ತರಗತಿಯಲ್ಲೇ ವಿದ್ಯಾರ್ಥಿನಿಯಿಂದ ಭರ್ಜರಿ ಡಾನ್ಸ್;‌ ಹುಚ್ಚೆದ್ದು ಕುಣಿದ ಸಹಪಾಠಿಗಳು

ಶಿಕ್ಷಕರ ದಿನಾಚರಣೆಯ ಸಂದರ್ಭದಲ್ಲಿ ತರಗತಿಯೊಳಗೆ ಬಾಲಕಿಯೊಬ್ಬಳು ಡ್ಯಾನ್ಸ್​ ಮಾಡುವ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ವಿಡಿಯೋದಲ್ಲಿ, ಜನಪ್ರಿಯ ಬಾಲಿವುಡ್​ ಹಾಡು ‘ಚಿಕ್ನಿ ಚಮೇಲಿ’ ಗೆ ಆ ಹುಡುಗಿ ಸ್ಟನ್ನಿಂಗ್​ ಸ್ಟೆಪ್​ ಹಾಕುತ್ತಾಳೆ. ಮೈ ಚಳಿ ಬಿಟ್ಟು ಕುಣಿಯುವುದನ್ನು ನೋಡಿ ತರಗತಿಯಲ್ಲಿದ್ದವರು ಕಣ್ಣುಕಣ್ಣು ಬಿಟ್ಟುಕೊಂಡು ನೋಡುತ್ತಾರೆ.

ಬಿಳಿ ಬಣ್ಣದ ಶಾಲಾ ಸಮವಸ್ತ್ರ ಮತ್ತು ಮಾಸ್ಕ್​ ಧರಿಸಿರುವ ವಿದ್ಯಾರ್ಥಿನಿ, ಉತ್ಸಾಹದಿಂದ ಹಾಡಿಗೆ ಹೆಜ್ಜೆ ಹಾಕುತ್ತಾಳೆ. ಹುಡುಗರು ಕಿರುಚಿ ಹುರಿದುಂಬಿಸುತ್ತಿರುವಾಗ ಆಕೆ ತನ್ನ ಪ್ರತಿಭೆ ತೋರಿಸುತ್ತಾಳೆ.

ಇದು ಯಾವ ಊರಿನ ಶಾಲೆಯದೆಂದು ತಿಳಿದುಬಂದಿಲ್ಲ. ಫಂಟಾಪ್​ ಹೆಸರಿನ ಇನ್​ಸ್ಟಾ ಪುಟದಲ್ಲಿ ಅಪ್​ಲೋಡ್​ ಮಾಡಲಾಗಿದ್ದು, ಇದು ಇಲ್ಲಿಯವರೆಗೆ ಒಂದು ಲಕ್ಷಕ್ಕೂ ಹೆಚ್ಚು ಲೈಕ್ಸ್​ ಮತ್ತು ವೀಕ್ಷಣೆ ಪಡೆದುಕೊಂಡಿದೆ.