿ ವೃದ್ಧನಿಗೆ ವಾಹನದಟ್ಟಣೆ ಇರುವ ರಸ್ತೆಯನ್ನು ದಾಟಲು ವ್ಯಕ್ತಿಯೊಬ್ಬ ನೆರವಾದ ಘಟನೆ ಸೆರೆಯಾಗಿದೆ.

ಕೈಯಲ್ಲಿ ಊರುಗೋಲು ಹಿಡಿದಿದ್ದ ವೃದ್ಧ ಕೆಲ ವಸ್ತುಗಳನ್ನ ಹಿಡಿದುಕೊಂಡು ರಸ್ತೆ ದಾಟಲು ಹೆಣಗಾಡುತ್ತಿದ್ದರು. ಸಾಕಷ್ಟು ವಾಹನಗಳು ಹಾದು ಹೋಗುತ್ತಿದ್ದರಿಂದ ರಸ್ತೆ ದಾಟೋದು ವೃದ್ಧನಿಗೆ ತುಂಬಾನೇ ಕಷ್ಟ ಎಂದೆನಿಸುತ್ತಿತ್ತು.

ವೃದ್ಧನ ಈ ಕಷ್ಟವನ್ನ ನೋಡಿದ ಸ್ಕೂಟಿ ಚಾಲಕನೊಬ್ಬ ಕಾರಿಗೆ ಅಡ್ಡಲಾಗಿ ತನ್ನ ವಾಹನವನ್ನ ನಿಲ್ಲಿಸುವ ಮೂಲಕ ವೃದ್ಧ ರಸ್ತೆ ದಾಟುವಲ್ಲಿ ನೆರವಾಗಿದ್ದಾನೆ. ಈ ವಿಡಿಯೋ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ.

https://twitter.com/i/status/1420104683474018305